• Gujarati News
  • Utility
  • Gadgets
  • Before Clicking On An Anonymous Link To Track Parcels, Be Aware That Hackers Can Activate Flubot Malware And Empty Your Bank Account.

એન્ડ્રોઈડ યુઝર્સ સાવધાન:પાર્સલ ટ્રેક કરવાની અનનોન લિંક પર ક્લિક કરતાં પહેલાં ચેતી જજો, તેની આડમાં હેકર્સ Flubot માલવેર એક્ટિવ કરી તમારું બેંક અકાઉન્ટ ખાલી કરી શકે છે

એક વર્ષ પહેલા
  • કૉપી લિંક
  • હેકર્સ Flubot માલવેર યુઝર્સના ફોનમાં એક્ટિવ કરવા માટે સ્પેમ SMS મોકલે છે
  • આ SMSમાં આપેલી લિંક પરથી એપ ડાઉનલોડ કરતાં જ ફોનનો એક્સેસ હેકર્સ પાસે જતો રહે છે

થોડા દિવસ પહેલાં જ પિંક વ્હોટ્સએપ થીમ અને લિંક્ડઈન જોબ ઓફર્સના નામથી હેકર્સે એન્ડ્રોઈડ યુઝર્સને શિકાર બનાવ્યા હતા. હવે એન્ડ્રોઈડ યુઝર્સ માટે વધુ એક ચિંતાનું કારણ એવો એક માલવેર Flubot એક્ટિવ થયો છે. આ માલવેર દ્વારા હેકર્સ યુઝર્સને મેસેજ કરીને તેમનું બેંક અકાઉન્ટ ખાલી કરે છે. આ વાઈરસ યુઝર્સને પોતાના શકંજામાં લેવા માટે સ્પેમ SMS મોકલે છે. યુઝર તેની લિંક પર ક્લિક કરતાં જ માલવેરનો શિકાર બને છે. આ માલવેરનો શિકાર ઈંગ્લેન્ડ, જર્મની અને પોલેન્ડના યુઝર્સ બની રહ્યા છે.

સ્પેમ SMSમાં ડિલિવરી ટ્રેક કરવા માટેની લિંકની આડમાં Flubotની એન્ટ્રી થાય છે
સ્પેમ SMSમાં પેકેજ ડિલિવરીની ટેક્સ્ટ હોય છે. તેમાં ડિલિવરી ટ્રેક કરવા માટે લિંક આપેલી હોય છે. આ લિંક પર ક્લિક કરી યુઝરને એક એપ ઈન્સ્ટોલ કરવા માટે કહેવામાં આવે છે. આ એપ ગૂગલ પ્લે સ્ટોર પર અવેલેબલ ન હોવાથી તેને મેન્યુઅલી ઈન્સ્ટોલ કરવા માટે કહેવામાં આવે છે. યુઝર આ એપ ઈન્સ્ટોલ કરી તેને પરમિશન આપી દે ત્યારથી તેના ફોનમાં Flubot માલવેર એક્ટિવ થઈ જાય છે. આ માલવેરની મદદથી હેકર્સ યુઝર્સની બેંક અકાઉન્ટ ડિટેલ ચોરી કરી તેમના પૈસા ચાઉં કરી જાય છે.

આ પ્રકારના સ્પેમ SMSની મદદથી હેકર્સ માલવેર એક્ટિવ કરે છે
આ પ્રકારના સ્પેમ SMSની મદદથી હેકર્સ માલવેર એક્ટિવ કરે છે

ટેક નિષ્ણાતોના જણાવ્યા પ્રમાણે, Flubot માલવેરથી પ્રભાવિત થયેલા યુઝર્સે નવાં અકાઉન્ટમાં લોગ ઈન ન થવું જોઈએ. આમ કરવાથી હેકર્સ પાસે નવાં અકાઉન્ટની ડિટેલ પણ જતી રહે છે. જો તમે આ માલવેરનો શિકાર થાઓ તો તરત ફોન રિસેટ કરી દો.

હેકર્સથી બચવા માટે આટલું જરૂર કરો

  • જોબ ઓફર કે ડિસ્કાઉન્ટ સંબંધિત કોઈ પણ અનનોન સોર્સ પરથી મેસેજ આવે તો તેને ડિલીટ કરી દો.
  • અનનોન સોર્સ પરથી આવતા શંકાસ્પદ મેસેજ સેન્ડરને બ્લોક કરો.
  • ઓથેન્ટિક ન હોય તેવી ગમે તે .zip ફાઈલ પર ક્લિક ન કરો.
  • કોઈ પણ એપ ડાઉનલોડ કરવા માટે ગૂગલ પ્લે સ્ટોરનો જ ઉપયોગ કરો.