લોકડાઉન શોકમાંથી બહાર આવ્યા 20% અમીરો:લક્ઝરી કારોનું વેચાણ 50% વધ્યુ, મોંઘા સ્માર્ટફોન્સ પણ 55% વધુ વેચાયા

દેશમાં લક્ઝરી પ્રોડક્ટસનું વેચાણ નવા રેકોર્ડ બનાવી રહ્યું છે. માર્કેટ ડેટા દર્શાવે છે કે એક વર્ષમાં લક્ઝરી કારનાં વેચાણમાં 50 ટકાનો વધારો થયો છે. મોંઘા સ્માર્ટફોન, મોટા ટીવી અને રેફ્રિજરેટર્સ આ બધાનું વેચાણ 55-95% વધુ રહ્યું. સ્વિસ ઘડિયાળોનું બજાર પણ બમણું થઈ ગયું. તેનાથી વિરુદ્ધ ટૂથપેસ્ટ, હેર ઑઇલ, સાબુ જેવી આવશ્યક ચીજવસ્તુઓનાં વેચાણમાં વધારાનો દર ખૂબ જ નીચો કે નકારાત્મક હતો. ઓછી આવક ધરાવતા લોકોમાં વપરાશમાં લેવાતા સસ્તા મોબાઇલ ખૂબ જ ઓછા વેચાયા હતા. દ્વિચક્રી વાહનોનાં વેચાણમાં પણ વધારો થયો નથી.

બચત અને ખર્ચ પર કામ કરી રહેલી સંસ્થાઓએ ચોંકાવનારી હકીકતો જણાવી છે. તેમના મત મુજબ કોવિડ-19 અને લોકડાઉનની અસરથી ટોચનાં 20% આવક મેળવતા લોકોનાં જૂથને વધુ અસર પડી નથી એટલા માટે જ તે બજાર ખુલતા જ લક્ઝરી વસ્તુઓની ખરીદી કરવા લાગ્યા પરંતુ, તળિયાનાં 20% લોકો હજુ પણ કોવિડ અને લોકડાઉનની અસરોમાંથી બહાર નીકળી શક્યા નથી, તે જરુરી સામાન પણ સમજી-વિચારીને ખરીદે છે. આ લોકોને હજુ પણ આ શોકમાંથી નીકળતા એક વર્ષ લાગી શકે છે.

અમીર લોકોનો ખર્ચ આ કારણોસર વધ્યો

ઓછી આવક ધરાવતા લોકોનાં ખિસ્સા ખાલી
રિટેઈલ ઈન્ટેલિજન્સ ફર્મ બિજોમ મુજબ ડિસેમ્બર-2022નાં ક્વાર્ટરમાં નાના શહેરોમાં ટૂથપેસ્ટ, નૂડલ્સ અને હેર ઓઈલ જેવા FMCG ઉત્પાદકોનું વેચાણ 0.2% ઓછુ રહ્યું. મોટા શહેરોમાં આ વેચાણ 4% સુધી વધ્યું. 6 મહિનામાં ગ્રામીણ અને અર્ધ શહેરી માર્કેટ 0.8% તૂટ્યુ.

સિયામનાં આંકડાઓને જો માનીએ તો જાન્યુઆરી-20માં દેશમાં 13,40,989 ટુ-વ્હીલર વાહનો વેંચાયા. જાન્યુઆરી-23માં 13,18,182 વાહનો વેચાયા એટલે કે ત્રણ વર્ષમાં ટુ-વ્હીલર વાહનોનું વેચાણ વધ્યુ નથી. આ દરમિયાન પેસેન્જર કારોના વેચાણ માં વૃદ્ધિ ફક્ત 23% રહ્યું.

25 હજારથી પણ ઓછી કિંમતનાં સ્માર્ટફોનનાં વેચાણમાં 15%નો ઘટાડો નોંધાયો.

લાઈફસ્ટાઈલ પ્રોડક્ટનું વેચાણ ઘટી શકે છે
આ કિંમત ન્યૂ દિલ્હીનાં MD અને CEO રાજેન્દ્ર શુક્લાએ જણાવ્યું કે, સૌથી ઓછી આવક ધરાવતા ગ્રુપને આ સ્થિતિમાંથી બહાર નીકળવામાં એક વર્ષ વધુ લાગશે. આ સાથે જ લાઈફ સ્ટાઈલ પ્રોડક્ટનું વેચાણ પણ આવતા વર્ષે એટલુ નહી રહે. તેમાં પણ ઘટાડો આવી શકે છે.