ઈન્ડિયન ફૂટબોલમાં ફિક્સિંગ, સિંગાપોર કનેક્શન:CBIએ ફૂટબોલ ફેડરેશન પાસેથી ક્લબ અને ઇન્વેસ્ટમેન્ટ ડિટેઇલ માગી

11 દિવસ પહેલા
  • કૉપી લિંક

ભારતમાં ક્લબ ફૂટબોલમાં ફિક્સિંના આરોપોની CBI તપાસ શરૂ થઈ ચૂકી છે. CBI ટીમે હાલમાં જ દિલ્હીના દ્વારકા આવેલી ઓલ ઈન્ડિયન ફૂટબોલ ફેડરેશન (AIFF)ની ઑફિસે જઈને અધિકારીઓ સાથે પૂછપરછ કરી હતી. ફેડરેશન પાસેથી ક્લબ અને તેમના ઇન્વેસ્ટમેન્ટની જાણકારી માગી હતી. ભારતમાં ફૂટબોલની ગવર્નિંગ બોડી AIFF છે. આ ફિક્સિંગ કેસમાં સિંગાપોરના મેચ ફિક્સરનું નામ સામે આવ્યું છે.

ભારતીય ફૂટબોલ મહાસંઘના સચિવ શાઝી પ્રભાકરને જણાવ્યું હતું કે 'AIFF મેચ ફિક્સિંગને ક્યારેય પણ સાંખી નહિ લે અને અમે ક્લબોને પણ આ તપાસમાં સહયોગ આપવા માટે જણાવી દીધું છે.'

ફૂટબોલમાં ફિક્સિંગનો મામલો રવિવારે સામે આવ્યો હતો
ANIના જણાવ્યા પ્રમાણે, ભારતમાં ક્લબ ફૂટબોલમાં મેચ ફિક્સિંગનો મામલો રવિવારે સામે આવ્યો. CBIને ઈન્ટરનેશનલ ફિક્સર વિશે માહિતી મળી હતી. તેણે શેલ કંપનીઓમાં ઓછામાં ઓછી 5 ભારતીય ફૂટબોલ ક્લબમાં કથિત રીતે મોટી રકમનું રોકાણ કર્યું હતું.

સિંગાપોરના મેચ ફિક્સરે ફિક્સિંગ માટે અગાઉ જેલ જઈ ચૂક્યો છે
સિંગાપોરના જે મેચ ફિક્સરની વાત થઈ રહી છે, તેનું નામ વિલ્સન રાજ પેરુમલ છે. અત્યારસુધીની તપાસમાં સામે આવ્યું છે કે વિલ્સને લિવિંગ 3D હોલ્ડિંગ લિમિટેડમાં ભારતીય ક્લબમાં રોકાણ કર્યું છે. વિલ્સનને મેચ ફિક્સિંગના આરોપમાં 1995માં સિંગાપોરમાં જેલમાં મોકલવામાં આવ્યો હતો. તેને ફિનલેન્ડ અને હંગેરીમાં પણ સજા ફટકારવામાં આવી હતી.

વિલ્સન રાજ પેરુમલનો આ ફોટો ઈન્ટરનેટ પરથી લેવામાં આવ્યો છે. તે સિંગાપોરમાં ફિક્સિંગના આરોપમાં જેલ પણ ભોગવી ચૂક્યો છે.
વિલ્સન રાજ પેરુમલનો આ ફોટો ઈન્ટરનેટ પરથી લેવામાં આવ્યો છે. તે સિંગાપોરમાં ફિક્સિંગના આરોપમાં જેલ પણ ભોગવી ચૂક્યો છે.

ડોમેસ્ટિક ટૂર્નામેન્ટ રમી રહેલી ઈન્ડિયન એરોઝ ઉપર પણ આરોપ
CBIના સૂત્રોએ જણાવ્યું હતું કે આઈ-લીગમાં સામેલ ઈન્ડિયન એરોઝ ટીમ ઉપર પણ ગંભીર આરોપ લગાવ્યો હતો. અમે તપાસ કરી રહ્યા છે કે ઈન્ડિયન એરોઝ કેવી રીતે આ ફિક્સિંગના કેસમાં આવી છે. એરોઝને ફૂટબોલ ફેડરેશન અને ઓડિશા સરકારે ફંડ આપ્યું હતું. આમાં કોઈ વિદેશી ખેલાડી અથવા તો વિદેશી કર્મચારીઓ નથી. આમાં કદાચ ટીમથી જોડાયેલા અમુક લોકો હોઈ શકે છે. CBIએ ક્લબને પણ વિદેશી ખેલાડીઓ અને અન્ય કર્મચારીઓમા કોન્ટ્રેક્ટમાં સામેલ એજન્સીઓ અને સ્પોન્સર્સની વિશે જાણકારી માગી છે.

