રેકોર્ડ / બજાજ પલ્સરના 18 વર્ષ પૂરાં, અત્યાર સુધી 1.2 કરોડથી વધુ બાઇક્સ વેચાઈ

Bajaj Pulsar's 18 Years completed, has sold over 1.2 million bikes

Divyabhaskar.com

Jan 11, 2020, 04:14 PM IST

ઓટો ડેસ્કઃ બજાજ ઓટોએ 18 વર્ષ પહેલાં લોકલ માર્કેટમાં તેની પહેલી સ્પોર્ટ બાઇક બજાજ પલ્સર રજૂ કરી હતી અને આ જ મહિને કંપની માર્કેટમાં તેનું પહેલું ઇલેક્ટ્રિક સ્કૂટર બજાજ ચેતક રજૂ કરવાની છે. આ સાથે જ કંપનીના ખાતામાં વધુ એક સેલિબ્રેશન જોડાઇ ગયું છે. કંપનીએ બજાજ પલ્સરના 18 વર્ષ પૂરાં કર્યાં છે.

કંપનીએ પહેલીવાર 1 ઓક્ટોબર 2001ના રોજ લોકલ માર્કેટમાં પલ્સર રજૂ કરી હતી. અટ્રેક્ટિવ લુક અને પાવરફુલ એન્જિન કેપેસિટી સાથે આ બાઇક તેના સેગમેન્ટમાં લીડર રહી છે. અત્યાર સુધી કંપનીએ આ બાઇકના 1.2 કરોડથી વધુ યૂનિટ્સ વેચ્યાં છે અને ભારત સિવાય અન્ય 65 દેશોમાં પણ આ બાઇક્સ એક્સપોર્ટ કરી છે.

પ્રારંભિક તબક્કામાં કંપનીએ બજાજ પલ્સરને 150cc અને 180cc એન્જિન સાથે રજૂ કરી હતી. પરંતુ હવે આ માર્કેટમાં અનેક અલગ-અલગ એન્જિન ઓપ્શન્સ સાથે અવેલેબલ છે, જેમાં 125ccથી લઇને 220cc સુધીની બાઇક્સ સામેલ છે. કંપનીએ આ તમામ મોડેલ્સનાં મિકેનિઝમ સાથે તેના લુક અને ડિઝાઇનને બહુ અલગ રાખ્યા છે.

18 વર્ષની શાનદાર જર્નીમાં પલ્સર બાઇક હંમેશાં યુવાનોની ફર્સ્ટ ચોઇસ રહી છે. જો કે, આ બાઇક પહેલાં બજાજ સ્કૂટર સેગમેન્ટમાં પણ બાઇક્સ રજૂ કરી ચૂક્યું હતું. પરંતું પલ્સરે કંપનીને એક નવી ઓળક આપી. આ બાઇકની લોકપ્રિયતાનો અંદાજ એ વાતથી લગાવી શકાય કે ઇન્ડિયન માર્કેટના સ્પોર્ટ બાઇક સેગમેન્ટમાં આ બાઇક 40%નું માર્કેટ શેર કરે છે.

X
Bajaj Pulsar's 18 Years completed, has sold over 1.2 million bikes

Next Stories

    ની  સંપૂર્ણ વાંચનસામગ્રી