• Gujarati News
  • Utility
  • 45% Women In Playing Online Games, Government Will Bring Guidelines To The Extent Of Divorce

કામના સમાચાર:ઓનલાઇન ગેમ્સ રમવામાં 45% મહિલાઓ, છૂટાછેડા સુધી વાત પહોંચતાં સરકાર લાવશે ગાઇડલાઇન

એક મહિનો પહેલા

આપણી આજુબાજુ ઘણાં એવા લોકો હોય છે જે આખો દિવસ ઓનલાઇન ગેમ્સ રમવામાં જ રચ્યા પચ્યા હોય છે. જેના કારણે ઘણીવાર તો સ્થિતિ એવી આવીને ઊભી રહે છે કે,

ઓનલાઇન ગેમ રમવાના ચક્કરમાં દેણું થઇ જાય છે. જેના કારણે લોકો જીવન ટૂંકાવે છે. ભારતમાં હાલ ઓનલાઈન ગેમિંગ ઈન્ડસ્ટ્રીના નિયમન માટે કોઈ કાયદો નથી.તેથી જ હાલમાં દેશના આઇટી રાજ્ય મંત્રી રાજીવ ચંદ્રશેખરે નિયમો બનાવતા પહેલાં પબ્લિક ડોમેનમાં નિયમોનો ડ્રાફ્ટ શેર કર્યો છે.

આજે કામના સમાચારમાં આપણે જાણીશું કે ઓનલાઇન ગેમિંગને લગતા નવા નિયમો શું હોઈ શકે છે, જો આપણી આસપાસ કોઈને એની આદત હોય તો એ કેવી રીતે દૂર કરી શકીએ.

આજના અમારા એક્સપર્ટ છે પવન દુગ્ગલ, વરિષ્ઠ વકીલ, સાયબર લો એક્સપર્ટ, દિલ્હી કામના છિબ્બર, ક્લિનિકલ સાયકોલોજિસ્ટ, ફોર્ટિસ હોસ્પિટલ, ગુડગાંવ

સવાલ : શું દેશમાં ઓનલાઈન ગેમિંગ અંગે કોઈ કાયદો અમલમાં છે?
જવાબ : ઓનલાઈન ગેમિંગને રેગ્યુલેટ કરવા માટે હાલમાં દેશમાં કોઈ અલગ કાયદો નથી. આ માટેના નિયમો ફેબ્રુઆરીની શરૂઆતમાં તૈયાર કરવામાં આવશે.

દેશમાં તેલંગાણા એક માત્ર રાજ્ય છે જેમાં ઓનલાઇન ગેમિંગને લઈને કાયદો છે. તેલંગાણામાં 2017થી ઓનલાઈન ગેમિંગ લઈને કાયદો લાગુ કરવામાં આવ્યો છે. જેમાં ઓનલાઈન ગેમિંગમાં જુગાર રમવા પર 3 મહિનાની જેલ, 5000 દંડ અથવા બંને સજા શકે છે.ઓનલાઈન જુગારની જાહેરાત કરવા માટે જવાબદાર વ્યક્તિને એક વર્ષ સુધીની જેલ, 5 લાખનો દંડ અથવા બંને સજા શકે છે. જે કોઈ ઓનલાઈન ગેમ દ્વારા જુગાર રમતા પકડાશે, ઓનલાઈન ગેમમાં પૈસા કે પ્રોપર્ટી પર સટ્ટો લગાવશે તો તેને 3 વર્ષની જેલ, 10 લાખ રૂપિયાનો દંડ અથવા બંને સજા થશે.

સવાલ : ઓનલાઈન ગેમિંગથી આપણને શું નુકસાન થઈ શકે છે?
જવાબ : એને કારણે આપણને માનસિક, શારીરિક અને આર્થિક રીતે અનેક પ્રકારનું નુકસાન થાય છે.જેમ-

