અપકમિંગ પ્રોડક્ટ:હવે ફેસબુક ઓડિયો ચેટિંગ માટે ક્લબહાઉસ જેવી પ્રોડક્ટ બનાવશે, કોરોનાકાળમાં ક્લબહાઉસ એપ પોપ્યુલર બની હતી

ટેક જાયન્ટ ફેસબુક નવી ઓડિયો ચેટ પ્રોડક્ટ પર કામ કરી રહ્યું છે. ન્યૂ યોર્ક ટાઈમ્સના એક રિપોર્ટ પ્રમાણે, આ ઓડિયો બેઝ્ડ સોશિયલ નેટવર્ક ક્લબહાઉસ જેવું હશે. ક્લબહાઉસને 2020ની શરૂઆતમાં લોન્ચ કરવામાં આવ્યું હતું. તો ટેસ્લાના CEO ઈલોન મસ્ક અને રોબિનહુડના CEO વ્લાદ ટેનેવ દ્વારા તેનું નામ લેવાતા અચાનક તેના યુઝર્સની સંખ્યામાં વધારો થતો જોવા મળ્યો છે.

ક્લબહાઉસ એપ હાલ માત્ર એપ સ્ટોર પર અવેલેબલ છે. કોવિડ-19 મહામારી શરૂ થયા બાદ તેના યુઝર્સની સંખ્યામાં સંખ્યામાં સતત વધારો જોવા મળી રહ્યો છે. ફેસબુક પાસે મેસેજિંગ એપ વ્હોટ્સએપ અને ફોટો શેરિંગ માટે ઈન્સ્ટાગ્રામ છે. હવે આ નવી એપથી તેનાં કમ્યુનિકેશન નવાં રૂપમાં થશે. સોશિયલ મીડિયા કંપની ફેસબુકે નવી પ્રોડક્ટ વિશે હાલ કોઈ સ્પષ્ટતા કરી નથી.

ઈલોન મસ્ક અને વ્લાદ ટેનેલે પ્રમોશન કર્યું હતું
ક્લબહાઉસ એપ માર્ચ 2020માં લોન્ચ થઈ હતી. મે 2020માં એપ પર આશરે 1500 યુઝર્સ હતા. ત્યારે તેની વેલ્યુ 100 મિલિયન ડોલર (આશરે 729 કરોડ રૂપિયા)ની હતી. જોકે ઈલોન મસ્કે તેનું ચેટરૂમ ઓપન કરી રોબિનહુડ સાથે ઓડિયો ચેટ શરૂ કર્યું ત્યારબાદ એપ પર યુઝર્સનો ઢગલો થવા લાગ્યો.

ફેબ્રુઆરી 2020 સુધી ક્લબહાઉસ પાસે 2 મિલિયન (20 લાખ)થી વધારે યુઝર્સ હતા. તો તેની વેલ્યુ 1 બિલિયન ડોલર (આશરે 7282 કરોડ રૂપિયા) થઈ ગઈ હતી. અર્થાત 1 વર્ષમાં કંપનીની વેલ્યુમાં આશરે 6553 કરોડનો ગ્રોથ થયો.

આ રીતે ક્લબહાઉસ એપનો ઉપયોગ કરો