નીરજ ફરીથી બન્યો ગોલ્ડન બોય:ટોક્યો ઓલિમ્પિક પછી 86.89 મીટરનો થ્રો ફેંકી બન્યો ચેમ્પિયન, વરસાદના કારણે ત્રીજા ટ્રાયમાં લપસી ગયો

ટોક્યો ઓલિમ્પિકમાં ગોલ્ડ જીતનારા ભારતના સ્ટાર એથલીટ નીરજ ચોપરાએ ફિનલેન્ડમાં આયોજિત કુઓર્ટેન ગેમ્સમાં ગોલ્ડ મેડલ જીત્યો છે. તેણે 86.89 મીટરનો થ્રો કરીને ગોલ્ડ જીત્યો હતો. નીરજે અગાઉ 86.89 મીટરનો થ્રો ફેંક્યો હતો અને કોઈ ખેલાડી તેની નજીક પણ પહોંચી શક્યો નહોતો. નીરજ ત્રિનિદાદ અને ટોબેગોના કેશોર્ન વોલકોટ અને ગ્રેનાડાના એન્ડરસન પીટર્સથી આગળ છે જ્યારે વોલકોટ બીજા અને પીટર્સ ત્રીજા સ્થાને છે.

ટોક્યો ઓલિમ્પિક પછી પહેલો ગોલ્ડ
નીરજ ચોપરાનો ટોક્યો ઓલિમ્પિક પછીનો આ પહેલો ગોલ્ડ મેડલ છે. નીરજે મુશ્કેલ સંજોગોમાં મેડલ જીત્યો છે. વરસાદને કારણે મેદાનમાં ઘણું પાણી હતું, જેના કારણે નીરજ એક વખત લપસી ગયો હતો. ત્રીજા પ્રયાસમાં ફેંક્યા પછી, તેનો પગ લપસી ગયો અને તે લાઇનની બહાર ગયો. જેના કારણે તે ફેંકવાની ગણતરી પણ નહોતી થઈ.

નીરજે પહેલા જ પ્રયાસમાં 86.69 મીટર ફેંક્યો હતો. તેનો બીજો થ્રો પણ ફાઉલ ગયો હતો. આ પહેલા નીરજ પાવોએ નુર્મી ગેમ્સમાં 89.30 મીટરના થ્રો સાથે રાષ્ટ્રીય રેકોર્ડ બનાવ્યો હતો.

સ્પોર્ટ્સ મિનિસ્ટર અનુરાગ ઠાકુરે નીરજ ચોપરાનો વીડિયો ટ્વીટ કર્યો અને લખ્યું કે નીરજે ફરીથી ગોલ્ડ મેડલ જીતી લીધો છે.

નીરજનું આગામી લક્ષ્ય
વર્લ્ડ ચેમ્પિયનશિપ અને કોમનવેલ્થ ગેમ્સમાં નીરજ ચોપરા મેડલ જીતવાનું લક્ષ્ય રાખે છે. વર્લ્ડ ચેમ્પિયનશિપ 15થી 24 જુલાઈ દરમિયાન યુએસમાં છે. તે જ સમયે, બર્મિંગહામમાં 28 જુલાઈથી 8 ઓગસ્ટ સુધી કોમનવેલ્થ ગેમ્સ યોજાવાની છે. ટોક્યો ઓલિમ્પિક ગેમ્સમાં ગોલ્ડ જીત્યા બાદ નીરજે કહ્યું કે તેનું આગામી લક્ષ્ય દેશ માટે કોમનવેલ્થ અને વર્લ્ડ ચેમ્પિયનશિપમાં ગોલ્ડ જીતવાનું છે.