  • ઓનલાઈન ગેમિંગથી અનેક રીતે છેતરપિંડી કરવામાં આવી રહી છે.
  • ગેમ રમતા સમયોતમે જાણતા નથી કે તમે કોની સાથે રમી રહ્યા છો. આ સ્થિતિમાં તમારી સાથે રમનાર ખેલાડી તમને સાયબર બુલિંગનો શિકાર બનાવી શકે છે.
  • ઑનલાઇન ગેમની આદત ખૂબ જ ઝડપથી થઇ જાય છે. તેથી જ જેઓ ઓનલાઇન ગેમ રમવાનું શરૂ કરે છે તેઓ તેમને રમ્યા વિના રહી શકતા નથી.
  • કેટલીક ઑનલાઇન ગેમ શૂટિંગ અને લડાઈની હિંસાને પ્રોત્સાહન આપે છે. જે બાળકો આ ગેમ રમે છે તેમના મન પર તેની ખરાબ અસર પડે છે.
  • ઘણી ઑનલાઇન રમતો પુખ્ત વયના લોકો માટે જ બનાવવામાં આવી હોય છે, પરંતુ નિયમના અભાવને કારણે બાળકો પણ તે રમે છે.
  • લાંબા સમય સુધી ગેમ રમવાથી સ્વાસ્થ્ય પર ખરાબ અસર પડે છે. લોકો લાંબા સમય સુધી એક જ સ્થિતિમાં બેસીને અથવા આડા પડીને રમતા રહે છે. આ ઘણી સમસ્યાઓનું કારણ બની શકે છે.

સવાલ : ઓનલાઈન ગેમિંગ માટે ઈલેક્ટ્રોનિક્સ અને આઈટી મંત્રાલયે કયા નિયમો નક્કી કર્યા છે?
જવાબ : ઈલેક્ટ્રોનિક્સ અને આઈટી મંત્રાલયે ઓનલાઈન ગેમિંગ માટે ડ્રાફ્ટ નિયમો પણ બહાર પાડ્યા છે. આ નિયમો ફેબ્રુઆરીની શરૂઆતમાં તૈયાર થઈ જશે.
આ ઑનલાઇન ગેમિંગ સંબંધિત નિયમો હોઈ શકે છે...

  • આ માટે પહેલા ગેમિંગ કંપનીઓએ સેલ્ફ રેગ્યુલેટરી બોડી બનાવવી પડશે.
  • આ સંસ્થા દ્વારા મંજૂરી આપવામાં આવેલી ગેમ્સને જ દેશમાં રમી શકાશે.
  • ગેમિંગ કંપનીઓએ ગ્રાહકોની સુરક્ષાનું ખાસ ધ્યાન રાખવું પડશે.
  • ઓનલાઈન ગેમ રમનારાઓએ KYC ફરજીયાત કરાવવું પડશે.
  • કંપનીઓ પાસે એક ફરિયાદ લઇ શકે તેવો અધિકારી હોવો જોઈએ જે ઓનલાઈન ગેમિંગ મધ્યસ્થીનો કર્મચારી હોય અને ભારતનો રહેવાસી હોય.
  • ઓનલાઈન ગેમ રમનારા ખેલાડીઓ આ ફરિયાદ અધિકારીઓ પાસે ગેમિંગ સંબંધિત ફરિયાદો કરી શકશે.
  • જુગાર અને સટ્ટાબાજી સંબંધિત દરેક નિયમ ઓનલાઈન ગેમ્સ પર પણ લાગુ થશે.
  • જે ઓનલાઈન ગેમ્સ દેશના કાયદાનું પાલન નહી કરે તેમની જાહેરાત કંપની નહી કરે.
  • ઓનલાઈન ગેમ્સમાં બાળકોની સુરક્ષા માટે યોગ્ય વ્યવસ્થા કરવી જોઈએ. માતાપિતાની સંમતિ અને બાળકોની ઉંમરનું ધ્યાન રાખવું જોઈએ.
  • ગેમ સાથે સંકળાયેલા લોકોએ જમા કરાવેલા પૈસા રિફંડ, જીતેલી રકમની રસીદ અને અન્ય ફી વિશે માહિતી આપવાની રહેશે.

સવાલ : આખરે સરકારે આ માર્ગદર્શિકા બહાર પાડવાની જરૂર કેમ પડી?

