અપકમિંગ / Maruti WagonRનું ઇલેક્ટ્રિક વેરિઅન્ટ માર્કેટમાં ડેબ્યૂ કરશે, અંદાજિત કિંમત 10 લાખ રૂપિયા

X

દિવ્ય ભાસ્કર

Jun 28, 2020, 02:00 PM IST

દિલ્હી. ઇન્ડિયન માર્કેટમાં ઇલેક્ટ્રિક સેગમેન્ટમાં વધુ એક સસ્તી કારની એન્ટ્રી થવાની છે. દેશની સૌથી મોટી ઓટોમોબાઇલ કંપની મારુતિ સુઝુકી લોકલ માર્કેટમાં તેની ટોલ બોય હેચબેક કાર Maruti WagonRનું ઇલેક્ટ્રિક વર્ઝન લાવવાની તૈયારી કરી રહી છે. તાજેતરમાં જ આ કાર ટેસ્ટિંગ દરમિયાન સ્પોટ થઈ હતી. દેખાવમાં આ કાર વેગનઆરના થર્ડ જનરેશન મોડેલ સાથે મેચ થાય છે.

એક રિપોર્ટ અનુસાર, આ ઇલેક્ટ્રિક કાર હરિયાણાના ગુરુગ્રામમાં ટેસ્ટિંગ દરમિયાન સ્પોટ થઈ છે. જો કે, આ ટેસ્ટિંગ વ્હીકલ સંપૂર્ણ રીતે ફેમોફ્લેજથી કવર હતી. પરંતુ તેની આઉટલાઇનથી આ કારની ડિઝાઇન જાણી શકાય છે. કંપની લાંબા સમયથી દેશભરમાં વેગનઆર ઇલેક્ટ્રિકના 50 મોડેલ્સનું ટેસ્ટિંગ કરી રહી છે. આ કાર આવતા વર્ષ સુધીમાં માર્કેટમાં લોન્ચ થઈ શકે છે.

પની આ કારમાં કેટલાક ફેરફાર પણ કરી રહી છે. તેમાં નવી ડિઝાઇનનો સ્પ્લિટ હેડલેમ્પ, ડે રાઇટ રનિંગ લાઇટ્સ અને ગ્રિલનો ઉપયોગ કરવામાં આવ્યો છે. આ ઉપરાંત, તેમાં પ્રોજેક્ટર હેડલેમ્પ પણ સામેલ કરવામાં આવ્યું છે. મેન હેડલેમ્પની નીચે ફોગલેમ્પનો પણ ઉપયોગ કરવામાં આવ્યો છે.

સૂત્રો દ્વારા જાણવા મળ્યું છે કે, કંપની આ કારમાં 15 ઇંચના એલોય વ્હીલ્સ નાખી શકે છે. કારની અંદર પણ કંપની કેટલાક ફેરફાર કરશે જે તેને પેટ્રોલ મોડેલ કરતાં અલગ લુક આપશે. આ ઉપરાંત, તેમાં સ્માર્ટ પ્લે કનેક્ટિવિટી અને નવા માઉન્ટેડ સ્ટિયરિંગ વ્હીલ પણ આપવામાં આવી શકે છે.

જો કે, અત્યારે કાર સાથે જોડાયેલી ટેક્નિકલ ડિટેલ્સ બહાર નથી આવી. પરંતુ મીડિયા રિપોર્ટ્સ અનુસાર, આ કાર સિંગલ ચાર્જમીં આશરે 180 કિમીની ડ્રાઇવિંગ રેન્જ આપશે. આ ઉપરાંત, તેની બેટરી ફક્ત 1 કલાકમાં જ 80% સુધી ચાર્જ થઈ જશે. આ કારમાં કંપની DC ફાસ્ટચાર્જિંગ સિસ્ટમનો ઉપયોગ કરી શકે છે, જે તેની બેટરીને ફાસ્ટ ચાર્જ કરશે. આ કારની કિંમત 10 લાખ રૂપિયાની આસપાસ રહેવાની શક્યતા છે. 

Next Stories

    ની  સંપૂર્ણ વાંચનસામગ્રી