ટોક્યો ઓલિમ્પિક:5 મોટી રમતોના ભારતનાં 25થી વધુ ક્વોલિફિકેશન ઈવેન્ટમાં ખેલાડી ઉતરશે

કોરોના પછી ફરી રમતો શરૂ થઈ છે. ટોક્યો ઓલિમ્પિકને હવે 200થી પણ ઓછા દિવસ બાકી છે. આગામી 6 મહિનામાં ઓલિમ્પિક ક્વોલિફિકેશન ઈવેન્ટ યોજાશે. અત્યાર સુધી ભારતને 7 રમતોમાં 44નો ક્વોટા મળી ચુક્યો છે. રિયોમાં ભારતે 117 ખેલાડીની ટૂકડી મોકલી હતી. સૌથી વધુ નજર પાંચ રમતો પર રહેશે. પીવી સિંધુનું હજુ ક્વોલિફાય કરવાનું બાકી છે.

તીરંદાજી: પુરુષ રિકર્વ ટીમ, મહિલામાં દીપિકા ક્વોલિફાય કરી ચુકી છે. મહિલા રિકર્વ ટીમ પાસે પેરિસમાં 18થી 21 જુન સુધી યોજાનારી ટૂર્નામેન્ટમાં ક્વોટા મેળવવાની તક હશે. બોમ્બાયલા દેવી, મધુ પાસે તક.

એથ્લેટિક્સ : 9 ખેલાડીઓએ ક્વોલિફાય કર્યું. ફેબ્રુઆરીમાં ઈન્ડિયન ગ્રાંપ્રી, માર્ચમાં ફેડરેશન કપ અને જુનમાં ઈન્ટર સ્ટેટ ચેમ્પિયનશિપ. મેમાં એશિયન ચેમ્પિયનશિપનો ક્વોટા મેળવવાની તક.

બેડમિન્ટન :બેડમિન્ટનમાં રેન્કિંગથી પ્રવેશ મળે છે. સિંગલ્સમાં ટોપ-16 ખેલાડી ક્વોલિફાય કરે છે. જોકે, એક દેશના બે ખેલાડી જ હોવા જોઈએ. સિંધુ અને પ્રણીતનું ક્વોલિફાય થવું નક્કી છે. સાઈના, શ્રીકાંત, પ્રણય માટે 17 ઈવેન્ટ.

બોક્સિંગ: 9 ખેલાડી ક્વોલિફાય કરી ચુક્યા છે. ગૌરવ સોલંગી(57 કિગ્રા), સચિન કુમાર(81 કિગ્રા), નમન કંવર (91 કિગ્રા) અને સાક્ષી(57 કિગ્રા) જુનમાં યોજાનારી વર્લ્ડ ક્વોલિફાયર દ્વારા ટિકિટ મેળવી શકે છે.

રેસલિંગ : 4એ ક્વોલિફાય કર્યું છે. એપ્રિલમાં કિર્ગિસ્તાનમાં એશિયન ક્વોલિફિકેશન અને વર્લ્ડ ક્વોલિફિકેશન છે. મેડલિસ્ટ સુશીલ કુમાર, સાક્ષી મલિક, સોનમ મલિક અને પૂજા ઢાંડા પાસે તક.

બીજી રમતો : જિમ્નાસ્ટિકમાં દીપા કર્માકર, ફેન્સિંગમાં ભાવની દેવી, સ્વિમિંગમાં શ્રીહરિ નટરાજ, સાજન પ્રકાશ અને વીરધવલ, ટેબલ ટેનિસમાં સાથિયાન, અચંતા શરત કમલ, મનિકા બત્રા અને વેઈટલિફ્ટિંગમાં મીરાબાઈ ચાનુ-જેરેમી લાલરિનુનગા પર નજર રહેશે.