• Gujarati News
  • Utility
  • Automobile
  • Kia Sonnet Launched With More Than 30 Segment First Features, The Car Offers Virus Protection And Is Priced At ₹ 6.71 Lakh.

ન્યૂ લોન્ચ:30થી વધારે સેગમેન્ટ ફર્સ્ટ ફીચર્સ સાથે કિઆ સોનેટ લોન્ચ, વાઇરસ પ્રોટેક્શનની સુવિધા આપતી આ કારની કિંમત ₹6.71 લાખ

દિલ્હી2 વર્ષ પહેલા
  • કૉપી લિંક
  • કિઆનો દાવો છે કે, તેમાં 30થી વધારે એવાં ફીચર્સ છે જે સેગમેન્ટમાં પહેલીવાર જોવા મળશે
  • કંપનીએ જણાવ્યું કે, તેને ભારતમાં બનાવવામાં આવશે અને 70થી વધુ દેશોમાં નિકાસ કરવામાં આવશે

લાંબા સમય સુધી રાહ જોવડાવ્યા બાદ આખરે કિઆએ ભારતમાં તેની નવી સબ કોમ્પેક્ટ SUV (સ્પોર્ટ્સ યુટિલિટી વ્હીકલ) સોનેટને લોન્ચ કરી દીધી. ઓનલાઇન ઇવેન્ટમાં કંપનીએ સોનેટના ભાવની જાહેરાત કરી હતી. ભારતમાં સોનેટની એક્સ શોરૂમ કિંમત 6.71 લાખ રૂપિયા રાખવામાં આવી છે. કંપનીએ તેનું બુકિંગ લેવાનું તો પહેલેથી જ શરૂ કરી દીધું હતું, જેના માટે ટોકન અમાઉન્ટ 25 હજાર રૂપિયા રાખવામાં આવી હતી. તેની લોકપ્રિયતાનો અંદાજ એ વાતથી લગાવી શકાય છે કે, પ્રિ-બુકિંગના પહેલા દિવસે જ 6 હજારથી વધુ ગ્રાહકોએ આ ગાડી બુક કરાવી હતી. તેમજ, તેને અત્યાર સુધીમાં 25 હજારથી વધુ બુકિંગ મળી ચૂક્યાં છે. કંપનીએ એમ પણ જણાવ્યું હતું કે, આ ગાડી ભારતમાં બનશે અને 70થી વધુ દેશોમાં વેચવામાં આવશે. કિયઆએ દાવો કર્યો કે તેમાં 30થી વધુ એવાં ફીચર્સ છે જે સેગમેન્ટમાં પહેલીવાર જોવા મળશે.

કંપનીનો દાવોઃ તેમાં બેસ્ટ ઇન સેગમેન્ટ એવરેજ

D1.5 CRDi WGT 6MT24.1kmpl
D1.5 CRDi VGT 6AT19.0kmpl
Smartstream G1.2 5MT18.4kmpl
G1.0T-GDi 6iMT18.2kmpl

કિઆ સોનેટનાં એડવાન્સ્ડ ફીચર્સ

  • સેલ્ટોસની જેમ કિઆ સોનેટ પણ ડ્યુઅલ ટ્રિમ કોન્સેપ્ટ સાથે આવશે. તેમાં 4.2 ઇંચનું ડિજિટલ ઇન્સ્ટ્રુમેન્ટ ક્લસ્ટર આપવામાં આવ્યું છે. તેની સાથે ઓટોમેટિક ક્લાયમેટ કન્ટ્રોલ, સનરૂફ પણ આપવામાં આવ્યું છે.
  • તેમાં નેવિગેશન અને લાઇવ ટ્રાફિક જેવાં પ્રીમિયમ ફીચર્સ આપવામાં આવ્યાં છે. વાઇરસ પ્રોટેક્શન સાથે એર પ્યૂરિફાયર પણ મળશે. આ SUVમાં વાયરલેસ ચાર્જર, રિમોટ એન્જિન સ્ટાર્ટ, મલ્ટિ ડ્રાઇવ જેવાં ફીચર્સ પણ મળશે.
  • સોનેટમાં 10.25 ઇંચની ઇન્ફોટેનમેન્ટ સિસ્ટમ મળશે, જે સબ 4 મીટર કેટેગરીમાં સૌથી મોટી ઇન્ફોટેનમેન્ટ સિસ્ટમ છે. આ ઉપરાંત, તેમાં બોઝની પ્રીમિયમ 7 સ્પીકર સિસ્ટમ અને UVO કનેક્ટેડ ટેક્નોલોજીથી સજ્જ છે, જેમાં 57 કનેક્ટેડ ફીચર્સ સામેલ છે.
  • આ કાર વેન્ટિલેટેડ ફ્રંટ સીટવાળી તેના સેગમેન્ટની પહેલી કાર છે. આ સિવાય, 6-સ્પીડ AMT ઓપ્શનલ ઓટોમેટિક ગિયરબોક્સ આપવામાં આવ્યું છે, જે બીજી કોઈ કારમાં નથી.
  • સેલ્ટોસની જેમ આ ગાડીમાં પણ LED સાઉન્ડ મૂડ લાઇટ્સ આપવામાં આવી છે, જે મ્યૂઝિકના બીટ્સ અનુસાર બદલાતી રહે છે. તેમાં રિઅર પાર્કિંગ સેન્સરની સાથે ફ્રંટ પાર્કિંગ સેન્સર પણ મળશે. આ સેગમેન્ટમાં આવાં ફીચર્સવાળી આ પહેલી કાર છે.

પેટ્રોલ-ડીઝલ બંને એન્જિન ઓપ્શન મળશે
સોનેટમાં 1.2 લિટરનું ફોર સિલિન્ડર અને 1.0 લિટરનું GDi ટર્બો પેટ્રોલ એન્જિન ઓપ્શન્સ મળશે. તેમજ, તેમાં 1.5 લિટરનું CRDi ડીઝલ એન્જિન પણ મળશે. એન્જિનને 6 સ્પીડમેન્યુઅલ અને ઓટોમેટિક ગિયરબોક્સ સાથે જોડી શકાય છે.

સોનેટને કુલ 10 કલર વેરિઅન્ટમાં લોન્ચ કરવામાં આવશે, જેમાં બેઝ ગોલ્ડ, ઇન્ટેલિજન્સ બ્લુ, ઓરોરા બ્લેક પર્લ, ઇન્ટેન્સિવ રેડ, ગ્રેવિટી ગ્રે, સ્ટીલ સિલ્વર, ગ્લેશિયર વ્હાઇટ પર્લ, બેઝ ગોલ્ડ + ઓરોરા બ્લેક પર્લ, ગ્લેશિયર વ્હાઇટ પર્લ+ ઓરોરા બ્લેક પર્લ, ઇન્ટેન્સિવ રેડ+ ઓરોરા બ્લેક પર્લ સામેલ છે.

અન્ય સમાચારો પણ છે...