પાવર બેંક યુસેઝ ટિપ્સ:ટેક્નિકલ ખામીને લીધે પાવર બેંક બ્લાસ્ટ થતાં યુઝરનું મૃત્યુ પણ થઈ શકે છે, તમારી સાથે આવું ન થાય તેના માટે આ બાબતોનું ખાસ ધ્યાન રાખો

મધ્ય પ્રદેશના ઉમરિયા જિલ્લામાં તાજેતરમાં જ એક દર્દનાક ઘટના બની. છપરોડા ગામમા મોબાઈલ ચાર્જ દરમિયાન પાવર બેંક બ્લાસ્ટ થતાં યુવકનું મૃત્યુ થયું. આ બ્લાસ્ટની તીવ્રતા એટલી ભયાનક હતી કે તેના ઘરના છાપરા પણ ઉડી ગયા હતા. આવી ઘટના સમયાંતરે સામે આવતી હોય છે. આ પ્રકારની ઘટના સામે આવતાં કેટલાક લોકો જે તે પાવર બેંક કંપની સામે વાંધો ઉઠાવતાં હોય છે. પરંતુ પાવર બેંક સહિતની ઈલેક્ટ્રોનિક્સ વસ્તુઓમાં સર્કિટ ડિઝાઈન યોગ્ય ન હોવાથી આવી ઘટના બનતી હોય છે.

પાવર બેંક બ્લાસ્ટ થવાનાં કારણ

આ રીતે તમારી પાવરબેંક બ્લાસ્ટ થતાં બચાવી શકાય છે

પાવર બેંક ખરીદતી વખતે આ બાબતોનું ખાસ ધ્યાન રાખો
હાઈ ગ્રેડ લિથિયમ પોલીમર બેટરીવાળી પાવર બેંકનો ઉપયોગ કરો.
બને ત્યાં સુધી અસલ કંપનીની હાઈ ગ્રેડ લિથિયમ પોલીમમર બેટરી ધરાવતી પાવર બેંકનો ઉપયોગ કરો. તેનાથી ઓવરચાર્જિંગની સમસ્યાથી બચી શકાય છે.

તમારા ફોન કરતાં ડબલ બેટરી કેપેસિટી ધરાવતી હોય તેવી પાવર બેંકની ખરીદી કરો

પાવર બેંકના જેટલા મિલિએમ્પિયર અવર્સ વધારે હશે તેટલી તેની ક્ષમતા વધારે. તમારા સ્માર્ટફોનની બેટરીની ક્ષમતા કરતાં ડબલ બેટરી કેપેસિટી ધરાવતી પાવર બેંકની ખરીદી કરો.

મલ્ટિપલ કનેક્શન ધરાવતી પાવર બેંકની પસંદગી કરો

સ્માર્ટફોન, ટેબ્લેટ સહિતના ગેજેટ માટે પાવરબેંક ટ્રાવેલિંગ દરમિયાન એક મેજિક ટૂલ સાબિત થાય છે. તેથી બને ત્યાં સુધી મલ્ટિપલ USB પોર્ટ હોય તેવી પાવર બેંકની ખરીદી કરો. LED ઈન્ડિકેટરથી સજ્જ હોય તેવી પાવર બેંકની ખરીદી સારી રહે છે.

એમ્પિયર કાઉન્ટ ચકાસો
પાવરબેંકની ખરીદી વખતે એમ્પિયર કાઉન્ટ ચકાસવાની ખાસ જરૂર હોય છે. પાવરબેંકનો એમ્પિયર કાઉન્ટ તમારા ગેજેટના એમ્પિયર કાઉન્ટ જેટલો જ અથવા તેનાથી વધારે હોય તે જરૂરી છે. જો તમારા સ્માર્ટફોનને 2.1 ampsની જરૂર હોય પરંતુ પાવરબેંકનો એમ્પિયર કાઉન્ટ 1 હોય તો તે તમારા ડિવાઈસને ડેમેજ કરી શકે છે.