ટ્રાન્સફર વિન્ડો:યુનાઈટેડનો દાવ સાંચોની જગ્યાએ તેની જ વયના હાલેન્ડ પર

એક નવું વર્ષ. વધુ એક ટ્રાન્સફર વિન્ડો. ફૂટબોલ ખેલાડીઓ પાસે ભવિષ્યની યોજના તૈયાર કરવાની એક તક. લિયોનલ મેસ્સીથી લઈને સર્જિયો રામોસ, પૉલ પોગ્બાથી લઈને સર્જિયો એગુએરો જેવા મોટા સ્ટાર આ વર્ષે નવી ક્લબ સાથે જોડાઈ શકે છે. તેમાંથી મોટાભાગના કરાર જૂનમાં સમાપ્ત થઈ જશે. ચાલો જાણીએ કયો ખેલાડી કઈ ક્લબ સાથે જોડાઈ શકે છે.

લિયોનલ મેસ્સી (બાર્સિલોના)
સંભવિત ક્લબ : માન્ચેસ્ટર સિટી
મેસ્સીનો સમરમાં કરાર ખતમ થઇ રહ્યો છે. તે 200થી બાર્સિલોના માટે રમી રહ્યો છે. મેસ્સી ગુઆર્ડિઓલાની ક્લિબ સિટી સાથે જોડાઈ શકે છે. પીએસજીની નજર પર મેસ્સી પર છે.

સર્જિયો એગુએરો(માન.સિટી)
સંભવિત ક્લબ : ઈન્ડિપેન્ડેન્ટ
ગુઆર્ડિઓલા કહી ચૂક્યું છે કે એગુએરો સાથે વાટાઘાટો ચાલી રહી છે. તેની ખરાબ ફિટનેસ પણ મોટું કારણ છે. 32 વર્ષીય અેગુએરો સિઝનમાં ફક્ત 5 મેચ રમી શક્યો છે.

સર્જિયો રામોસ(રિયલ મેડ્રિડ)
સંભવિત ક્લબ : પીએસજી
રિયલ મેડ્રિડનો સુકાની રામોસ સાથે પીએસજી કરાર કરવાની રેસમાં સૌથી આગળ છે. રામોસ સાથે મેડ્રિડ 2 વર્ષનો કરાર કરી શકેછે. કોવિડ-19ને લીધે ક્લબના નવા કરારની આશા ઓછી છે.

પૉલ પોગ્બા (માન.યુનાઈટેડ)
સંભવિત ક્લબ : યુવેન્ટ્સ
યુનાઈટેડ સમરમાં 27 વર્ષીય પોગ્બાને વેચી શકે છે. પોગ્બાએ નવી ડીલ પર હસ્તાક્ષર કરવા ઈનકાર કરી દીધો છે. યુવેન્ટ્સ, રિયલ મેડ્રિડ અને પીએસજી ખરીદવાની રેસમાં છે.

હાલેન્ડ (બોરુસિયા ડૉર્ટમંડ)
સંભવિત ક્લબ : માન.યુનાઇટેડ
20 વર્ષીય હાલેન્ડ જર્મન ક્લબ છોડી શકે છે. યુનાઈટેડ સાંચોની જગ્યાએ હાલેન્ડ સાથે કરારનો પ્રયાસ કરી રહી છે. રિયલ મેડ્રિડ અને બાર્સિલોના પણ લાઈનમાં છે.

આ પણ ક્લબ બદલી શકે છે