પ્રિ-બુકિંગ:ભારતની ફાસ્ટેસ્ટ ઇલેક્ટ્રિક બાઇક ક્રિડનની ડિલિવરી શરૂ થઈ, કલાક દીઠ 95 કિમીની સ્પીડ ધરાવતી આ બાઇકની કિંમત ₹1.29 લાખ

વન ઇલેક્ટ્રિકે જાહેરાત કરી કે, ક્રિડન ઇલેક્ટ્રિક બાઇકની ડિલિવરી શરૂ થઈ ગઈ છે. આ મોડેલ અત્યારે કલાક દીઠ 95 કિમીની ટોપ સ્પીડ સાથે ભારતમાં વેચાણ માટે ઉપલબ્ધ સૌથી ઝડપી બાઇક છે. ક્રિડન ઇલેક્ટ્રિક બાઇકમાં મુંજાલ શોવામાંથી સસ્પેન્શન અને સીએટ ટાયર નાખવામાં આવ્યા છે. બીજીબાજુ તેનો લાઇટિંગ સેટ FIEM ઇન્ડસ્ટ્રીઝમાંથી લેવામાં આવ્યો છે. રિપોર્ટમાં જણાવ્યા અનુસાર, ફુલ ચાર્જમાં 110 કિમી કરતાં વધુની રેન્જ મળશે.

ભારતમાં એક્સ-શો રૂમ કિંમત 1.29 લાખ રૂપિયા છે. બ્રાંડે જણાવ્યું કે, તેણે તેના ડિસ્ટ્રીબ્યુશન પાર્ટનર્સના માધ્યમથી હૈદરાબાદ અને બેંગલુરુમાં તેની ઇલેક્ટ્રિક બાઇકની ડિલિવરી શરૂ કરી દીધી છે, જેની વિગતો કંપનીની ઓફિશિયલ સાઇટ પર ઉપલબ્ધ છે. કંપનીનું એવું પણ કહેવું છે કે, ક્રિડનની ડિલિવરી જાન્યુઆરી 2021માં તામિલનાડુ અને કેરળમાં શરૂ થશે, ત્યારબાદ મહારાષ્ટ્ર અને દિલ્હી આવશે. એક ઇલેક્ટ્રિકના ક્રિડનની કિંમત અત્યારે ભારતમાં 1.29 લાખ રૂપિયા (એક્સ શો રૂમ) છે.

હૈદરાબાદ અને બેંગલુરુમાં સૌથી વધારે પ્રિ-બુકિંગ મળ્યાં
વન ઇલેક્ટ્રિકના CEO ગૌરવ ઉપ્પલે જણાવ્યું કે, હૈદરાબાદ અને બેંગલુરુએ પ્રિ-બુકિંગમાં ખૂબ રસ દાખવ્યો છે, તેથી આ શહેરોથી વન ઇલેક્ટ્રિકની શરૂઆત થઈ છે.
તેઓ કહે છે કે, ટેસ્ટ રાઇડ્સ અને ડીલરના ફીડબેકથી જાણવા મળ્યું છે કે, ગ્રાહકો ઇલેક્ટ્રિક બાઇકમાંથી મળી રહેલી સ્પીડ અને એક્સલન્ટ પર્ફોર્મન્સથી આશ્ચર્યચકિત થયા છે.
આ ઉપરાંત ગૌરવ કહે છે કે, ગ્રાહકો પણ ગિયરલેસ પાવરફુલ બાઇક ચલાવીને ખુશ છે.

80% પ્લસ લોકલ બાઇક

2021ના અંત સુધીમાં 3 મહાદ્વીપોમાં હાજરીનું લક્ષ્ય