Gujarati News
Utility
Gadgets
Mukesh Ambani Reliance Jio Subscribers Vs Airtel Airtel Vodafone IdeaUpdate | Know What Is The Percentage Of Mobile User In India 2021

વોડાફોન-આઈડિયાના 28.9 લાખ ગ્રાહક ઘટ્યા:નવા સબસ્ક્રાઈબર્સની સંખ્યા વધારવામાં એરટેલે બાજી મારી, નવેમ્બરમાં 43.7 લાખ નવા સબસ્ક્રાઈબર્સે એટરેલ જોઈન કર્યું

એક વર્ષ પહેલા

કૉપી લિંક

નવા ગ્રાહકોની સંખ્યા વધારવામાં ભારતી એરટેલે નવેમ્બરથી સતત ચોથા મહિનામાં જિયોને પાછળ ધકેલી છે. આ મહિને વોડાફોન આઈડિયા, BSNL અને MTNLના ગ્રાહકોની સંખ્યામાં ઘટાડો આવ્યો છે.

નવા યુઝર્સનું ગણિત

ગુરુવારે ટેલિકોમ રેગ્યુલેટર TARI દ્વારા જાહેર કરવામાં આવેલા આંકડાઓ પ્રમાણે, એરટેલમાં નવેમ્બરમાં સૌથી વધારે 43.7 લાખ નવા ગ્રાહક ઉમેરાયા છે, જ્યારે કંપનીનો કુલ યુઝરબેસ 33.456 કરોડ છે. આ મહિને રિલાયન્સ જિયોએ 19.3 લાખ નવા ગ્રાહકોને પોતાની તરફ આકર્ષિત કર્યા, ત્યારબાદ કંપનીનો કુલ યુઝરબેઝ 40.829 કરોડ થયો.
તેનાથી વિપરિત વોડાફોન આઈડિયાએ નવેમ્બરના અંતમાં 28.9 લાખ યુઝર્સનો ખોઈ દીધા છે, ત્યારબાદ કંપનીનો યુઝરબેસ 28.994 કરોડ થયો છે. આ સિવાય MTNLના 6016 યુઝર્સ ઓછા થયા છે જ્યારે BSNLએ 556 નવાં યુઝર્સને પોતાના કર્યા છે.

માર્કેટ શેર મામલે જિયો અવ્વલ

નવા ગ્રાહકની સંખ્યા વધારવામાં ભલે એરટેલ આગળ હોય પરંતુ 35.34% માર્કેટ શેર સાથે જિયો ભારતની સૌથી મોટી ટેલિકોમ કંપની છે જ્યારે એરટેલનો માર્કેટ શેર 28.97% છે.
TRAIના આંકડા અનુસાર, વોડાફોન-આઈડિયાનો માર્કેટ શેર 25.10% છે જ્યારે BSNL અને MTNLનો માર્કેટ શેર ક્રમશ: 10.3% અને 0.3% છે. 30 નવેમ્બર, 2020 સુધી પ્રાઈવેટ કંપનીઓએ 89.41% માર્કેટ શેર પોતાની પાસે રાખ્યો, જ્યારે BSNL અને MTNLનો કુલ માર્કેટ શેર 10.6% હતો.

જિયોના એક્ટિવ સબસ્ક્રાઈબર્સ એરટેલથી ઓછા
મોબાઈલ નેટવર્કમાં સૌથી મોટો માર્કેટ શેર હોવા છતાં રિલાયન્સ જિયોનો એક્ટિવ યુઝર્સ બેઝ એરટેલ અને વોડાફોન-આઈડિયા કરતાં ઓછો છે. જિયોનો એક્ટિવ યુઝર બેઝ 79.55% હતો જ્યારે એરટેલ અને વોડાફોન-આઈડિયાનો એક્ટિવ યુઝર બેઝ ક્રમશ: 89.01% અને 96.63% હતો.

ભારતમાં ટેલિકોમ કંપનીઓના કુલ ગ્રાહક 115.520 કરોડ
TRAIના આંકડા અનુસાર, ભારતમાં ટેલિકોમ કંપનીઓના કુલ ગ્રાહક ઓક્ટોબર 2020માં 115.181 કરોડથી વધીને નવેમ્બર 2020ના અંત સુધીમાં 115.520 કરોડ થયા છે. તેમાં 0.29%નો મન્થલી ગ્રોથ જોવા મળી રહ્યો છે. તેમાં શહેરી ક્ષેત્રોમાં 63.04 કરોડ અને ગ્રામણી વિસ્તારના 52.48 કરોડ ગ્રાહક છે.

53.641 કરોડ લોકોએ પોતાના ઓપરેટર્સ બદલ્યા
પશ્ચિમ બંગાળ, રાજસ્થાન, કોલકાતા, જમ્મુ કાશ્મીર અને મુંબઈને બાદ કરતા તમામ રાજ્યોમાં નવેમ્બર મહિનામાં ગ્રાહકોની સંખ્યામાં વધારો જોવા મળ્યો. મધ્યપ્રદેશમાં યુઝર બેઝમાં 1%ની મેક્સિમમ વૃદ્ધિ જોવા મળી. નવેમ્બરમાં 68.1 લાખ ગ્રાહકોએ MNP (મોબાઈલ નંબર પોર્ટેબિલિટી) માટે રિક્વેસ્ટ મોકલી હતી. ઓક્ટોબરના અંત સુધીમાં કુલ MNP રિક્વેસ્ટ 52.960 કરોડથી વધી નવેમ્બરના અંત સુધી 53.641 કરોડ થઈ ગઈ.

અન્ય સમાચારો પણ છે...

એપ ખોલો

વીડિયોવધુ જુઓ

Our Divisions

This website follows the DNPA Code of Ethics.

ફીડબેક આપો