તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Utility
  • Gadgets
  • Google's New Feature Will Get One time Password In PC, For Which Android Phone And Desktop Browser Must Be Logged In From The Same Account.

OTP માટે મોબાઈલ ફોનની જરૂર નથી:ગુગલના નવા ફીચરથી PCમાં વન ટાઈમ પાસવર્ડ મળશે, તેના માટે એન્ડ્રોઈડ ફોન અને ડેસ્કટોપ બ્રાઉઝર એક જ અકાઉન્ટમાંથી લોગઈન થવા જોઈએ

એક મહિનો પહેલા
  • કૉપી લિંક

અત્યારે બેંકિંગ, એપ લોગઈન અથવા બીજી એપ્સ પર વન ટાઈમ પાસવર્ડ (OTP) જરૂરી થઈ ગયો છે. એટલે કે OTPની મદદ વગર આપણે બીજા સ્ટેપ પર નથી જઈ શકતા. OTP હંમેશાંથી રજિસ્ટર્ડ મોબાઈલ નંબર પર આવે છે. આવી સ્થિતિમાં તમારી પાસે ફોન હાથમાં નથી તો OTP જાણી શકશો નહીં. જો કે, હવે ગુગલ આ સમસ્યાને સરળ બનાવવા પર કામ કરી રહ્યું છે. કંપનીએ તેના બ્લોગ પર એક ડેમો બતાવ્યો છે કે કેવી રીતે OTP તમારા PC પર આવશે.

ગુગલનું આ ફીચર એન્ડ્રોઈડ ફોન યુઝર્સ માટે હશે. ગુગલ, વેબ OTP ફીચરના API પર કામ કરી રહ્યું છે. ગુગલનું આ ફીચર વેબસાઈટને SMSથી પ્રોગ્રામેટિક રીતે OTP લેશે. એપ્સને સ્વિચ કર્યા વગર એક જ ટેપ પર ઓટોમેટિક ફોર્મ ભરશે.

ગુગલ ક્રોમ પ્લેટફોર્મ પર કામ કરશે આ ફીચર
ગુગલ ક્રોમ વેબ બ્રાઉઝર યુઝર્સના ફોન પર મળેલા કોડને આપોઆપ ડિટેક્ટ કરીને વાંચશે અને એન્ટર કરશે. શરત એટલી છે કે, યુઝર્સની પાસે એક એન્ડ્રોઈડ ફોન અને ડેસ્કટોપ બ્રાઉઝર એક જ ગુગલ અકાઉન્ટમાં રજિસ્ટર હોવું જોઈએ.

યુઝર્સ ડેમો લઈ શકે છે
તે સાથે તેઓ જે વેબસાઈટનો ઉપયોગ કરી રહ્યા છે તે વેબ OTP ટેક્નોલોજી સપોર્ટ કરતી હવી જોઈએ. આ સર્વિસ તમામ ક્રોમ વેબ એન્જિન પર છે, આ જ કારણ છે કે તે એપલ ડિવાઈસને સપોર્ટ નથી કરતી. એન્ડ્રોઈડ ફોન યુઝર્સ પહેલાથી બીટા પેજ પર આ સર્વિસનો ડેમો લઈ શકે છે.

આ ફીચરનો ફાયદો લેવા માટે જરૂરી વસ્તુઓ

  • એક ડેસ્કટોપ અથવા લેપટોપ કમ્પ્યુટર જે Windows, Mac, Linux અથવા Chrome OS ઓપરેટિંગ સિસ્ટમને સપોર્ટ કરતી હોય.
  • ગુગલ પ્લે સર્વિસ 20.30.12 અથવા ત્યારબાદના વર્ઝનને સપોર્ટ કરતી હોય.
  • ડેસ્કટોપ, લેપટોપ અને મોબાઈલ ડિવાઈસમાં ક્રોમ 93 અથવા ત્યારબાદનું વર્ઝન સપોર્ટ કરતું હોય. ક્રોમ 93 બીટા વર્ઝનને જુલાઈ 2021માં લોન્ચ કરવામાં આવ્યું છે.
  • તમારે ડેસ્કટોપ ક્રોમ અને મોબાઈલ ક્રોમ બંનેને એક જ ગુગલ અકાઉન્ટમાંથી સાઈન ઈન કરવું પડશે. સિંક્રનાઈઝેશનને એક્ટિવ કરવાની જરૂર નહીં પડે.
  • એન્ડ્રોઈડ ડિવાઈસ પર ક્રોમ 93 ડિફોલ્ટ બ્રાઉઝર હોવું જોઈએ.
  • ક્રોમ 93 એન્ડ્રોઈડ ડિવાઈસ પર બેકગ્રાઉન્ડ અથવા ફોરગ્રાઉન્ડ પર ચાલતું હોવું જોઈએ.

ફીચર્સ માટે આ સ્ટેપને ફોલો કરો
1. ડેસ્કટોપ પર ક્રોમ સર્વિસ સેક્શનમાં https://web-otp-demo.glitch.me/ સર્ચ કરો. ત્યારબાદ વેરિફાઈ બટન પર ક્લિક કરો.

2. એન્ડ્રોઈડ ડિવાઈસ પર દેખાતા ટેક્સ્ટ મેસેજ બીજા ફોન પર મોકલો. 3. જ્યારે એન્ડ્રોઈડ ડિવાઈસ પર મેસેજ મળ્યા બાદ ફોન નંબર વેરિફાઈ કરવા માટે કહેલામાં આવે છે. તેને અપ્રૂવ કરીને આગળ વધી શકો છો. 4. ડેસ્કટોપ પર એન્ડ્રોઈડ ડિવાઈસથી વેરિફિકેશન કોડ ઓટોમેટિક ઈનપુટ સેક્શનમાં ફિલ થઈ જશે.