જવાબ : સરકારને આ માર્ગદર્શિકાની જરૂર છે કારણ કે…

  • ઓનલાઈન ગેમ પ્લેયર્સ પૈકી 40 થી 45 ટકા મહિલાઓ છે. તેથી ગેમિંગ ઇકોસિસ્ટમને સુરક્ષિત બનાવવી જરૂરી છે.
  • કોરોના પછી ઓનલાઈન ગેમ રમતા લોકોની સંખ્યામાં 65%નો ધરખમ વધારો થયો છે. દેશમાં લગભગ 43 કરોડ લોકો ઓનલાઈન ગેમ રમે છે.
  • હાલમાં ઓનલાઈન ગેમિંગ માટે કોઈ અલગ કાયદો બનાવવામાં આવ્યો નથી.
  • વિવિધ રાજ્ય સરકારોએ અલગ કાયદોના ન હોવાને કારણે સટ્ટાબાજી, જુગારની રમતો સાથે સ્કિલ આધારીત ઑનલાઇન ગેમ પર પ્રતિબંધ ફરમાવ્યો છે.
  • ઓનલાઈન ગેમિંગ દ્વારા પણ અનેક લોકો સાથે છેતરપિંડી કરવામાં આવી રહી છે.

આ દેશોમાં ઓનલાઈન ગેમિંગ માટે કડક નિયમો બનાવવામાં આવ્યા છે

  1. નેધરલેન્ડ
  2. વેનેઝુએલા
  3. બ્રાઝીલ
  4. દક્ષિણ કોરિયા
  5. UAE

સવાલ : આજકાલ બાળકો પણ હંમેશાં ઓનલાઈન ગેમ્સના ચક્કરમાં રહે છે, જેને કારણે કઈ કઈ સમસ્યાનો સામનો કરવો પડી શકે છે?
જવાબ : આખો દિવસ ઓનલાઈન ગેમિંગમાં વ્યસ્ત રહેવાને કારણે બાળકોને ઘણી સમસ્યાઓનો સામનો કરવો પડી શકે છે, જેમ કે…

  • ઓનલાઈન ગેમની અસર બાળકોના શિક્ષણ ઉપર ખાસ પડે છે. બાળકોને અભ્યાસ કરતાં ગેમ્સ રમવાનું વધુ ગમે છે.
  • ક્યારેક ચોરીની આદત પણ થઇ જાય છે.
  • ઓનલાઇન ગેમને કારણે બાળકોની સામાજિક કુશળતા બગાડે છે.
  • બાળકો ગેમિંગને કારણે પરિવારથી દૂર થઈ જાય છે.
  • શાળાના અભ્યાસ અને બાળકોના અન્ય શોખ પર ખોટી અસર પડે છે.
  • ઓછી શારીરિક પ્રવૃત્તિને કારણે બાળકોમાં સ્થૂળતાની સમસ્યા વધે છે.
  • બાળકોના વર્તન અને વિચારો પ્રગતિશીલ બને છે.

સવાલ : બાળકોને ઓનલાઇન ગેમ્સથી કેવી રીતે દૂર રાખવાં?

જવાબ : બાળકોને વિડિયો ગેમ્સથી દૂર રાખવા માટે આ 7 ટિપ્સને અનુસરો...

  • બાળક જે ઑનલાઇન ગેમસ રમી રહ્યું છે તેની સાથે તમારે પણ શીખવું જોઈએ અને રમવું જોઈએ. તેનાથી તમે જાણી શકશો કે બાળક ગેમિંગમાં કેટલો સમય વિતાવે છે અને તમે તેને રોકી શકશો.
  • બાળકને તેનો ગેમિંગ સમય નોંધવા કહો. થોડા સમય પછી તેમને પોતાનો નોંધાયેલ સમય બતાવીને સમજાવો કે ઓનલાઇન ગેમ્સ કેટલી નુકસાનકારક છે.
  • આ પછી બાળકને કહો કે તેઓ અન્ય પ્રવૃત્તિઓમાં કેટલો સમય આપી રહ્યા છે. તેમને કહો કે તેઓ શું ગુમાવી રહ્યા છે.
  • બાળક અને તેના મિત્રો માટે કેટલીક ઇન્ડોર અને આઉટડોર પ્રવૃત્તિઓનું આયોજન કરો.
  • બાળક સાથે તેની પસંદગીની કોઈપણ પ્રવૃત્તિ શરૂ કરો જે લાંબા સમય સુધી ચાલુ રહી શકે.
  • ઑફલાઇન પ્રવૃત્તિઓમાં બાળકોને કોઇ સિધ્ધી મળી હોય તો સેલિબ્રેટ કરો.
  • પરિવારના તમામ સભ્યો સાથે બેસીને ભોજન કરે છે.

