યુટ્યુબર અભિષેક તેલંગ સાથે Tech Talk:13 વર્ષ સુધી ચાલતા સ્માર્ટ બલ્બથી લઈને પોકેટમાં આવી જતા પ્રોજેક્ટર સુધી, તમારા સ્માર્ટફોનના ઈશારે ચાલશે આ ત્રણ ગેજેટ્સ

3 દિવસ પહેલા
  • કૉપી લિંક
  • 16 મિલિયન કલર્સ સપોર્ટ કરતો બલ્બ રિયલમી લિંક એપની મદદથી ફોનથી જ કન્ટ્રોલ કરી શકાય છે
  • 800 રૂપિયાનો બલ્બ ગૂગલ અસિસ્ટન્ટ અને એલેક્સાને સપોર્ટ કરે છે

બે મિનિટ માટે વિચારી લો કે, ઘરમાં હાજર દરેક ઇલેક્ટ્રિક વસ્તુઓ, બધા ગેજેટ્સ, AC, TV અને ફ્રિજ તમારા સ્માર્ટફોન સાથે કનેક્ટેડ હોય, તમારા એક વોઇસ કમાન્ડ કે ફોનની સ્ક્રીન પર એક જ ટચથી ઓપરેટ થાય તો કેવું લાગે? આજે જાણીએ આવા જ કંઈક સ્માર્ટ ગેજેટ્સ વિશે...

1.Realme Smart Wifi LED Bulb
કિંમત: 799 રૂપિયા​​​​​​​

બલ્બ ઘરમાં સૌથી વધારે વપરાતું ગેજેટ છે. સૌથી વધારે ખરીદી પણ તેની જ થાય છે. એક એવો બલ્બ જેમાં ઓછી વીજળી ખર્ચ થાય, તમારા સ્માર્ટફોનથી ઓપરેટ થાય અને 13 વર્ષનો લાઈફ સ્પાન હોય. સ્માર્ટફોન બનાવતી કંપની રિયલમીએ આવો જ એક સ્માર્ટ બલ્બ લોન્ચ કર્યો છે. આશરે 800 રૂપિયાનો બલ્બ ગૂગલ અસિસ્ટન્ટ અને એલેક્સાને સપોર્ટ કરે છે. તમે વોઇસ કમાન્ડ આપીને પણ આ બલ્બ ઓપરેટ કરી શકો છો. 16 મિલિયન કલર્સ સપોર્ટ કરતો આ બલ્બ રિયલમી લિંક એપની મદદથી ફોનથી જ કન્ટ્રોલ કરી શકાય છે.

2. Viewsonic M1 Mini Projector
કિંમત: 22,500 રૂપિયા​​​​​​​​​​​​​​

​​​​​​મોટી સ્ક્રીન પર ફિલ્મ જોવાની મજા જ કંઈક અલગ છે અને આ મજા તમે સ્માર્ટફોનની મદદથી વ્યૂસોનિક M1 મિનિ પ્રોજેક્ટરમાં માણી શકો છો. આ કોમ્પેક્ટ પ્રોજેક્ટર માત્ર 4x4 સાઈઝનું છે. તે 100 ઇંચના ટીવીની સ્ક્રીન જેટલું પ્રોજેક્શન કરી શકે છે. વ્યૂસોનિક M1 મિનિ પ્રોજેક્ટરનો ઉપયોગ કરવો સરળ છે. તેમાં બિલ્ટ-ઇન બેટરી આપી છે. તે 2.5 કલાક ચાલે છે. આ પ્રોજેક્ટરને પાવર બેન્કની મદદથી પણ ચાર્જ કરી શકાય છે. સારી ઓડિયો ક્વોલિટી માટે JBLના સ્પીકર્સ અપાય છે. સૌથી સારી વાત એ છે કે, વ્યૂસોનિક M1 મિનિ પ્રોજેક્ટર તમે તમારા સ્માર્ટફોન કે ટેબ્લેટની મદદદથી ઓપરેટ કરી શકો છો.

3. Xiaomi Mi Robot Vacuum Mop P
કિંમત: 24,999 રૂપિયા​​​​​​​​​​​​​​

હવે એક એવા ગેજેટની વાત કરીએ જે મહિલા હોય કે પુરુષ, દરેકને ગમશે. કારણકે આ તમારા ઘરના કામ કરવામાં મદદ કરશે. શાઓમીનો Mi રોબોટ વેક્યુમ મૉપ Pથી કચરા-પોતા એમ બંને વસ્તુ કરી શકાય છે. આ સ્માર્ટ વેક્યુમ ક્લીનર તેની ખાસ LDS લેઝર નેવિગેશન સિસ્ટમની મદદથી તમારા ઘરનો એક 3D નકશો બનાવી લે છે. એ પછી તે આખા ઘરમાં ફરીને સાફ-સફાઈ કરે છે. તેની અંદર 12 હાઈ પ્રિસિઝન સેન્સર આપ્યા છે. આ સેન્સરને લીધે તે ઘરની વસ્તુઓ સાથે અથડાતું પણ નથી અને કચરાને દૂરથી જ સેન્સ કરી લે છે. સ્માર્ટ વેક્યુમ ક્લીનરમાં 3200mAhની બેટરી આપી છે. બેટરી પછી થતાની સાથે જ તે ઓટોમેટિક રિચાર્જ ડૉક પર આવી જાય છે અને ચાર્જ થઇ ગયા પછી ફરીથી સાફ-સફાઈ ચાલુ કરે છે. આ રોબોટ વેક્સયુમ ક્લીનરને તમે સ્માર્ટફોનની મદદથી પણ કન્ટ્રોલ કરી શકો છો.

અન્ય સમાચારો પણ છે...