સરકારની નવી યોજના:ભારત વાહનોમાં ઇથેનોલ આધારિત ફ્લેક્સ એન્જિન નાખવાની મંજૂરી આપશે, લિટર દીઠ 30-35 રૂપિયાની બચત થશે

કેન્દ્રીયમંત્રી નીતિન ગડકરીએ ભારતમાં ઇથેનોલ આધારિત 'ફ્લેક્સ ફ્યુલ એન્જિન'ને મંજૂરી આપવાનો નિર્ણય લીધો છે. તેમણે કહ્યું કે, અમે આ યોજના શરૂ કરવા જઈ રહ્યા છીએ અને તે ત્રણ મહિનામાં શરૂ થશે. આનાથી પેટ્રોલ અને ડીઝલની વધતા ભાવથી મોટી રાહત મળશે. દેશમાં ઘણા સ્થળોએ પેટ્રોલનો ભાવ પ્રતિ લિટર 107 રૂપિયા પર પહોંચી ગયો છે.

ગડકરીએ જણાવ્યું કે, બ્રાઝિલ, અમેરિકા અને કેનેડા જેવા વિશ્વના અન્ય દેશોમાં ફ્લેક્સ એન્જિન છે, જે કૃષિ ઉત્પાદનો દ્વારા સંચાલિત છે અને BMW, મર્સિડીઝ અને ટોયોટા જેવા ઓટોમેકર્સને વૈકલ્પિક ઇંધણ પર ચાલતા વાહનો વિકસાવવા પ્રોત્સાહિત કરે છે.

ઇથેનોલ લિટર દીઠ 60થી 62 રૂપિયામાં મળશે
તેમણે જણાવ્યું કે, સ્થાનિક રીતે ઉત્પાદિત ઇથેનોલ તરફ વળવું ભારત જેવા દેશ માટે મદદરૂપ સાબિત થશે, જે પરિવહન ક્ષેત્રને વીજળી આપવા માટે ક્રૂડ ઓઇલની આયાત પર આધારિત છે, તેનાથી પ્રદૂષણ ઓછું અને ખર્ચની બચત પણ થશે. લિટર પ્રતિ લિટર ઇથેનોલ 60થી 62 રૂપિયાની વચ્ચે આવે છે, જ્યારે પેટ્રોલની કિંમત લિટર દીઠ 100 રૂપિયાથી વધુ થઈ ગઈ છે. જો કે, ઇથેનોલનું કેલરી મૂલ્ય ઓછું છે.

ફ્લેક્સ-ફ્યુલ એન્જિન શું છે?
ફ્લેક્સ-ફ્યુલ એન્જિન એ એકથી વધુ ફ્યુલથી ચાલનારું એન્જિન છે. તેમાં સામાન્ય રીતે ઇથેનોલ અથવા મિથેનોલ ફ્યુલના મિશ્રણવાળા પેટ્રોલનો ઉપયોગ કરવામાં આવે છે. તાજેતરમાં વડાપ્રધાન નરેન્દ્ર મોદીએ કહ્યું હતું કે, પેટ્રોલથી 20% ઇથેનોલ મિશ્રિત કરવાના લક્ષ્યાંકને પ્રાપ્ત કરવાની અંતિમ તારીખ 5 વર્ષ એટલે કે 2025 સુધી આગળ ધપાવી દેવામાં આવી છે. તેનો હેતુ પ્રદૂષણ ઘટાડવાનો અને આયાત પરની પરાધીનતા ઘટાડવાનો છે. અગાઉ, વર્ષ 2030 સુધીમાં 20% ઇથેનોલ મિશ્રણ કરવાનું લક્ષ્ય રાખવામાં આવ્યું હતું.

ઓછા ભાવને કારણે બચત થશે
વૈકલ્પિક ફ્યુલ ઇથેનોલની કિંમત પ્રતિ લિટર 60-62 રૂપિયા છે, જ્યારે દેશના ઘણા ભાગોમાં પેટ્રોલની કિંમત પ્રતિ લિટર 100 રૂપિયાથી વધુ છે. તેથી, ઇથેનોલનો ઉપયોગ કરીને દેશના લોકો પ્રતિ લિટર 30થી 35 રૂપિયાની બચત કરશે. તેમણે કહ્યું કે, 'હું પરિવહનંત્રી છું, હું ઉદ્યોગ અંગે આદેશ આપું છું કે ફક્ત પેટ્રોલ સંચાલિત એન્જિન જ નહીં, અમારી પાસે ફ્લેક્સ-ફ્યુલ એન્જિન પણ હશે. લોકો પાસે એ ઓપ્શન હશે કે તેમણે 100% કાચા તેલ અથવા 100% ક્રૂડ ઓઇલનો ઉપયોગ કરવો કે નહીં.'

કંપનીઓ ઇથેનોલ મોડેલ બનાવે
TVS અને બજાજનું ઉદાહરણ આપીને કેન્દ્રીયમંત્રી નીતિન ગડકરીએ વધુ ઉત્પાદકોને તેમના ઇથેનોલ મોડેલ વિકસાવવા જણાવ્યું છે. તેમણે કહ્યું કે, TVS અને બજાજ સહિતના ભારતીય ઓટોમેકર્સ ઇથેનોલ પર ચલાવવા માટે પહેલેથી જ ટૂ-વ્હીલર્સ વિકસાવી ચૂક્યા છે અને તેમના સાથીઓને તેમના પોતાના મોડેલો વિકસિત કરવાનું કહી રહ્યા છે.