સવાલ : ઓનલાઈન ગેમિંગમાં પૈસા રોકવાની આદતમાંથી કેવી રીતે છુટકારો મેળવવો?
જવાબ : ઓનલાઈન ગેમિંગમાં પૈસાનું રોકાણ કરવાની આદતમમાંથી છુટકારો મેળવવા માટે આ ટિપ્સ અનુસરો…

  • ઑનલાઇન ગેમિંગ પર ખર્ચ કરવા માટે સાપ્તાહિક અથવા માસિક બજેટ સેટ કરો. બજેટમાં રહીને જ ખર્ચ કરો.
  • તમે ગેમિંગ પાછળ જે પણ ખર્ચ કરો છો તે ડાયરીમાં લખતા રહો. અઠવાડિયાના અંતે તમે એક અઠવાડિયામાં જ ગેમિંગ પર કેટલો ખર્ચ કર્યો તેની ગણતરી કરો.
  • જો બાળકો માતા-પિતાના ફોનમાં ઓનલાઈન ગેમ રમતા હોય તો ચોક્કસપણે પેરેંટલ કંટ્રોલ રાખો.
  • જો ઓનલાઇન ગેમ્સમાં તમારું ડેબિટ અથવા ક્રેડિટ કાર્ડ કનેક્ટ કર્યું હોય તો હંમેશા પેમેન્ટ નોટિફિકેશન ચાલુ રાખો.
  • ગિફ્ટ કાર્ડને ક્રેડિટ કાર્ડ ગેમિંગ એકાઉન્ટ સાથે લિંક કરવાને બદલે તેને લિંક કરો.

સવાલ : ઑનલાઇન ગેમિંગથી થતાં નુકસાનને આપણે કેવી રીતે દૂર રહી શકીએ?
જવાબ : ગેમિંગથી થતા નુકસાનથી બચવા માટે તમે આ ઉપાયો કરી શકો છો...

  • ગેમ રમવા માટે એક ખાસ સમય નક્કી કરો.
  • ફોન અને અન્ય ગેજેટ્સને તમારા બેડરૂમની બહાર રાખો જેથી તમે રાત્રે ગેમ ન કરી શકો.
  • કસરત જેવી અન્ય પ્રવૃત્તિઓ કરો. જેથી ગેમિંગથી સ્વાસ્થ્યનું જોખમ ઘટશે.

જો ઓનલાઈન ગેમિંગનું વ્યસન વધી ગયું હોય તો મનોચિકિત્સકની સલાહ લો. ડોક્ટરો ત્રણ રીતે તેની સારવાર કરે છે...

કોગ્નિટિવ બિહેવિયરલ થેરાપી:
આ થેરાપીમાં ડોકટર તમને તમારા વિચારો અને વિચાર પર ધ્યાન આપવાનું કહે છે. આ સાથે તમે સમજી શકશો કે તમારા વિચારો તમારા કામ ઉપર કેવી અસર કરે છે. જેના કારણોથી ગેમિંગની લતથી આવતા નકારાત્મક વિચારોથી છુટકારો મળે છે.

ગ્રુપ થેરાપી:
આ થેરાપીમાં ગેમિંગની લત સાથે ઝઝુમતા ઘણા લોકો એકસાથે બેઠા છે. તે બધા લોકો તેમની સમસ્યાઓ વિશે ચર્ચા કરે છે. જેના કારણે દરેકનેવ્યસન છોડવા માટે નૈતિક સમર્થન અને પ્રેરણા મળે છે.

ફેમિલી અને મેરેજ કાઉન્સેલિંગ:
જેમાં ગેમિંગની લત સાથે સંઘર્ષ કરી રહેલા લોકોના પરિવારના સભ્યો અને નજીકના મિત્રોને દર્દીને કેવી રીતે હેન્ડલ કરવું તે સમજાવવામાં આવે છે.

સવાલ: ઓનલાઈન ગેમિંગ દ્વારા ફ્રોડ કેવી રીતે થાય છે?
જવાબ: ઓનલાઇન ગેમિંગનું સેક્ટર હાલ સંપૂર્ણ રીતે અનરેગ્યુલેટેડ હતું. આ કારણે દેશમાં તેના દ્વારા અવાર-નવાર ફ્રોડ થતાં રહે છે. ઓનલાઇન ગેમિંગ દ્વારા આ પ્રકારના ફ્રોડ થઈ શકે છે..

