ટીવીની ખરીદી મોંઘી પડશે:વનપ્લસનાં ટીવી હવે ₹7000 સુધી મોંઘાં પડશે; 1 જુલાઈથી શાઓમી, રિયલમી, TCL સહિતની કંપનીઓએ પણ ભાવવધારો અમલી કર્યો

મોંઘવારીનો માર લોકોને ચોતરફથી મળી રહ્યો છે. પેટ્રોલ ડીઝલ, ફોર વ્હીલર, ખાદ્ય સામગ્રી સહિતની લગભગ તમામ વસ્તુઓમાં ભાવવધારો થયો છે. તેવામાં હવે ટીવીની ખરીદી પણ મોંઘી સાબિત થઈ શકે છે. વનપ્લસનાં ટીવીની ખરીદી 7000 રૂપિયા સુધી મોંઘી થઈ શકે છે. સૌથી વધારે મોંઘું ટીવી U સિરીઝનું U1S છે. તેનાં 50 ઈંચ મોડેલને ગયા મહિને 39,999 રૂપિયામાં લોન્ચ કરવામાં આવ્યું હતું, પરંતુ હવે તેની નવી કિંમત 46,999 રૂપિયા થઈ છે.

કયું ટીવી કેટલું મોંઘું?

શાઓમીનાં ટીવી પણ મોંઘાં થયાં
ચાઈનીઝ બ્રાન્ડ શાઓમી પણ જૂન મહિનાના અંતે સ્માર્ટફોન, સ્માર્ટ ટીવી સાથે અન્ય પ્રોડક્ટ્સના ભાવ વધારી ચૂકી છે. 1 જુલાઈથી શાઓમીના રેડમી ટીવી 3થી 6% મોંઘાં થયાં છે. ભારતમાં ટીવીની કિંમતોમાં તમામ સેગમેન્ટ્સ અને બ્રાન્ડ્સમાં આશરે 10% સુધીનો ભાવવધારો થયો છે. રિયલમીએ કિંમતોમાં 15%, TCL ઈન્ડિયાએ 7થી 8% સુધી ભાવવધારો કર્યો છે.