• Gujarati News
  • Sports
  • No Entry For Homosexuals, Condemnation By Social Media Users, Restaurant Condemns Discrimination

વિરાટની રેસ્ટોરન્ટ વિવાદમાં:સમલૈંગિક લોકોને નો-એન્ટ્રી, સોશિયલ મીડિયા યુઝર્સે નિંદા કરી, રેસ્ટોરન્ટે ભેદભાવની વાતને વખોડી

નવી દિલ્હી13 દિવસ પહેલા
  • યસ વી એક્ઝિસ્ટ નામના ઈન્સ્ટાગ્રામ એકાઉન્ટ પર થયેલી એક પોસ્ટથી થયો સમગ્ર વિવાદ

ભારતીય ક્રિકેટ ટીમના કેપ્ટન વિરાટ કોહલીના One8 Commune રેસ્ટોરન્ટ પર સમલૈંગિક લોકોને પ્રવેશ ન આપવાનો આરોપ લાગ્યો છે. એ પછી ટ્વિટર યુઝર્સે વિરાટ કોહલીની ટીકા કરી છે. હાલ આ અંગે વિરાટ કોહલીની કોઈ પ્રતિક્રિયા આવી નથી. જોકે આ બાબતે જ્યારે મીડિયાએ રેસ્ટોરન્ટનો સંપર્ક કર્યો ત્યારે એની પુણે બ્રાન્ચે પ્રતિક્રિયા આપતાં કહ્યું હતું કે સોશિયલ મીડિયા પર વાઈરલ થયેલી આ વાત સંપૂર્ણ રીતે પાયાવિહોણી છે. ઉલ્લેખનીય છે કે વિરાટ કોહલીની આ રેસ્ટોરન્ટની બ્રાન્ચ પુણે, દિલ્હી અને કોલકાતામાં છે.

આરોપ શું છે?
યસ, વી એક્ઝિસ્ટ નામના ઈન્સ્ટાગ્રામ એકાઉન્ટ પરથી એક પોસ્ટ કરવામાં આવી, એમાં કહેવામાં આવ્યું છે કે LGBTQ+ મહેમાનોને વિરાટ કોહલીની રેસ્ટોરન્ટમાં નો-એન્ટ્રી...વિરાટ કોહલી પુણે, દિલ્હી અને કોલકાતામાં One8 Communeના નામથી રેસ્ટોરન્ટ ચલાવે છે. તેમના ઝોમેટા લિસ્ટિંગમાં કહેવામાં આવ્યું છે કે સ્ટેગ માટે રેસ્ટોરન્ટમાં એન્ટ્રી નથી.

પોસ્ટમાં વધુમાં લખવામાં આવ્યું છે કે અમે 2 સપ્તાહ પહેલાં જ તેમને મેસેજ કર્યો. તેનો કોઈ જવાબ આવ્યો નથી. અમે રેસ્ટોરન્ટની પુણે બ્રાન્ચનો પણ સંપર્ક કર્યો, તેમણે ફોન પર જણાવ્યું હતું કે રેસ્ટોરન્ટમાં માત્ર વિષમલિંગી, વિષમલિંગી કપલ કે વિષમલિંગી મહિલાઓના ગ્રુપને જ એન્ટ્રી છે. સમલૈંગિક કપલ કે સમલૈંગિક પુરુષોના ગ્રુપોને એન્ટ્રી નથી.

પોસ્ટમાં લખવામાં આવ્યું હતું કે ટ્રાન્સ મહિલાઓને એન્ટ્રીની પરવાનગી છે, જે તેમનાં કપડાં પર નિર્ભર કરે છે. રેસ્ટોરન્ટની દિલ્હી બ્રાન્ચે આ અંગે કોઈ જવાબ આપ્યો નથી. રેસ્ટોરન્ટની કોલકાતા બ્રાન્ચે જણાવ્યું હતું કે બધાને એન્ટ્રી છે. જોકે તેમનું ઝોમેટો પેજ કંઈક અલગ કહે છે.

એમાં આગળ લખવામાં આવ્યું છે કે ભારતમાં આવી ફેન્સી રેસ્ટોરન્ટ, બાર અને ક્લબોમાં LGBTQની સાથે ભેદભાવ સામાન્ય છે અને વિરાટ કોહલી પણ આ કરી રહ્યો છે. આ પોસ્ટ પછી વિરાટ કોહલી ઈન્સ્ટાગ્રામ યુઝર્સના ટાર્ગેટ પર છે. તેમણે યુઝર્સની નિંદાનો સામનો કરવાનો વારો આવ્યો છે.

શું આપી યુઝર્સે પ્રતિક્રિયા

વિનિય તિવારીએ Vini નામથી એકાઉન્ટ બનાવ્યું છે. તેણે ટ્વીટ કરી કહ્યું છે કે તમે વિરાટ કોહલી પાસેથી બીજી શી આશા રાખી શકો છો? વિરાટ માત્ર ભાષણોમાં પ્રગતિશીલ છે, અમલ કરવામાં નહિ. શું વિરાટ અને અનુષ્કા આ હોમોફોબિક નિર્ણય અંગે કંઈક કહેશે?

First love late spring નામના એક યુઝરે લખ્યું છે કે આ માણસ માટેની મારી નફરત બિલકુલ યોગ્ય હતી.

સોશિયલ મીડિયા પર વાઈરલ આ સમાચાર કેટલા સાચા?
આ અંગે મીડિયાના અહેવાલો મુજબ, સોશિયલ મીડિયા પર વાઈરલ થયેલી આ વાત સંપૂર્ણ રીતે પાયાવિહોણી છે. આ સામાચારમાં કોઈ જ દમ નથી. મીડિયાએ One8 Commune રેસ્ટોરન્ટની પુણે બ્રાન્ચ સાથે વાત કરી તો રેસ્ટોરન્ટે સમલૈંગિક લોકો સાથે ભેદભાવ અને એન્ટ્રી ન આપવાની વાતને ઠુકરાવી હતી અને આ માહિતી ખોટી હોવાનું કહ્યું છે.

રેસ્ટોરન્ટે કર્યો ખુલાસો

અન્ય સમાચારો પણ છે...