સ્પીકરથી ઊંઘ આવશે:તેમાં વરસાદ, રેડિયો અને જીવજંતુના અવાજવાળા સાઉન્ડ આપ્યા છે; કંપનીનો દાવો- તેનાથી બાળકો અને મોટા બંને લોકોને ઊંઘ આવી જશે

જો ઊંઘ પૂરી નથી થતી તો તેની અસર આખા શરીર પર થાય છે. એટલે કે થાક લાગે છે અને મગજ પણ સારી રીતે કામ નથી કરી શકતું. આવી સ્થિતિમાં હેચ બેબી નામની પ્રોડક્ટ તમને સારી ઊંઘ આપી શકે છે. આ પ્રોડક્ટને લઈને કંપનીનો દાવો છે કે, બાળકોની સાથે મોટા લોકો પણ આ પ્રોડક્ટની મદદથી સારી ઊંઘ લઈ શકે છે. આ પ્રોડક્ટ એલેક્સા પાવર્ડ સ્પીકર છે. કંપનીએ તેને જાન્યુઆરી 2021માં લોન્ચ કર્યા હતા.

હેચના CEO એન ક્રેડી વીસના જણાવ્યા પ્રમાણે, આ પ્રોડક્ટ બાળકોને ઊંઘ લાવવામાં મદદ કરે છે. સાથે મોટા લોકોને પણ તેની મદદથી ઊંઘ આવી શકે છે. એમેઝોન પર આ પ્રોડક્ટને લઈને 5000થી વધારે ગ્રાહકોએ સમીક્ષા કરી અને 4.5 સ્ટાર રેટિંગ આપ્યું છે.

હેચ બેબી પ્રોડક્ટની ખાસ બાબતો

ઊંઘ લાવવામાં આ રીતે મદદ કરશે
તેની એપ પર 11 પ્રકારના સાઉન્ડ આપવામાં આવ્યા છે. તેમાં વરસાદ, રેડિયોનો અવાજ, કીડોનો અવાજ, બર્ડ્સ સાઉન્ડ જેવા ઘણા સાઉન્ડ સામેલ છે. ઘણા લોકોને આવા સાઉન્ડ સાંભળીને જલ્દી ઊંઘ આવે છે. આ સાઉન્ડ ફિક્સ ટાઈમ બાદ બંધ થઈ જાય છે. તેમાં અલાર્મનો ઓપ્શન પણ મળે છે. એટલે સારી ઊંઘ બાદ આ ડિવાઈસ તમને ઉઠાડવાનું કામ પણ કરશે. તેની પ્રારંભિક કિંમત લગભગ 10,000 રૂપિયા છે. તેમજ તેને ત્રણ અલગ ડિવાઈઝમાં ખરીદી શકાય છે.