તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ઓટોમોબાઇલ કંપનીઓ સાથે ડીલ:વધતા ભાવને કારણે સ્ટીલ કંપનીઓએ 10-16% વધારવાનું સમાધાન કર્યું, એક કારના વેચાણમાં 9% સુધીની ભાગીદારી

3 મહિનો પહેલા
  • કૉપી લિંક

સતત વધતા સ્ટીલના ભાવમાં ફોર અને ટૂ-વ્હીલરના મેન્યુફેક્ચરિંગ ખર્ચમાં નોંધપાત્ર વધારો થયો છે. મારુતિ, હીરો, રેનો જેવી કંપનીઓ જુલાઈમાં ફરીથી તેમના વાહનોના ભાવમાં વધારો કરી રહી છે. આવી સ્થિતિમાં, કેટલીક મોટી સ્ટીલ કંપનીઓએ ઓટોમોબાઈલ કંપનીઓ સાથે લાંબી વાટાઘાટો પછી કિંમતમાં 10-16%નો વધારો કરવાની સંમતિ આપી છે.

કેટલીક સ્ટીલ બનાવતી મીલોએ આ કરારને અંતિમ સ્વરૂપ આપ્યું છે. તેમજ, કેટલાક આ મહિનાના અંત સુધીમાં ડીલ થવાની શક્યતા છે. આ ડીલ એપ્રિલથી જૂનના ક્વાર્ટર માટે છે. સ્ટીલ ઈન્ડસ્ટ્રી સાથે જોડાયેલા સૂત્રોના જણાવ્યા અનુસાર, કારના વેચાણના ભાવમાં સ્ટીલનો હિસ્સો આશરે 8-9% હોય છે.

કાર બોડી, નોન-એક્સપોઝ્ડ કાર ચેસીસ અને સેફ્ટી કમ્પોનન્ટ્સમાં વપરાતા ફ્લેટ સ્ટીલના ભાવમાં પ્રતિ ટન 7,500-9,800 રૂપિયાનો વધારો કરવામાં આવ્યો છે. તેમજ, એન્જિન, ટ્રાન્સમિશન અને સ્ટિયરિંગ, સીટિંગ વાયર એપ્લિકેશનમાં ઉપયોગમાં લેવાતા સ્ટીલના ભાવમાં પ્રતિ ટન 6,000 રૂપિયાનો વધારો કરવામાં આવ્યો છે.

આ કંપનીઓએ ડીલ ફાઇનલ કરી
આર્સેલર મિત્તલ નિપ્પોન સ્ટીલ ઇન્ડિયા (AM/NS ઇન્ડિયા)ના ચીફ માર્કેટિંગ ઓફિસર રંજન ધરે કહ્યું કે, અમે કેટલીક ડીલને અંતિમ સ્વરૂપ આપ્યું છે અને બાકીનું કામ મહિનાના અંત સુધીમાં પૂર્ણ થઈ જશે. Q1FY માટે CRCA અથવા કોલ્ડ-રોલ્ડ ક્લોઝ-એનિલ્ડ (ઇન્ડેક્સ મૂમેન્ટના આધારે) માં વધારો ટન દીઠ 10,000 રૂપિયા જેટલો હશે.

JSW સ્ટીલના ડાયરેક્ટર (કોમર્શિયલ અને માર્કેટિંગ), જયંત આચાર્યએ માહિતી આપી કે, એપ્રિલ-જૂન ક્વાર્ટરમાં ઓટો કોન્ટ્રાક્ટ્સને અંતિમ રૂપ આપવામાં આવ્યું છે. ટાટા સ્ટીલ મહિનાના અંત સુધીમાં કરાર બંધ કરવાની દિશામાં કામ કરી રહ્યું છે.

ભાવ હજી વધુ વધશે
સ્ટીલ ઉદ્યોગના સૂત્રોએ જણાવ્યું કે, વિવિધ પ્રોડક્ટ્સમાં એક ટનના વધારા પછી સ્થાનિક ભાવ અને ત્રિમાસિક ઓટો કોન્ટ્રાક્ટ વચ્ચેનું અંતર લગભગ 18-25% જેટલું છે. એક ઉત્પાદકે જણાવ્યું કે, પ્રારંભિક કિંમત CRCA માટે ટન દીઠ પ્રારંભિક કિંમત 57,૦૦૦ રૂપિયાથી 58,૦૦૦ રૂપિયા અને ઓટો ગ્રેડ હોટ રોલ્ડ (HR) માટે ટન દીઠ 54,૦૦૦થી ,000 55,૦૦૦ રૂપિયા હતી.
એપ્રિલથી જૂનની ડીલ સમાપ્ત થતાં કંપનીઓ બીજા ક્વાર્ટરમાં વાતચીત શરૂ કરે તેવી સંભાવના છે. એવા સંકેત છે કે તેમાં વધુ વધારો થઈ શકે છે. ધરે જણાવ્યું કે, અમે એપ્રિલથી જૂન દરમિયાન ઇન્ડેક્સની ગતિના આધારે ટૂંક સમયમાં બીજા ક્વાર્ટરમાં પણ કોન્ટ્રાક્ટને અંતિમ રૂપ આપીશું, જે પ્રતિ ટન 2૦,૦૦૦ રૂપિયા જેટલું હોવું જોઈએ.

છેલ્લાં એક વર્ષથી સ્ટીલના ભાવ વૈશ્વિક સ્તરે વધી રહ્યા છે. ઘરેલુ ફ્લેટ સ્ટીલના ભાવ જૂન 2021માં લગભગ ટન દીઠ 72,000 રૂપિયા થઈ ગયા હતા, જે જૂન 2020માં 38,000 રૂપિયા પ્રતિ ટન હતા. ક્રિસિલના રિપોર્ટમાં જણાવવામાં આવ્યું છે કે, લાંબા સ્ટીલના ભાવ 1.4 ગણા વધીને 57,900 રૂપિયા પ્રતિ ટન થઈ ગયા છે. જો કે, લોકલ સ્ટીલના ભાવ હજી પણ આંતરરાષ્ટ્રીય ભાવોની છૂટ પર હતા. લોકલ સ્ટીલના ભાવમાં મોટા ભાગનો ઉછાળો નવેમ્બર પછી થયો હતો, જેના કારણે ઓટો કોન્ટ્રાક્ટમાં છ માસિકથી ત્રિમાસિક ભાવમાં ફેરફાર થયો હતો. છેલ્લી વખત જાન્યુઆરીથી માર્ચ સુધીનો વધારો પ્રતિ ટન આશરે 7,000 રૂપિયા હતો.

ધરે કહ્યું, 'જ્યારે જાન્યુઆરી 2021થી ઓટો કોન્ટ્રાક્ટ સેમિસ્ટરથી ક્વાર્ટરમાં સ્થાનાંતરિત થયા છે, અમે હંમેશાં સેમિસ્ટરના આધારે ઓટો કોન્ટ્રાક્ટ્સ રાખવાનું વલણ રાખ્યું છે.