ન્યૂ લોન્ચ:હીરો સ્પ્લેન્ડર પ્લસની બ્લેક અને એક્સન્ટ એડિશન ₹64,470માં લોન્ચ થઈ, ગ્રાહકો પોતાના મનપસંદ ગ્રાફિક્સ કસ્ટમાઇઝ કરાવી શકશે

હીરો મોટોકોર્પે ડોમેસ્ટિક માર્કેટમાં સ્પ્લેન્ડર પ્લસ બ્લેક અને એક્સન્ટ એડિશન લોન્ચ કરી દીધી છે. તેની દિલ્હી એક્સ શો રૂમ 64,470 રૂપિયા છે. આ એડિશનની ખાસ વાત એ છે કે, ગ્રાહક તેમની ઇચ્છાનુસાર તેનાં ગ્રાફિક્સ કસ્ટમાઇઝ કરાવી શકાશે.

તેને બ્રાંડની હીરો કોલેબ્સ કોન્ટેસ્ટના પરિણામરૂપે ઉતારવામાં આવી છે, જેમાં દેશભરના પ્રતિભાગીઓએ સ્પ્લેન્ડર પ્લસ માટે ગ્રાફિક ડિઝાઇન થીમ બનાવી હતી. તેમાં એન્ટ્રીઝનું મૂલ્યાંકન કરવામાં આવ્યું હતું અને હજારો એન્ટ્રીઝમાંથી ફક્ત ત્રણ ડિઝાઇન પસંદ કરવામાં આવી.

ગ્રાફિક્સ સિલેક્ટ કરવા કે નહીં તે નિર્ણય ગ્રાહકનો રહેશે

દરેક ડિઝાઇનની કિંમત 899 રૂપિયા

સ્પ્લેન્ડર પ્લસ બ્લેક અને એક્સેન્ટ એડિશનમાં ઓલ બ્લેક થીમ આપવામાં આવી છે, જેમાં બ્લેક એલોય વ્હીલ્સ, બ્લેક એન્જિન એરિયા વિથ બ્લેક ચેન કવર, ઓપ્શનલ 3D હીરો લોગો સામેલ છે. આ ત્રણેય ડિઝાઇનના નામ બીટલ રેડ, ફાયર-ફ્લાય ગોલ્ડન અને બમ્બલે બી યલો છે અને દરેકની કિંમત રૂ .899 છે. ગ્રાહકોને 1,399 રૂપિયામાં સંપૂર્ણ કીટ પસંદ કરવાનો ઓપ્શન પણ મળે છે, જેમાં ગ્રાફિક્સ, 3D હીરો લોગો અને રિમ ટેપ સામેલ છે.