ઓલિમ્પિક અને વર્લ્ડ કપ ક્વોલિફાયર મેચ પણ રડારમાં છે
કેટલાક રિપોર્ટ્સમાં કહેવામાં આવી રહ્યું છે કે આ મામલા બાદ મોટી મેચમાં પણ ફિક્સિંગ થવાની સંભાવના છે. અન્ય મોટી ટૂર્નામેન્ટ્સ પણ રડાર પર છે, જેમાં ઓલિમ્પિક ઈવેન્ટ્સ, વર્લ્ડ કપ ક્વોલિફાયર, વુમન્સ વર્લ્ડ કપ, CONCACAF ગોલ્ડ કપ અને આફ્રિકન કપ ઑફ નેશન્સનો સમાવેશ થાય છે.

વિલ્સન રાજ પેરુમલ સૈનિક બનવા માગતા હતો, હવે ફિક્સર બન્યો

2012 માં, વિલ્સને તેની સજા ઘટાડવા માટે રોવેનીમી કોર્ટમાં અપીલ કરી. તેને 2 વર્ષની જેલ થઈ હતી, પરંતુ રોવેનીમી કોર્ટે તેની અપીલ ફગાવી દીધી હતી.
2012 માં, વિલ્સને તેની સજા ઘટાડવા માટે રોવેનીમી કોર્ટમાં અપીલ કરી. તેને 2 વર્ષની જેલ થઈ હતી, પરંતુ રોવેનીમી કોર્ટે તેની અપીલ ફગાવી દીધી હતી.
  • વિલ્સન રાજ પેરુમલ, તે વ્યક્તિ જેણે સિંગાપોરમાં સ્થાનિક ફૂટબોલ લીગ ફિક્સ કરતી વખતે આંતરરાષ્ટ્રીય મેચો ફિક્સ કરવાનું શરૂ કર્યું હતું. આમ આવી રીતે તેણે કરોડોની કમાણી કરી હતી. સીએનએન સાથેના તેમના પ્રથમ ટેલિવિઝન ઇન્ટરવ્યુમાં, વિલ્સને કહ્યું હતું કે તે યાદ નથી કરી શકતો કે તેણે કેટલી મેચો ફિક્સ કરી છે, પરંતુ સંખ્યા 80-100 હોઈ શકે છે.
  • વિલ્સન બાળપણમાં સૈનિક બનવા માગતો હતો, પરંતુ તેના ગુનાહિત રેકોર્ડના કારણે તે તેમ કરી શક્યો નહીં. 19-20 વર્ષની ઉંમરે તેણે સટ્ટાબાજીની મજા લેવાનું શરૂ કર્યું. તે સટ્ટાબાજી કરીને હારવા માગતો ન હતો, તેથી ધીમે ધીમે તેણે સ્થાનિક મેચ ફિક્સ કરવાનું શરૂ કર્યું હતું.
  • તેણે 1980ના દાયકામાં શરૂઆત કરી અને 90ના દાયકાના અંત સુધીમાં તેણે આંતરરાષ્ટ્રીય મેચ પણ ફિક્સ કરવાનું શરૂ કર્યું હતુ. 1997માં, તેણે તેની પ્રથમ આંતરરાષ્ટ્રીય મેચ ફિક્સ કરી હતી, જે ઝિમ્બાબ્વે અને બોસ્નિયા-હર્જેગોવિના વચ્ચે હતી.
  • 1995માં, વિલ્સનને ફૂટબોલ ખેલાડીને લાંચ આપવા માટે 12 મહિનાની જેલ કરવામાં આવી હતી. ચાર વર્ષ પછી, તેને રેફરી અને મેચ ફિક્સરનો પરિચય આપવા માટે 26 મહિનાની જેલ થઈ હતી.
  • 2000માં વિલ્સને એક ફૂટબોલ ખેલાડી પર પણ હોકી સ્ટિક વડે હુમલો કર્યો હતો. 2011માં, વિલ્સનની ફિનલેન્ડની એક પ્રીમિયર ફૂટબોલ લીગમાં ફિક્સિંગ કરવા માટે ધરપકડ કરવામાં આવી હતી.
  • જ્યારે પોલીસે તેને પકડ્યો ત્યારે તેમને વિલ્સનના ફોનમાં 38 દેશોના નંબર મળ્યા હતા. તેની પાસે જે-તે દેશોના અધિકારીઓ અને ખેલાડીઓની સંખ્યા હતી. એટલું જ નહીં તેના લેપટોપમાં 50 દેશોના નંબર પણ હતા.