PUBG લવર્સ આનંદો:ભારતમાં PUBG કમબેક કરી શકે છે, માઈક્રોસોફ્ટ ક્લાઉડ સાથે હોસ્ટ કરશે કંપની

એક વર્ષ પહેલા

જો તમે PUBG લવર્સ છો તો તમારે માટે એક ખુશીની સમાચાર છે. પોપ્યુલર મોબાઈલ ગેમ PUBG ટૂંક સમયમાં ભારતમાં કમબેક કરી શકે છે. PUBG મોબાઈલ ભારતમાં કમબેક માટે માઈક્રોસોફ્ટ સાથે વાત કરી રહી છે. PUBG મોબાઈલ હવે માઈક્રોસોફ્ટના ક્લાઉડ પ્લેટફોર્મ પર હોસ્ટ થશે. તેની પેરેન્ટ કંપનીએ આ માહિતી આપી છે.

કેન્દ્ર સરકારે સાયબર સિક્યોરિટી અને દેશની સંપ્રભુતા પર જોખમ હોવાથી એપ બૅન કરી હતી. ત્યારે પણ PUBGએ જાહેરાત કરી હતી કે ગેમ ભારતમાં કમબેક કરશે.

સાઉથ કોરિયાની કંપની ક્રાફ્ટન ઈન્ક જે PUBG કૉર્પની ઓનર છે. તે PUBG મોબાઈલનો અધિકાર ધરાવે છે. તેણે એક ડીલ અનાઉન્સ કરી છે. કંપનીએ આ ડીલ અમેરિકન ટેક્નોલોજી સાથે કરી છે. આ પ્રોડક્ટને ડાયરેક્ટ ક્રાફ્ટન અને તેની સબ્સિડિયરી કંપનીના માધ્યમથી ઓપરેટ કરવામાં આવશે જે માઈક્રોસોફ્ટની ક્લાઉડ સર્વિસ પર હોસ્ટ થશે.

મીડિયા રિપોર્ટ પ્રમાણે, દિવાળી પહેલાં PUBGનું કમબેક થઈ શકે છે. કંપની દિવાળી પહેલાં ભારતમાં તેનું માર્કેટિંગ કેમ્પેઈન શરૂ કરી શકે છે. આટલું જ નહિ બલકે ભારતમાં ભવિષ્ય માટે મોટી જાહેરાતો પણ કરી શકે છે.

થોડા દિવસ અગાઉ PUBG મોબાઈલે ભારતમાં તેની તમામ સર્વિસ સંપૂર્ણ રીતે બંધ કરવાની જાહેરાત કરી હતી. તે સમયે કંપનીએ જણાવ્યું હતું કે યુઝર્સના ડેટાની સુરક્ષા એ કંપનની પ્રાથમિકતા છે. કંપનીએ કહ્યું હતું તે અગાઉથી જ ભારતમાં લાગુ ડેટા અને સુરક્ષાના નિયમોનું પાલન કરે છે.

અન્ય સમાચારો પણ છે...