કન્ફર્મ:15 ડિસેમ્બરથી શરૂ થશે ઓલા ઈ સ્કૂટરની ડિલિવરી, કંપનીના CEO ભાવિશ અગ્રવાલે જાહેરાત કરી

8 મહિનો પહેલા
  • કૉપી લિંક
  • સેમીકન્ડક્ટર ચિપની અછતને કારણે તેની ડિલિવરી ડેટ પાછી ઠેલાઈ હતી
  • ઈ સ્કૂટર ઈન્ટરનેટ કનેક્ટિવિટી, વોઈસ કમાન્ડ સહિતના ફીચર સાથે આવે છે

જો તમે ઓલા ઈલેક્ટ્રિક સ્કૂટર બુક કરાવ્યું છે તો તમારા માટે ગુડ ન્યૂઝ છે. ઓલા તેના ઈ સ્કૂટરની ડિલિવરી 10 દિવસ પછી શરૂ કરશે. કંપનીના CEO ભાવિશ અગ્રવાલે ટ્વીટ કરી કન્ફર્મ કર્યું છે કે ઈ સ્કૂટરની ડિલિવરી 15 ડિસેમ્બરથી શરૂ થશે.

આ પહેલાં સ્કૂટરની ડિલિવરી નવેમ્બર મહિનામાં થવાની હતી. સેમીકન્ડક્ટર ચિપની અછતને કારણે તેની ડિલિવરી ડેટ પાછી ઠેલાઈ હતી.

ઓલા ઈ સ્કૂટર લોન્ચ થયા બાદ ઘણું ડિમાન્ડમાં છે. ઓગસ્ટ મહિનામાં લોન્ચિંગ બાદ તેનું પ્રી બુકિંગ શરૂ થયું છે. પ્રી બુકિંગ કરાવનારા ગ્રાહકો ઓર્ડર કેન્સલ પણ કરી શકે છે. આટલું જ નહિ કંપની ગ્રાહકોને ટેસ્ટ રાઈડની સુવિધા પણ આપી રહી છે.

ઈન્ટરનેટ કનેક્ટિવિટી મળશે
ઓલા ઈ સ્કૂટર લેટેસ્ટ ટેક્નોલોજીથી સજ્જ છે. તેમાં વાઈફાઈ કનેક્શન મળે છે. આ સ્કૂટર 10 કલર વેરિઅન્ટમાં અવેલેબલ છે. તેમાં આર્ટિફિશિયલ સાઉન્ડ સિસ્ટમ મળે છે. તેમાં 4G કનેક્ટિવિટી સિસ્ટમ મળે છે.

અવાજ માત્રથી કન્ટ્રોલ થશે સ્કૂટર
આ ઈ સ્કૂટરમાં વોઈસ કમાન્ડ ફીચર છે. ‘Hey Google'ની જેમ‘Hey Ola’ બોલી તમે નેવિગેશન ઓન કરી શકો છો. તમે વોઈસ કમાન્ડ આપીને મ્યુઝિક ઓન/ઓફ કરી શકો છો. આટલું જ નહિ વોઈસ કમાન્ડથી કોલ પણ કરી શકો છો. આ તમામ માહિતી તમને ડિસ્પ્લે થાય તેના માટે સ્કૂટરમાં 7 ઈંચની ટચ સ્ક્રીન ડિસ્પ્લે મળે છે. તેમાં બિલ્ટ ઈન સ્પીકર મળે છે.

18 મિનિટમાં 50% ચાર્જ થશે બેટરી
આ ઈ સ્કૂટરમાં 3.9 kWhની બેટરી મળે છે. કંપનીનો દાવો છે કે સિંગલ ચાર્જમાં તે 181 કિલોમીટરની રેન્જ આપે છે. ફુલ ચાર્જ થવામાં બેટરી 6 કલાકનો સમય લે છે. 18 મિનિટમાં તેની બેટરી 50% ચાર્જ થાય છે.

આ ઈ સ્કૂટરમાં 8.5 kW સુધી પાવર જનરેટ કરવાની ક્ષમતાવાળી મોટર અટેચ છે. કંપનીનો દાવો છે કે તે 3 સેકન્ડમાં 0થી 40 kmphની સ્પીડ હાંસલ કરે છે. તેની ટોપ સ્પીડ 115 Kmph છે. તેમાં નોર્મલ, સ્પોર્ટ અને હાઈપર ડ્રાઈવિંગ મોડ મળે છે.

7 ઈંચની ડિસ્પ્લે

ઓલાએ આ સ્કૂટરમાં 7 ઈંચની ટચસ્ક્રિન ડિસ્પ્લે આપી છે, જે મૂવ ઓપરેટિંગ સિસ્ટમની સાથે આવે છે. ડિસ્પ્લે ઘણી શાર્પ અને બ્રાઈટ છે. તે વોટર અને ડસ્ટપ્રૂફ છે. ઓલા ઈલેક્ટ્રિક સ્કૂટરને ડિજિટલ ડિસ્પ્લમાં મૂડ ડિસ્પ્લે મળે છે. તે પણ બતાવશે કે તે કેટલું કાર્બન એમિશન બચાવી રહ્યું છે. ઓલા ઈલેક્ટ્રિક સ્કૂટરમાં હિલ હોલ્ડ કંટ્રોસ, રિવર્સ આસિસ્ટ, ક્રૂઝ કંર્ટોલ, 3GB રેમની સાથે 7 ઈંચ ટચસ્ક્રિન ડિસ્પ્લે ઓક્ટાકોર પ્રોસેસર મળે છે. તે 4G, વાઈફાઈ અને બ્લૂટૂથ કનેક્ટિવિટીને સપોર્ટ કરે છે.

કિંમત
ઓલા S1 ઈલેક્ટ્રિક સ્કૂટરના બેઝ વેરિઅન્ટની કિંમત 99,999 રૂપિયા છે. ‘Ola S1’ ઈલેક્ટ્રિક સ્કૂટરમાં ‘Ola S1 Pro’ નામનું ટોપ વેરિઅન્ટ પણ હશે અને તેની કિંમત 1,29,999 રૂપિયા છે. તમે જે રાજ્યમાં આ સ્કૂટર ખરીદો છો તે પ્રમાણે કિંમતમાં થોડો ફેરફાર હોઈ શકે છે.

સબ્સિડી બાદ ઓલા ઈ-સ્કૂટરની કિંમત

રાજ્યS1S1 Pro
દિલ્હી85,099110,149
ગુજરાત79,999109,999
મહારાષ્ટ્ર94,999124,999
રાજસ્થાન89,968119,138
અન્ય રાજ્યો99,999129,999
અન્ય સમાચારો પણ છે...