• Gujarati News
  • Utility
  • Automobile
  • If You Want To Buy An Ola Electric Scooter, Take A Test Ride First, The Test Ride Of The Scooter Is Starting From November 10.

ટેસ્ટ રાઇડ:ઓલા ઇલેક્ટ્રિક સ્કૂટર ખરીદવું છે તો પહેલાં ટેસ્ટ રાઇડ લો, 10 નવેમ્બરથી સ્કૂટરની ટેસ્ટ રાઇડ શરૂ થઈ રહી છે

એક મહિનો પહેલા
  • કૉપી લિંક

ઓલાનાં ઇલેક્ટ્રિક સ્કૂટર્સ ફરી એકવાર માર્કેટમાં ધૂમ મચાવવા આવી રહ્યાં છે. પરંતુ ઇન્ટરેસ્ટિંગ વાત એ છે કે કંપનીએ સ્કૂટરની ટેસ્ટ રાઇડ ડેટની જાહેરાત કરી દીધી છે. ગ્રાહકો 10 નવેમ્બરથી ઓલા S1 અને ઓલા S1 પ્રો બંનેની ટેસ્ટ રાઇડ લઈ શકશે. ઓલા આ સુવિધા આગામી મહિનાથી દેશના મોટા શહેરોમાં આપશે. તેણે 'ઓલા ઇલેક્ટ્રિક' વેબસાઇટના Q&A સેક્શનમાં આ માહિતી શેર કરી છે.

બાકીની રકમ ચૂકવ્યા પહેલાં ટેસ્ટ રાઇડ કરો
ઓલાએ Q&Aમાં જણાવ્યું કે, આ સ્કૂટરની ટેસ્ટ રાઇડ શા માટે આપવામાં આવી રહી છે. કંપની ઇચ્છે છે કે, ખરીદદારો સ્કૂટરની બાકીની રકમ ચૂકવતાં પહેલાં તેને ચલાવીને જોઈ લે. ગ્રાહકને ડિલિવરી ડેટ જણાવી દેવામાં આવી છે. તેમને આ સમયસીમા અનુસાર સ્કૂટર મળી જશે. ઓલા S1 5 અને ઓલા S1 પ્રો 10 કલરમાં આવી રહ્યું છે.

ગ્રાહક સ્કૂટરની ટેસ્ટ રાઇડ લીધા બાદ બાકીની રકમ ચૂકવી શકશે
ગ્રાહક સ્કૂટરની ટેસ્ટ રાઇડ લીધા બાદ બાકીની રકમ ચૂકવી શકશે

ટેસ્ટ રાઇડ 10 નવેમ્બરથી શરૂ થશે
કંપનીના એક પ્રવક્તાએ કહ્યું, 'અમે ઇચ્છીએ છીએ કે ગ્રાહક સ્કૂટરની ટેસ્ટ રાઇડ લીધા બાદ બાકીની રકમ ચૂકવે. તેથી, ફાઇનલ પેમેન્ટ માટેની વિન્ડો ટેસ્ટ ડ્રાઇવની તારીખ મુજબ નક્કી કરવામાં આવી છે. ટેસ્ટ રાઈડ 10 નવેમ્બરથી શરૂ થશે, જેના વિશે ગ્રાહકોને જાણ કરવામાં આવી છે. અમે દરેક ગ્રાહકને સમય મર્યાદામાં પહોંચાડવાનો શ્રેષ્ઠ પ્રયાસ કરીશું.'

ટેસ્ટ રાઇડ લેવા માટે ડ્રાઇવિંગ લાઇસન્સ ફરજિયાત
જે ગ્રાહકોએ ઓલા સ્કૂટર બુક કરાવ્યું છે તેમને ટેસ્ટ રાઈડ માટે કોઈ પૈસા ચૂકવવા પડશે નહીં. કંપનીએ એમ પણ કહ્યું કે, ગ્રાહકે ટેસ્ટ રાઈડ માટે ડ્રાઈવિંગ લાયસન્સ ફરજિયાતપણે જોડે લાવવું પડશે. ટેસ્ટ રાઈડનો સમય નક્કી કરવા માટે કંપની ગ્રાહકનો સીધો સંપર્ક કરશે. ઓલા ઓનલાઇન પ્લેટફોર્મથી જ સ્કૂટર વેચી રહી છે ત્યારે એ જોવાનું રસપ્રદ રહેશે કે તે તેના ગ્રાહકોને ટેસ્ટ રાઈડ કેવી રીતે ઓફર કરશે. કયા શહેરોમાં આ ટેસ્ટ રાઈડ થશે કંપનીએ હજુ સુધી તેનો કોઈ ખુલાસો કર્યો નથી.

1 નવેમ્બરથી સ્કૂટરનું વેચાણ ફરી શરૂ થશે
1 નવેમ્બરથી સ્કૂટરનું વેચાણ ફરી શરૂ થશે

સ્કૂટરોનું વેચાણ 1 નવેમ્બરથી શરૂ થશે
ઓગસ્ટમાં ઓફિશિયલી લોન્ચિંગ કર્યાં ઇવેન્ટ બાદ કંપનીએ ઓલા S1નું બુકિંગ શરૂ કર્યું. કંપનીએ સ્કૂટરનું વેચાણ શરૂ કરવા માટે તારીખ 8 સપ્ટેમ્બર નક્કી કરી હતી. પરંતુ કેટલીક ટેક્નિકલ સમસ્યાઓના કારણે બુકિંગ એક અઠવાડિયું મોડું શરૂ થયું. જો કે, બુકિંગના બે દિવસમાં જ કંપનીના 1,100 કરોડ રૂપિયાના સ્કૂટર વેચાઈ ગયાં. 1 નવેમ્બરથી સ્કૂટરનું વેચાણ ફરી શરૂ થશે.

ઓલા S1 99,999 અને ઓલા S1 પ્રો 129,999 રૂપિયામાં મળશે
ઓલા S1ની કિંમત 99,999 અને ઓલા S1 પ્રોની કિંમત 1,29,999 રાખવામાં આવી છે. પરંતુ દિલ્હી, મહારાષ્ટ્ર, ગુજરાત અને રાજસ્થાન જેવા કેટલાક રાજ્યોમાં તે અલગ અલગ ભાવે ઉપલબ્ધ છે. ગુજરાતમાં ઓલા S1 ની કિંમત 79,999 રૂપિયા છે, જ્યારે ઓલા S1 પ્રો 1,09,999 રૂપિયામાં ઉપલબ્ધ છે. તેનું કારણ એ છે કે તે રાજ્યોમાં વિવિધ દરે સબસિડી મળી રહી છે.

અન્ય સમાચારો પણ છે...