શું તમે આ ચલાવશો?:રસ્તા પર સુપરકાર જેવી દેખાતી બાઈક જોઈને લોકોના હોશ ઊડ્યા, સોશિયલ મીડિયા પર વીડિયો વાઈરલ થયો

શું તમે ક્યારેય તમારી પાસેથી પસાર થતા કોઈ વાહનને નીરખીને જોયુ છે કે, તે કેવુ લાગે છે? જો ન જોયુ તો હોય તો આજે જરુર જોશો. ડિજિટલ કન્ટેન્ટ ક્રિએટર પ્રિયંકા કોચર એક ખૂબ જ સ્પેશિયલ વાહન લઈને આવ્યા છે, જેને એકવાર જોયા પછી તમે તમારી નજરો ત્યાથી હટાવી શકશો નહી. તમે પણ વિચારશો કે, શું છે આ? તે જ્યારે આ વાહન લઈને રસ્તામાં નીકળ્યા ત્યારે તેને કેવો અનુભવ થયો તે પણ રેકોર્ડ કર્યો અને તેને ઇન્સ્ટાગ્રામ પર શેર કર્યો. આ વીડિયોમાં તમને જે સુપરકાર દેખાઈ છે તે ખરેખર કાર નથી.

સુપરકાર જેવુ દેખાતુ વાહન કાર નથી પણ બાઈક છે
હા, આ સાંભળીને તમને થોડીવાર માટે ઝટકો જરુર લાગશે પણ આ હકીકત છે. આ સુપરકાર જેવુ દેખાતુ વાહન કાર નથી પણ બાઈક છે. તેણીએ આ વીડિયો શેર કરતી વખતે કેપ્શનમાં લખ્યું હતું કે, ‘શું તમે આ ચલાવશો?’ આ ક્લિપની શરુઆતમાં લોકો આ વાહનને ઘેરીને ઊભા હોય છે અને પ્રિયંકા તેઓને તેના વિશે જણાવે છે. જ્યારે પ્રિયંકાએ કહ્યું કે, આ બાઈક નહી પણ કાર છે તો કોઈ આ વાત માનવા જ તૈયાર નહોતુ. જો કે, જ્યારે વાહન પર લાગેલા એક લેબલમાં મોટરસાયકલ લખેલુ દેખાય છે ત્યારે લોકોને વિશ્વાસ આવે છે. આ વીડિયોમાં કોચરે એ પણ જણાવ્યું છે કે આ વાહનને Polaris Slingshot R તરીકે ઓળખવામાં આવે છે, જે ત્રણ પૈડાં પર ચાલે છે.

સોશિયલ મીડિયા પર વાઈરલ થયો વીડિયો
આ ક્લિપ એક દિવસ પહેલા શેર કરવામાં આવી હતી. ઈન્સ્ટાગ્રામ પર આ વીડિયો પોસ્ટ થયા પછી તેને 9.8 લાખથી વધુ વ્યૂઝ મળી ચૂક્યા છે. આ ઉપરાંત લગભગ 1.6 લાખ લોકોએ વીડિયોને લાઈક કર્યો છે. લોકોએ આ વીડિયો પર પ્રતિક્રિયા આપતા અલગ-અલગ કોમેન્ટ્સ પણ પોસ્ટ કરી હતી.

એક ઇન્સ્ટાગ્રામ યુઝરે મજાકમાં કહ્યું, ‘મોટર-ટ્રાઇસિકલ.’ બીજા યૂઝરે કહ્યું, ‘આ એક રિવર્સ ઑટો છે.’ ‘હું આ બ્યૂટી બાઈકને ક્યાંથી ખરીદી શકું?’. ત્રીજા યૂઝરે કહ્યું, ‘તમે તેને ગમે તે કહો... પરંતુ, તે એક કાર છે.’ અન્ય એક યૂઝરે લખ્યું, ‘જો આ બ્લેક કલરમાં હોય તો તે બેટમોબાઈલ જેવી દેખાશે.’