Gujarati News
Utility
Gadgets
Who Will Be The Biggest Beneficiary Of Online Sales, Amazon Or Flipkart ?; Here Are 12 Things To Keep In Mind Before Shopping

એમેઝોન Vs ફ્લિપકાર્ટ:ઓનલાઈન સેલમાં સૌથી વધારે ફાયદો કોણ આપશે એમેઝોન કે ફ્લિપકાર્ટ?; શૉપિંગ કરતાં પહેલાં આ 12 વાતોનું ધ્યાન રાખો

2 વર્ષ પહેલા

કૉપી લિંક

ફ્લિપકાર્ટના સેલમાં એક્સિસ બેંક અને ICICI બેંકના ગ્રાહકોને 10%નું ઈન્સ્ટન્ટ ડિસ્કાઉન્ટ મળશે

ફેસ્ટિવલ સિઝન શરૂ થવાની સાથે જ વર્ષનો સૌથી મોટો શૉપિંગ ફેર એમેઝોન અને ફ્લિપકાર્ટ પર શરૂ થશે. એમેઝોન પર 'ગ્રેટ ઈન્ડિયન ફેસ્ટિવ' અને ફ્લિપકાર્ટ પર 'ધ બિગ બિલિયન ડેઝ' નામનો સેલ શરૂ થવાનો છે. બંને સેલ 3 ઓક્ટોબરથી શરૂ થશે. જો તમે આ સેલમાંથી શૉપિંગ કરવાના હો તો આ સમાચાર તમારા માટે છે.

કયા પ્લેટફોર્મ પર શૉપિંગ કરવાથી તમે વધારે ફાયદામાં રહેશો? કઈ બેંક શૉપિંગ પર ડિસ્કાઉન્ટ આપી રહી છે? ઈલેક્ટ્રોનિક્સ, ગેજેટ્સ, હોમ અપ્લાયન્સિસ, ફેશન, સ્માર્ટફોન સહિતની કઈ કેટેગરી પર કેટલું ડિસ્કાઉન્ટ મળશે આવો જાણીએ...

ફ્લિપકાર્ટ 'ધ બિગ બિલિયન ડેઝ' સેલ
ફ્લિપકાર્ટ પર 'પ્રી બુક' સેલ 29 સપ્ટેમ્બરથી 1 ઓક્ટોબર સુધી ચાલશે. આ સેલમાં માત્ર 1 રૂપિયો આપી પ્રોડક્ટ બુક કરાવી શકાશે. ફ્લિપકાર્ટ એપ અને વેબસાઈટ બંને પર આ સેલનો લાભ મળશે. 1 રૂપિયો આપી પ્રોડક્ટ બુક કરી બાકીનું પેમેન્ટ 3 ઓક્ટોબરે કરી શકાશે.

આ સેલ 10 ઓક્ટોબર સુધી ચાલશે. માઈક્રો સાઈટ પ્રમાણે એક્સિસ બેંક અને ICICI બેંકના ગ્રાહકોને સેલમાં 10%નું ઈન્સ્ટન્ટ ડિસ્કાઉન્ટ મળશે. પેટીએમ પણ તેના ગ્રાહકોને ગેરન્ટેડ કેશબેક આપશે. આ સિવાય 'નો કોસ્ટ EMI' અને એક્સચેન્જ ઓફર પણ મળશે.

આ સેલ દરમિયાન મધ્ય રાત્રિએ 12 વાગ્યે અને સવારે 8 તેમજ 4 વાગ્યે 'ક્રેઝી ડીલ્સ'નો લાભ મળશે. આ ટાઈમ પર પ્રોડક્ટ સસ્તાંમાં ખરીદી શકાશે. કંપની 'બાય મોર સેવ મોર' હેઠળ 3 પ્રોડક્ટ પર 5%, 2 પ્રોડક્ટ પર 5%, 5 પ્રોડક્ટ પર 10% અને 3 પ્રોડક્ટ પર 10%નું ડિસ્કાઉન્ટ આપે છે.

એમેઝોન ધ ગ્રેટ ઈન્ડિયન ફેસ્ટિવ સેલ
10 ઓક્ટોબર સુધી ચાલનારા આ સેલની માઈક્રોસાઈટ એક્ટિવ થઈ છે. તે પ્રમાણે, સેલમાં HDFC બેંકના ગ્રાહકોને 10%નું ઈન્સ્ટન્ટ ડિસ્કાઉન્ટ મળશે. 'નો કોસ્ટ EMI' અને એક્સચેન્જ ઓફરનો પણ લાભ મળશે. એમેઝોન પ્રાઈમ મેમ્બરશિપ ધરાવતા ગ્રાહકો માટે આ સેલ જલ્દી શરૂ થશે.

