• Gujarati News
  • Sports
  • ‘The Wall’ Is Not Just A Tag, It Is An Obligation To Be Fulfilled; Olympic Performance Will Boost Indian Hockey: Savita

ભાસ્કર વિશેષ:‘ધ વોલ’ માત્ર ટેગ નથી, તે એક જવાબદારી છે જેને નિભાવવાની છે; ઓલિમ્પિકના પ્રદર્શનથી ભારતીય હોકીનો વિકાસ થશેઃ સવિતા

ચંદીગઢ4 મહિનો પહેલાલેખક: ગૌરવ મારવાહ
  • કૉપી લિંક
  • ભારતીય મહિલા હોકી ટીમની સેમિફાઇનલ સુધીની સફરમાં ગોલકીપર સવિતા પુનિયાનું યોગદાન મહત્ત્વનું

ટોક્યો ઓલિમ્પિકમાં ભારતીય મહિલા હોકી ટીમનું પ્રદર્શન શાનદાર રહ્યું. ટીમ સેમિ ફાઇનલ સુધી પહોંચી. આ ટીમનું અત્યાર સુધીનું શ્રેષ્ઠ પ્રદર્શન હતું. આ સફળતામાં ગોલકીપર સવિતા પૂનિયાનું યોગદાન મહત્વનું રહ્યું. સવિતાને ‘ધ વોલ’ નું ટેગ આપવામાં આવ્યું. 31 વર્ષની ગોલકીપર આ ટેગને એક જવાબદારી માને છે અને તે કાયમ રહે તેના માટે મહેનત કરી રહી છે. તેની સાથેના વાતચીતના અંશ...

  • ઓસ્ટ્રેલિયા સામે મેચ કેટલી મુશ્કેલ હતી? દબાણ કેવું હતું?

પહેલા પણ અમે ઘણા દબાણવાળા મેચ રમ્યા છીએ. પણ તે મેચમાં અલગ પ્રકારનું દબાણ હતું. અમે તેના માટે ઘણી મહેતન કરી હતી. ઓસ્ટ્રેલિયા જેવી ટીમને ગોલ વગર રોકવું સહેલું નથી. ક્યાક અમને ફિટનેસમાં મદદ મશી, કારણ કે તેજ વાત અમને બેસ્ટ બનાવે છે. કોચે પણ અમારી સાથે ઘણું કામ કર્યું છે.

  • ટોક્યો ઓલિમ્પિકના પ્રદર્શન બાદ હોકીના ભવિષ્યને કઇ રીતે જુઓ છો?

હોકીને તમે હવે મોટા લેવલ પર જોશો. ઓલિમ્પિકમાં જ્યારે અમે ગેમ પુરી કરી, તો એવું લાગ્યું ન હતું કે આટલો બધો પ્રેમ મળશે. આજે પુરો દેશ હોકી વિશે વાત કરી રહ્યું છે. હવે અમારી પણ જવાબદારી છે કે અમે મોટુ લેવલ સેટ કરીએ.

  • જ્યારે તમે હોકી રમવાનું શરૂ કર્યું, ત્યારની સરખામણીમાં અત્યારે હોકી ક્યંા છે?

જ્યારે શરૂઆત કરી હતી તો હોકીમાં નેશનલ કક્ષાએ પહોંચ્યા બાદ જ સુવિધાઓ મળતી હતી. પણ હાલના સમયમાં હોકીની બધી સુવિધા ગ્રાસ-રૂટ કક્ષાએ જ મળી જાય છે. તે સારી વાત છે. તેનાથી રમતમાં ઝડપ આવશે. હવે હોકીમાં વધુ બાળકો કારકિર્દી બનાવવાનું વિચારશે.

  • તમને મહિલા હોકી ટીમમાં ‘ધ વોલ’ નામ આપવામાં આવ્યું છે, તે કેટલું ખાસ છે?

જ્યારે કોઇ રમતમાં ટાઇટલ તમને ખાસ રીતે આપવામાં આવે છે ત્યારે તે તમને સ્પેશિયલ બનાવી દે છે. મારા માટે એક મોટો પડકાર છે. આ ટાઇટલ બાદ મારી જવાબદારી વધી જાય છે. મારે તેના માટે વિશેષ મહેનત કરવી પડશે.

અન્ય સમાચારો પણ છે...