• Gujarati News
  • Utility
  • Gadgets
  • Company CEO Gives Opportunity To Thousands Of Laid Off Employees Of Big Tech Companies Like Twitter & Meta, Says 'come Back Home'

નોકરી માટે Dream11ની ખુલ્લી ઓફર:કંપનીનાં CEOએ ટ્વિટર & મેટા જેવી મોટી ટેક કંપનીનાં બરતરફ કરાયેલા હજારો કર્મચારીઓને આપી તક, કહ્યું ‘ઘરે પાછા આવો’

18 દિવસ પહેલા
  • કૉપી લિંક

ટ્વિટર અને મેટા સહિતની મોટી ટેક કંપનીઓ સાથે કામ કરતાં કર્મચારીઓ પર નવેમ્બર મહિનો ભારે રહ્યો છે. સિલિકોન વેલીમાં મોટાપાયે ફેરફાર સર્જાયા છે, મેટા અને ટ્વિટર જેવી મોટી ટેક કંપનીઓએ વિશ્વભરનાં હજારો કર્મચારીઓની છટણી કરી છે અને આ અભૂતપૂર્વ છટણીએ સેંકડો લોકો, ખાસ કરીને ભારતીયો પર નોંધપાત્ર અસર કરી હતી, કારણ કે તેઓ સિલિકોન વેલીમાં કાર્યબળનો મોટો હિસ્સો ધરાવે છે.

જો કે, મેટા અને ટ્વિટર એકમાત્ર એવી ટેક કંપનીઓ નથી કે, જેમણે તાજેતરમાં જ નોકરીમાં ઘટાડો કરવાની જાહેરાત કરી છે. નેટફ્લિક્સે પણ આ વર્ષની શરૂઆતમાં જ લગભગ 450 કર્મચારીઓને છૂટા કર્યા હતા, જ્યારે ક્રિપ્ટોકરન્સી કંપની કોઈનબેઝે લગભગ 1,100 કર્મચારીઓને છૂટા કરી દીધા હતા અને ટ્રેડિંગ કંપની રોબિનહૂડે તેનાં લગભગ 31 ટકા કર્મચારીઓને છોડી દીધા હતા. આ છટણી સાથે H-1 B વિઝાધારકોનું ભવિષ્ય અનિશ્ચિત છે કારણ કે, તેમણે આગામી 60 દિવસની અંદર બીજી નોકરી શોધવી પડશે. જો તેઓ આમ કરવામાં નિષ્ફળ જશે તો તેમને ભારત પરત ફરવું પડી શકે છે.

હવે, આવા દુ:ખદાયક સમયે, એક ભારતીય CEOએ મોટી ટેક કંપનીઓ દ્વારા બરતરફ કરાયેલા લોકોને મદદ કરવાની ઓફર કરી છે. ડ્રીમ11ના કો-ફાઉન્ડર હર્ષ જૈને ટ્વિટર પર એક પોસ્ટ શેર કરીને ભારતીય કર્મચારીઓને પોતાની કંપનીમાં જોડાવા માટે આમંત્રણ આપ્યું હતું.

‘2022નાં તમામ ટેક છટણીનો ભોગ બનનારા ભારતીયો જે યુ.એસ.માં છે, કૃપા કરીને ઘરે પાછા આવો (ખાસ કરીને વિઝાની સમસ્યાઓવાળા લોકો) જેથી આગામી દાયકામાં ભારતીય ટેકને અમારી કંપનીના વિઝનની સંભાવનાને સમજવામાં મદદ મળી શકે!’ જૈને એક ટ્વિટમાં લખ્યું છે.

તેમણે ઉમેર્યું કે, ‘તેમની કંપની ‘નફાકારક’ અને આર્થિક રીતે સ્થિર છે. જો તમે અથવા તમે જેને જાણતા હો એવી કોઈ વ્યક્તિ ઉપરના ભાગમાં બંધબેસતી હોય, તો indiareturns@dreamsports.group પર અમારો સંપર્ક કરવા માટે નિઃસંકોચ રહો. અમે @DreamSportsHQ એક નફાકારક, $8 બિલિયન Co છે, જેમાં 150 મિલિયન+ યૂઝર્સ અને 10 કિકાસ પોર્ટફોલિયો કંપનીઓ છે.’

હર્ષ જૈન કહે છે કે, Dream11 'મહાન પ્રતિભાની શોધમાં' છે
તેમણે વધુમાં ઉમેર્યું હતું કે, ‘તેમની કંપની 'સતત મહાન પ્રતિભાની શોધમાં છે, ખાસ કરીને ડિઝાઇન, ઉત્પાદન અને તકનીકીમાં નેતૃત્વ અનુભવ સાથે.’

‘ફેન્ટેસી સ્પોર્ટ્સ, એનએફટી, સ્પોર્ટ્સ ઓટીટી, ફિનટેક, સ્પોર્ટ્સ એક્સપિરિયન્સ વગેરે (@Dream11, @rariohq, @FanCode, @DreamSetGo_Co) જેઓ સતત મહાન પ્રતિભાની શોધમાં હોય છે, ખાસ કરીને ડિઝાઇન, પ્રોડક્ટ અને ટેકમાં લીડરશીપ અનુભવ સાથે!’ જૈને જણાવ્યું હતું.

Dream11 એક કાલ્પનિક સ્પોર્ટ્સ પ્લેટફોર્મ છે કે, જે યૂઝર્સને ક્રિકેટ, ફૂટબોલ, હોકી, વોલીબોલ, રગ્બી વગેરે જેવી રમતોમાં કાલ્પનિક ટીમો બનાવવાની મંજૂરી આપે છે, જે પછી વાસ્તવિક ગેમપ્લેના આધારે પોઇન્ટ્સમાં રૂપાંતરિત થાય છે અને સૌથી વધુ પોઈન્ટ્સ મેળવનાર યૂઝર પૈસા જીતે છે.

અન્ય સમાચારો પણ છે...