ગેમિંગ વૉલેટ દ્વારાઃ ગેમિંગ વૉલેટમાં રહેલ રિયલ વર્લ્ડ કરંસી ઉપર સ્કેમર્સની દૃષ્ટિ રહે છે. અહીંથી સરળતાથી તમારા રૂપિયા ચોરી થઈ શકે છે. માલવેયરઃ અનેકવાર યૂઝરને કોઈ ગેમ રમવા માટે અલગ સોફ્ટવેર ડાઉનલોડ કરવો પડે છે. આ પ્રકારના સોફ્ટવેર મોટાભાગે તમારા ફોનની સિક્યોરિટી અને પ્રાઇવસી માટે ખતરનાક હોય છે.

આ સોફ્ટવેર દ્વારા તમારો કીમતી ડાટા ચોરી થઈ શકે છે
પ્રાઇવસીનું જોખમઃ અનેકવાર ઓનલાઇન ગેમ્સ લોગઇન દરમિયાન તમે પોતાની સાથે જોડાયેલી જાણકારી તેમાં આપી દો છો. હેકર્સ અહીંથી તમારો ડાટા ચોરી કરીને તમને નુકસાન પહોંચાડી શકે છે.
પોપ્યુલર ગેમ્સનું ફેક વર્ઝનઃ અનેક પોપ્યુલર ગેમ્સના ફેક વર્ઝન બસ લોકોને ફસાવવા માટે બનાવવામાં આવે છે. તેના દ્વારા તેમના ડાટા કે રૂપિયા ચોરી શકાય છે.
બાળકોને નિશાન બનાવવામાં આવે છેઃ સાઇબર ક્રિમિનલ્સનું સૌથી સરળ નિશાન બાળકો હોય છે. તેઓ ગેમિંગ દ્વારા બાળકોને ફસાવીને જરૂરી જાણકારી એકઠી કરી લે છે.
સર્વિસ પ્રોવાઇડર્સ દગો આપે છેઃ અનેક સર્વિસ પ્રોવાઇડર્સ એવા પણ છે જેઓ લોકોને લાલચ આપીને ગેમ રમવા માટે આકર્ષિત કરે છે. જ્યારે ગેમર્સ જીતી જાય છે ત્યારે તેમને ઇનામ આપવાની ના પાડી દે છે અથવા જીતનાર ગેમર્સને ડિસક્વોલિફાઇર્ડ કરી દે છે. આવા સર્વિસ પ્રોવાઇડર્સ દગો આપ્યા પછી પોતાની વેબસાઇટ બંધ કરી દે છે અને ફરી નવી વેબસાઇટ શરૂ કરી દે છે.

સવાલઃ શું ઓનલાઇન ગેમિંગનો કોઈ ફાયદો પણ છે? થોડા લોકો હંમેશાં અનેક તર્ક સાથે આખો દિવસ રમે છે.
જવાબઃ ઓનલાઇન ગેમિંગને જો યોગ્ય રીતે માત્ર માઇન્ડ ફ્રેશ કરવા માટે રમવામાં આવે, જો તેની આદત ન લાગે ત્યારે જ તેનો ફાયદો છે. નીચે વાંચો ઓનલાઇન ગેમિંગના ફાયદા...

સમજવા-વિચારવાની શક્તિ મજબૂત થાય છે. પ્રોબ્લમ સોલ્વિંગ સ્કિલ અને લૉજિકલી વિચારવાની ક્ષમતા સારી રહે છે. હેન્ડ-ટુ-આઈ કોર્ડિનેશન સારું બને છે. મલ્ટી-ટાસ્કિંગ કરવાની ક્ષમતા ડેવલપ થાય છે. નિર્ણય લેવાની ક્ષમતા સારી બને છે. ગેમ રમનાર લોકો દરેક બાબતને સારી રીતે ઓબસર્વ કરે છે. વર્ચ્યુઅલ રિએલિટી દ્વારા અનેક એવી ગેમ્સ રમી શકાય છે જેમાં ફિઝિકલ એક્ટિવિટીની જરૂરિયાત પડે છે. ટીમ સાથે રમતાં ગેમ્સ દ્વારા ટીમ વર્કની ભાવના ડેવલપ થાય છે. મોબાઈલમાં જુગારમાં હારો તો રસ્તા ઉપર આવી ગયા...વાંચો