આઈપોડની સફરનો અંત:એપલ હવે આઈપોડ નહીં બનાવે, માત્ર સપ્લાય પૂરો થાય ત્યાં સુધી જ ખરીદી શકાશે

13 દિવસ પહેલા
  • કૉપી લિંક

એક સમયે મ્યુઝિક લવર્સની પસંદ રહેલા અને સ્ટેટસ સિમ્બોલ બની ચૂકેલા આઈપોડ હવે એપલ નહીં બનાવે. ટેક કંપનીએ સત્તાવાર રીતે તેની જાહેરાત કરી છે. જો કે તમે એપલ સ્ટોર્સમાં વર્તમાન સપ્યાલ પૂરો થાય ત્યાં સુધી તેને ખરીદી શકો છો. આઈપોડને 21 વર્ષ પહેલા 23 ઓક્ટોબર 2001ના રોજ લોન્ચ કરવામાં આવ્યા હતા. તે પહેલા MP3 પ્લેયર હતા જે 1,000 કરતા વધુ ગીતો અને 10 કલાકની બેટરીને સ્ટોર કરવામાં સક્ષમ હતા.

એપલના વર્લ્ડવાઈડ માર્કેટિંગના સિનિયર વાઈસ પ્રેસિડન્ટ ગ્રેગ જોસ્વિયાકે જણાવ્યું કે, એપલમાં મ્યુઝિક હંમેશાં કોરનો ભાગ રહ્યો છે. તેમણે કહ્યું કે, કંપનીની તમામ પ્રોડક્ટ્સ જે એપલ મ્યુઝિકની સાથે આવે છે, તેમાં આઈપોડ હંમેશાં જીવંત રહેશે.

આઈફોન અને અન્ય પ્રોડક્ટના કારણે લોકપ્રિયતા ઓછી થઈ
એપલે છેલ્લા થોડા વર્ષોમાં આઈપોડના ડઝનેક વર્ઝન રિલીઝ કર્યા હતા, પરંતુ આઈફોન અને અન્ય પ્રોડક્ટમાં પણ એપલ મ્યુઝિક મળવાથી તેની લોકપ્રિયતા ઓછી થવા લાગી. આ કારણે કંપનીએ 2014થી આઈપોડના મોડલ્સને તબક્કાવાર રીતે બંધ કરવાનું શરૂ કરી દીધું. 2014માં કંપનીએ આઈપોડ ક્લાકિસ બનાવવાનું બંધ કર્યું હતું. 2017માં એપલે પોતાના સૌથી નાના મ્યુઝિક પ્લેયર આઈપોડ નેનો અને આઈપોડ શફલને બંધ કરી દીધું.

એપલના CEOઓ સ્ટીવ જોબ્સે 6 જાન્યુઆરી, 2004ના રોજ સાન ફ્રાન્સિસ્કોમાં મેકવર્લ્ડ કોન્ફરન્સ અને એક્સપોમાં આઇપોડ મિની રજૂ કર્યું હતું.
એપલના CEOઓ સ્ટીવ જોબ્સે 6 જાન્યુઆરી, 2004ના રોજ સાન ફ્રાન્સિસ્કોમાં મેકવર્લ્ડ કોન્ફરન્સ અને એક્સપોમાં આઇપોડ મિની રજૂ કર્યું હતું.

2007માં લોન્ચ થયું હતું ટચ સ્ક્રીન મોડલ
આઈપોડનું એકબીજું મોડલ આઈપોડ ટચ જે ટચ સ્ક્રિન મોડલ છે તેને 2007માં લોન્ચ કરવામાં આવ્યું હતું. છેલ્લે તેને 2019માં અપડેટ કરવામાં આવ્યું હતું. તેની કિંમત 199 ડોલર છે, એટલે કે લગભગ 15,400 રૂપિયા. તેમાં યુઝર્સને ટચ સ્ક્રિન અને ઈન્ટરનેટ સપોર્ટ મળે છે. તેને ખરીદનારા મોટાભાગના તે લોકો છે, જે આઈફોન જેવો એક્સપિરિયન્સ ઈચ્છે છે, પરંતુ ફોન નહીં. સ્ટોરમાં મોડલનો સપ્લાય ઉપલબ્ધ રહે ત્યા સુધી તેને ખરીદી શકાશે.

આઇપોડ ટચ 5 સપ્ટેમ્બર 2007ના રોજ મલ્ટિ-ટચ ઇન્ટરફેસ સાથે લોન્ચ કરવામાં આવ્યો હતો.
આઇપોડ ટચ 5 સપ્ટેમ્બર 2007ના રોજ મલ્ટિ-ટચ ઇન્ટરફેસ સાથે લોન્ચ કરવામાં આવ્યો હતો.

2001-2019 સુધી 7 આઈપોડ

  • ઓરિજિનલ આઈપોડ 23 ઓક્ટોબર 2001ના રોજ લોન્ચ કરવામાં આવ્યા હતા. તે પહેલા MP3 પ્લેયર હતા જે 1,000થી વધારે ગીત અને 10 કલાકની બેટરીને સ્ટોર કરવામાં સક્ષમ હતા.
  • 20 ફેબ્રુઆરી 2004ના રોડ આઈપોડ મિની લોન્ચ કરવામાં આવ્યા હતા. યુઝર્સને આઈપોડમાં પસંદ આવતી દરેક વસ્તુ તેમાં મળતી હતી. તેની નાની ડિઝાઈન યુઝર્સને ઘણી પસંદ આવતી હતી.
  • 24 સપ્ટેમ્બર 2006ના રોજ નેનો (સેકન્ડ જનરેશન) લોન્ચ કરવામાં આવ્યા હતા. તેમાં થિન ડિઝાઈન, 6 સ્ટાઈલિશ રંગ અને 24 કલાકની બેટરી લાઈફ મળતી હતી. તે 2,000 ગીત સ્ટોર કરવામાં સક્ષમ હતા.
  • 5 સપ્ટેમ્બર 2007ના રોજ આઈપોડ ટચ લોન્ચ કરવામાં આવ્યા હતા. તેમાં એપલ મલ્ટી ટચ ઈન્ટફેસ લાવવામાં આવ્યું હતું. તેમાં 3.5 ઈંચ વાઈડસ્ક્રિન ડિસ્પ્લે હતી. આ તમામ ફિચર્સે આઈપોડને હિટ કરી દીધા.
  • નેનો (7th જનરેશન)ને 12 સપ્ટેમ્બર 2012ના રોજ લોન્ચ કરવામાં આવ્યા હતા. તે અત્યાર સુધીનું સૌથી પાતળુ આઈપોડ હતું, જે માત્ર 5.4 મિમીનું હતું અને તેમાં 2.5 ઈંચની મલ્ટી ટચ ડિસ્પ્લે હતી.
  • એપલે 15 જુલાઈ 2015ના રોજ આઈપોડ શફલ (4th જનરેશન) લોન્ચ કરવામાં આવ્યા હતા. તેમાં 15 કલાક સુધીની બેટરી લાઈફ, સેંકડો ગીત માટે 2GB સ્ટોરેજ અને વોઈસઓવર બટન હતું.
  • 28 મે 2019માં આઈપોડ ટચ ((7th જનરેશન)માં A10 ફ્યુઝન ચિપ આપવામાં આવી હતી. તેમાં ઈમર્સિવ ઓગમેન્ટેડ રિયાલિટી એક્સપિરિયન્સ, ગ્રુપ ફેસટાઈમ અને 256GB સ્ટોરેજ મળતું હતું.