તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

રિપોર્ટ:અપકમિંગ આઈફોન-13 સિરીઝમાં રિવર્સ ચાર્જિંગ સપોર્ટ મળશે, યુઝર્સ એરપોડ્સ ચાર્જ કરી શકશે

3 મહિનો પહેલા
  • કૉપી લિંક

એપલ તેની અપકમિંગ સિરીઝ આઈફોન 13નાં લોન્ચિંગની તૈયારી કરી રહી છે. લોન્ચિંગ ડેટ પહેલાં જ આ સિરીઝ અંગે અવનવા લીક રિપોર્ટ સામે આવી રહ્યા છે. લેટેસ્ટ રિપોર્ટ પ્રમાણે, એપલ તેની નેક્સ્ટ આઈફોન સિરીઝમાં રિવર્સ ચાર્જિંગ સપોર્ટ આપી શકે છે. એપલે વર્ષ 2017માં વાયરલેસ ચાર્જિંગ ટેક્નોલોજી ઈન્ટ્રોડ્યુસ કરી હતી.

રિવર્સ ચાર્જિંગ ટેક્નોલોજી સેમસંગ, શાઓમી અને રિયલમી સહિતના કેટલાક એન્ડ્રોઈડ સ્માર્ટફોનમાં અવેલેબલ છે. આ ટેક્નોલોજીથી સ્માર્ટફોનથી વાયરલેસ ઈયરબડ્સ કે અન્ચ સ્માર્ટફોન ચાર્જ કરી શકાય છે. ટેક ટિપ્સ્ટર મેક્સ વેઈનબેચ અને EverythingAppleProના લેટેસ્ટ વીડિયો પ્રમાણે આઈફોન 13 સિરીઝમાં રિવર્સ ચાર્જિંગ સપોર્ટ મળશે.

વીડિયો પ્રમાણે, અપકમિંગ આઈફોન 13 મોડેલ્સમાં વાયરલેસ ચાર્જિંગ કોઈલ મોટી આપવામાં આવશે. PhoneArenaના રિપોર્ટ પ્રમાણે, આઈફોન 13 સિરીઝમાં ચાર્જિંગ માટેના મેગ્નેટ મોટા આપવામાં આવશે, કારણ કે પહેલાં યુઝર્સની ફરિયાદ હતી કે મેગ્નેટ્સ એટલા સ્ટ્રોન્ગ નથી કે તે સિક્યોરલી અન્ય ડિવાઈસને હોલ્ડ કરી શકે.

કંપની આઈફોન 13 સાથે iOS 15 રિલીઝ કરી શકે છે. નવી જનરેશનના આઈફોન્સમાં પહેલાં કરતાં વધુ સારી બેટરી કેપેસિટી, હાયર રિફ્રેશ રેટ અને સ્મોલ નોચ ડિસ્પ્લે મળશે. લીક રિપોર્ટ પ્રમાણે, આઈફોન 13 સિરીઝમાં પણ ટ્રિપલ રિઅર કેમેરા મળશે.

આઈફોન 13 મિની

લીક થયેલા રિપોર્ટ પ્રમાણે આઈફોન 13 મિનીમાં 5.42 ઈંચની ડિસ્પ્લે મળશે. તેનું રિઝોલ્યુશન 900 x 1850 પિક્સલ હશે. આ સ્માર્ટફોનમાં 64GB સ્ટોરેજ અને દમદાર બેટરી મળશે. આ સિવાય કંપની તેમાં કોઈ નવાં પ્રોસેસરનો પણ ઉપયોગ કરી શકે છે. તેની કિંમત 50થી 60 હજાર રૂપિયા હોઈ શકે છે. જોકે અત્યાર સુધી કંપનીએ તેના લોન્ચિંગ વિશે કોઈ ઓફિશિયલ જાહેરાત કરી નથી.

2022ના આઈફોનમાં 48MPનો કેમેરા મળશે

  • એપલ એનાલિસ્ટ કુઓના રિપોર્ટ પ્રમાણે 2022માં લોન્ચ થનારા આઈફોનના હાઈ એન્ડ મોડેલમાં 48MPનો પ્રાઈમરી કેમેરા મળશે. નવા મોડેલમાં 1.25 માઈક્રોન પિક્સલ સાઈઝ મળી શકે છે.
  • કુઓએ મેકરુમર્સને કહ્યું છે કે, નવા આઈફોનમાં ડાયરેક્ટ 48MPનો આઉટપુટ અને 12MP આઉટપુટ સપોર્ટ મળશે. 12MP આઉટપુટ સાથે નવા 2H22 આઈફોનની CIS પિક્સલ સાઈઝ આશરે 2.5um સુધી વધી જશે.
  • 2022ના આઈફોનમાં કેમેરા ફોટોગ્રાફી લેવલ નવાં લેવલે હશે. તેમાં 8K વીડિયો રેકોર્ડિંગ પણ મળશે. સાથે જ AR (ઓગ્મેન્ટેડ રિયાલિટી) અને MR (મિક્સ્ડ રિયાલિટી)નો એક્સપિરિઅન્સ પણ વધુ સારો મળશે.