આ સેલમાં ગ્રાહક 5000 રૂપિયા સુધીનું સેવિંગ કરી શકશે. સેલમાં 20 લાખ+ પ્રોડક્ટ્સ પર એમેઝોન કૂપન મળશે. સેલમાં કેટલીક કંપની નવી પ્રોડક્ટ્સ પણ લોન્ચ કરશે. એમેઝોન પે અને ICICI બેંક ક્રેડિટ કાર્ડ પર 3% રિવોર્ડ પોઈન્ટ મળશે. બજાજ ફિનસર્વ કાર્ડથી 'નો કોસ્ટ EMI' પર પ્રોડક્ટ્સ ઘરે લાવી શકાશે. કંપની 25 હજાર રૂપિયા સુધીનું એક્સચેન્જ બોનસ પણ આપશે.

ઓનલાઈન શૉપિંગ કરતાં પહેલાં ઓફલાઈન ઓફર પણ વેરિફાય કરો
ફેસ્ટિવલ સિઝનમાં ઓનલાઈન અને ઓફલાઈન બંને માર્કેટમાં ઓફર્સ અવેલેબલ હોય છે. આ ઓફર્સ ફોન, ઈલેક્ટ્રોનિક્સ, હોમ અપ્લાયન્સિસ, ગેજેટ્સ, એક્સેસરીઝ, ફેશન વેર સહિતની પ્રોડક્ટ્સ પર મળે છે. ઓનલાઈન શૉપિંગ કરતાં પહેલાં તમે ઓફલાઈન શોપિંગ કરતાં ફાયદામાં છો કે કેમ તે જાણી લેવું જોઈએ.

DYMA (દિલ્હી યાર્ન મર્ચન્ટ એસોસિએન્શ) સાથે સંકળાયેલા રતન કુમાર જૈન જણાવે છે કે, ઓફલાઈન માર્કેટમાંથી ખરીદી માટે ગ્રાહકોએ ઘણી દુકાનો ફરવી પડે છે તેમાં સમય અને પેટ્રોલ બંને વેડફાય છે. ઓનલાઈન શૉપિંગમાં આ કામ ગણતરીની મિનિટોમાં થઈ જાય છે.
ઓફલાઈન માર્કેટની ખરીદીમાં પ્રોડક્ટ ગ્રાહકની સામે જ હોય છે. ધારોકે કોઈ કપડાંની ખરીદી કરી રહ્યા હો તો તમે તેની ક્વોલિટી અને સાઈઝ પારખી શકો છો. તેનો ટ્રાયલ પણ લઈ શકો છો જ્યારે ઓનલાઈન માર્કેટમાં આવું થતું નથી. ઘણી પ્રોડક્ટ એવી હોય છે જે એક્સક્લુઝિવલી ઓનલાઈન માર્કેટ પર જ અવેલેબલ હોય છે.
મધ્ય પ્રદેશ ઈલેક્ટ્રિક મર્ચન્ટ એન્ડ કોન્ટ્રાક્ટર્સ એસોસિએશનથી સંકળાયેલા ઓમપ્રકાશ ગુપ્તા જણાવે છે કે ઓફલાઈન માર્કેટથી ખરીદી કરતાં સમયે પ્રોડક્ટની જવાબદારી દુકાનદારની હોય છે. તેમાં કોઈ પણ ખામી હોય તો તેને તાત્કાલિક દૂર કરવામાં આવે છે. ઓનલાઈન શૉપિંગમાં ગ્રાહકોને આવી કોઈ સર્વિસ મળતી નથી. ઓનલાઈન ડિસ્કાઉન્ટ સિલેક્ટેડ આઈટેમ્સ પર જ હોય છે. ઘણી વખત ગ્રાહકને ઓફલાઈન માર્કેટની સમજણ રહેતી નથી.
ઈલેક્ટ્રોનિક્સ પ્રોડક્ટ્સ સેલર મંગલમ્ ઈલેક્ટ્રોનિક્સના માલિક અંશુલ બંસલ જણાવે છે કે, ઓનલાઈન શૉપિંગની પ્રોડક્ટ ઓરિજિનલ છે કે કેમ તેની સિક્યોરિટી પર હંમેશાં શંકા રહે છે. તે ફર્સ્ટ કોપી અથવા ગ્રે માર્કેટ પ્રોડક્ટ પણ હોઈ શકે છે. ઓનલાઈન શૉપિંગ કરતા ગ્રાહકો તે પ્રોડક્ટ ઓરિજિનલ છે કે કેમ તે જાણી શકતા નથી. પ્રોડક્ટ પર કંપની વૉરન્ટી આપે છે કે કેમ તેના પરથી તેની ઓરિજિનાલિટી ખબર પડે છે. ઘણી વખત ગ્રાહકોના હાથમાં સેકન્ડ હેન્ડ પ્રોડક્ટ આવી ગઈ હોવા છતાં તેઓ અંધારામાં રહે છે.

અન્ય સમાચારો પણ છે...

એપ ખોલો

વીડિયોવધુ જુઓ

Our Divisions

This website follows the DNPA Code of Ethics.

ફીડબેક આપો

ન્યૂ લોન્ચ: 64MP પ્રાઈમરી કેમેરા અને 5000mAhની બેટરીથી સજ્જ 'iQoo Z5 5G' લોન્ચ થયો, લિક્વિડ કૂલિંગ સિસ્ટમ ફોનને 'કૂલ' રાખશે