વર્લ્ડકપ / ન્યૂઝીલેન્ડે ઈંગ્લેન્ડ જેટલી જ બાઉન્ડ્રી ફટકારી હોત તો સુપર ઓવરમાં દરેક બોલ ઉપર બનેલા રનના આધારે વિજેતા જાહેર થાત

ICC World Cup Final what happen if boundary count was same
X
ICC World Cup Final what happen if boundary count was same

  • ઈંગ્લેન્ડ-ન્યૂઝિલેન્ડ વચ્ચેની ફાઈનલ મેચ ટાઈ થઈ, સુપર ઓવર પણ ટાઈ થઈ
  • સુપર ઓવર ટાઈ થયા બાદ મેચમાં વધારે બાઉન્ડ્રી ફટકારનાર ટીમ વિજેતા બની

Divyabhaskar.com

Jul 15, 2019, 04:18 PM IST

સ્પોર્ટ્સ ડેસ્ક : લોર્ડ્સના મેદાન ઉપર ઈંગ્લેન્ડ અને ન્યૂઝીલેન્ડ વચ્ચે રમાયેલી ફાઈનલ મેચમાં સુપર ઓવરમાં ટાઈ થયા પછી બાઉન્ડ્રીના આધારે હાર-જીતનો નિર્ણય લેવાયો હતો. મેચ અને સુપર ઓવર સાથે ઈંગ્લેન્ડે 26 અને ન્યૂઝીલેન્ડે 17 બાઉન્ડ્રી ફટકારી હતી. વધારે બાઉન્ડ્રીના કારણે ઈંગ્લેન્ડને વિજેતા જાહેર કરાયું હતું. જો બન્ને ટીમની બાઉન્ડ્રીની સંખ્યા બરાબર હોત તો સુપર ઓવરના દરેક બોલ ઉપર બનેલા રનના આધારે મેચનું પરિણામ નક્કી થાત.

ફાઈનલ મેચમાં સુપર ઓવરને લઈને નિયમ શું છે?

જો સેમીફાઈનલ કે ફાઈનલ ટાઈ થાય તો મેચનું પરિણામ સુપર ઓવરના આધારે નક્કી કરાય છે. બીજી ઈનિંગ્સમાં બેટિંગ કરનાર ટીમને સુપર ઓવરમાં પ્રથમ બેટિંગ કરે છે. જે રીતે ઈંગ્લેન્ડે કરી હતી. સુપર ઓવરમાં દરેક ટીમને છ બોલ અને બે વિકેટ મળે છે. જો બે વિકેટ આઉટ થઈ જાય તો સુપર ઓવર ત્યાંજ પૂરી થઈ જાય છે.


જો સુપર ઓવર ટાઈ થઈ જાય તો બન્ને ટીમની બાઉન્ડ્રીની સંખ્યાના આધારે વિજેતા જાહેર કરાય છે. ઈંગ્લેન્ડે પોતાની ઈનિંગ્સમાં 22 ચોગ્ગા અને બે છગ્ગા સહિત 24 બાઉન્ડ્રી ફટકારી હતી. ત્યાર પછી સુપર ઓવરમાં બે બાઉન્ડ્રી ફટકારી હતી. આમે તેની 26 બાઉન્ડ્રી થઈ હતી. ન્યૂઝીલેન્ડની ટીમે પોતાની ઈનિંગ્સમાં 14 ચોગ્ગા અને બે છગ્ગાની મદદથી 16 બાઉન્ડ્રી ફટકારી હતી, જ્યારે સુપર ઓવરમાં તેણે એક છગ્ગો ફટકાર્યો હતો. આમે તેની કુલ 17 બાઉન્ડ્રી થઈ હતી. જે ઈંગ્લેન્ડ કરતા ઓછી હતી. જેથી ઈંગ્લેન્ડની ટીમ વિજેતા જાહેર થઈ હતી. 

જો બન્ને ટીમમાં બાઉન્ડ્રીની સંખ્યા બરાબર હોય તો શું થાય?

સુપર ઓવર ટાઈ થયા પછી બન્ને ટીમની બાઉન્ડ્રીની સંખ્યા પણ એક સરખી હોય તો એ સ્થિતિમાં બે રીતે પરિણામ નક્કી કરવામાં આવે છે.


1)  જે ટીમ 50 ઓવરમાં સૌથી વધારે બાઉન્ડ્રી ફટકારે તે વિજેતા બને છે. તેમાં સુપર ઓવરમાં ફટકારવામાં આવેલી બાઉન્ડ્રીને ગણવામાં આવતી નથી. 


2) જો 50 ઓવરમાં પણ બન્ને ટીમની બાઉન્ડ્રી સરખી થાય તો સુપર ઓવરના બનેલા રનને છેલ્લેથી ગણવામાં આવે છે. ઉદાહરણ તરીકે સુવર ઓવરના છઠ્ઠા બોલે ઈંગ્લેન્ડે 4 રન બનાવ્યા હોય અને ન્યૂઝીલેન્ડે 3 રન બનાવ્યા હોય તો ઈંગ્લેન્ડની ટીમ વિજેતા બને છે.
 

COMMENT

Next Stories

    ની  સંપૂર્ણ વાંચનસામગ્રી