ટીઝર:ઓલા ઇ-સ્કૂટરનું વીડિયો ટીઝર રિલીઝ થયું, 2 હેલ્મેટ રાખી શકાય એટલી બૂટ સ્પેસ મળશે અને સિંગલ ચાર્જમાં 150 કિમી સુધીનું અંતર કાપી શકશે

ઓલાએ આખરે તેનાં ઇલેક્ટ્રિક સ્કૂટરનું વીડિયો ટીઝર રિલીઝ કરી દીધું છે. 56 સેકંડના આ ટીઝરમાં કંપનીએ ઇ-સ્કૂટરનાં ફીચર્સ અને પર્ફોર્મન્સ બતાવ્યાં. કંપનીના CEO ભાવિશ અગ્રવાલે સોશિયલ મીડિયા પર કહ્યું કે, તમે આ ટ્વીટ વાંચશો એ પહેલાં આ સ્કૂટર 0-60 કિમીની ઝડપે પહોંચી જશે! તૈયાર થઈ જાઓ, એક નવી ક્રાંતિ આવી રહી છે!

ઓલા ઇલેક્ટ્રિકે તમિળનાડુના કૃષ્નાગિરી જિલ્લામાં વિશ્વનો સૌથી મોટો ઇલેક્ટ્રિક ટૂ-વ્હીલર પ્લાન્ટ સ્થાપ્યો છે. જ્યાં ઓલા લોકલ માગ સિવાય એશિયા, યુરોપ અને દક્ષિણ અમેરિકાના માર્કેટમાં સપ્લાય કરવા માટે વાર્ષિક 20 લાખ ઇલેક્ટ્રિક સ્કૂટર્સ બનાવશે.

ફીચર્સ

પ્રથમ વર્ષે 10 લાખ સ્કૂટર્સ વેચવાનું લક્ષ્યાંક
વિશ્વની સૌથી મોટી ટૂ-વ્હીલર મેન્યુફેક્ચરિંગ ફેસિલિટી બનાવવા માટે કંપનીએ 2400 કરોડનું રોકાણ કર્યું છે. ઓલાના આ ઇ-સ્કૂટરની કિંમત ખૂબ જ સ્પર્ધાત્મક હશે, જે બજારમાં હાલના અન્ય ઇલેક્ટ્રિક સ્કૂટર્સને કડક ટક્કર આપશે કારણ કે, કંપની ભારતના ઊભરતા ઇલેક્ટ્રિક ટુ-વ્હીલર સેગમેન્ટમાં પોતાનું વર્ચસ્વ સ્થાપિત કરવા માગે છે. રિપોર્ટમાં એવું પણ સૂચવવામાં આવ્યું છે કે, ઓલા પહેલા વર્ષે જ 10 લાખ ઇ-સ્કૂટર્સ વેચવાની યોજના બનાવી રહી છે.