• Home
  • Utility
  • Automobile
  • Indian Oil launches battery swapping facility for electric vehicles, the battery will be fully charged in very few minutes

સુવિધા / ઇન્ડિયન ઓઇલે ઇલેક્ટ્રિક વ્હીકલ માટે બેટરી સ્વેપિંગ સુવિધા શરૂ કરી, બહુ ઓછી મિનિટોમાં બેટરી ફુલ ચાર્જ થઈ જશે

X

  • પેટ્રોલ પંપ પર ક્વિક ઇન્ટરચેન્જ સ્ટેશન સ્થાપિત કરવામાં આવ્યું
  • ઇલેક્ટ્રિક ઓટો, રિક્ષા અને ટૂ-વ્હીલર જેવાં વાહનોને લાભ મળશે

દિવ્ય ભાસ્કર

Jun 27, 2020, 09:32 PM IST

દિલ્હી. દેશની સૌથી મોટી ઓઇલ માર્કેટિંગ કંપની ઇન્ડિયન ઓઇલ કોર્પોરેશન લિમિટેડ (IOCL)એ શુક્રવારે બેટરી સ્વેપિંગ સુવિધા લોન્ચ કરી છે. આ સુવિધા શરૂ થતાં ઇલેક્ટ્રિક વાહનમાં બેટરી ચાર્જિંગની સમસ્યા દૂર થઈ જશે. IOCએ પેટ્રોલ પંપ પર આ સુવિધા ઉપલબ્ધ કરાવી છે ત્યાંથી કોઈ પણ EV ડ્રાઇવર મિનિટોમાં ડિસ્ચાર્જ બેટરીના બદલામાં ફુલ ચાર્જ બેટરી લઇ શકે છે.

ક્યાં સુવિધા મળશે?
પાઇલટ પ્રોજેક્ટના ભાગ રૂપે આ ​​સુવિધા ચંદીગઢના પેટ્રોલ પંપથી શરૂ કરવામાં આવી છે. યોગ્ય સમયે આ સુવિધા દેશભરના 20 અન્ય IOC આઉટલેટ્સમાં પણ શરૂ કરવામાં આવશે.

કમર્શિયલ વ્હીકલ્સને લાભ મળશે
શરૂઆતમાં આ સુવિધાનો લાભ કોમર્શિયલ વાહનો જેવા કે ઇલેક્ટ્રિક ઓટો, ઇલેક્ટ્રિક રીક્ષા અને ઇલેક્ટ્રિક ટુ-વ્હીલર્સને મળશે. આ ઉપરાંત, ફેક્ટરી ફિટેડ ઇલેક્ટ્રિક વાહનો પણ બેટરી સુવિધાનો લાભ ઉઠાવી શકશે.

સન મોબિલિટી સાથે પાર્ટનરશિપ
આ સુવિધા માટે IOCLએ સન મોબિલીટી સાથે ભાગીદારી કરી છે. આ ભાગીદારી હેઠળ સન મોબિલીટી બેટરી સ્વેપિંગ સુવિધા માટે ક્વિક ઇન્ટરચેંજ સ્ટેશન (QIS)ની સ્થાપના કરી રહી છે.

આ શહેરોમાં ટૂંક સમયમાં સુવિધા શરૂ થશે
પાઇલટ પ્રોજેક્ટ તરીકે ચંદીગઢમાં બીજું QIS સ્થાપવામાં આવશે. આ સિવાય, ટૂંક સમયમાં અમૃતસર અને બેંગલુરુમાં પણ એક-એક QISની સ્થાપના કરવામાં આવશે. આ પાઇલટ પ્રોજેક્ટમાં દિલ્હી, ગુરુગ્રામ સહિત અન્ય મોટા શહેરોને પણ આવરી લેવામાં આવશે.

કેવી રીતે લાભ મળશે?
સુવિધા મેળવવા માટે EVને IOCLના QIS પર લઈ જવું પડશે. અહીં ડિસ્ચાર્જ બેટરીને ડિસ્પેન્સિંગ સ્ટેશનમાં રાખવી પડશે. થોડા સમય પછી ગ્રાહકને ફુલ ચાર્જવાળી બેટરી મળશે. તમામ પ્રકારના થ્રી/ફોર વ્હીલર EVની બેટરી સ્વેપ કરાવી શકાશે. આ સંપૂર્ણ પ્રક્રિયા પછી ગ્રાહકને બેટરી ચાર્જ કરવા માટેનું બિલ મળી જશે.

દરેક QIS પર 14 બેટરી
IOCL અનુસાર, એક QIS પર 14 બેટરી આપવામાં આવી છે. આ સિવાય, QISમાં ટચ સ્ક્રીન સાથેનું એક પ્રિ-લોડ સ્વેપિંગ કાર્ડ અને ઇલેક્ટ્રિસિટી સબ મીટર પણ લગાવવામાં આવ્યું છે. આ QIS થ્રી વ્હીલર સેગમેન્ટમાં વૈકલ્પિક એનર્જી સોલ્યૂશન ઉપલબ્ધ કરવામાં મહત્ત્વપૂર્ણ ભૂમિકા ભજવી શકે છે.

Next Stories

    ની  સંપૂર્ણ વાંચનસામગ્રી