• Gujarati News
  • Sports
  • IND Vs SA| Similar To The Johannesburg Test, India Now Needs A New Bowling Plan For The First Session; Keegan van Der Dussen In Superb Form

29 વર્ષથી જીતનો દુષ્કાળ યથાવત્:દ.આફ્રિકાએ ભારતને 7 વિકેટથી હરાવ્યું, 2-1થી સિરીઝ જીતી; મેદાન પર અમ્પાયર-વાન ડેન ડૂસેન અને કોહલી વચ્ચે ઝઘડો થયો

4 મહિનો પહેલા
  • 40મી ઓવરમાં ચેતેશ્વર પુજારાએ કીગન પીટરસનનો સરળ કેચ છોડ્યો હતો

કેપટાઉનમાં રમાયેલી ત્રીજી ટેસ્ટ મેચને દક્ષિણ આફ્રિકાએ 7 વિકેટથી ભારતને હરાવી જીતી લીધી છે. આ મેચમાં આફ્રિકા સામે 212 રનનો ટાર્ગેટ હતો, જેને ટીમે 3 વિકેટના નુકસાને ચેઝ કરી લીધો છે. ઉલ્લેખનીય છે કે આ જીતની સાથે જ એલ્ગર એન્ડ કંપનીએ ટેસ્ટ સિરીઝ 2-1થી પોતાને નામ કરી લીધી છે. વળી રસપ્રદ વાત તો એ છે કે આ મેદાનમાં માત્ર ચોથી વાર કોઈ ટીમે 200+ રનનો ટાર્ગેટ ચેઝ કર્યો છે. મેચનો લાઈવ સ્કોર જોવા માટે અહીં ક્લિક કરો......

29 વર્ષનો જીતનો દુષ્કાળ યથાવત્
ઈન્ડિયન ટીમને આ ટૂર જીતવા માટે ફેવરિટ ગણવામાં આવતી હતી. પરંતુ એક-બે બેટર સિવાય મિડલ ઓર્ડર અને ઓપનર્સના ખરાબ પ્રદર્શનના કારણે વિરાટ સેના આ સિરીઝ પોતાને નામ કરી શકી નહોતી. 1992માં ભારતે પહેલીવાર દક્ષિણ આફ્રિકા પ્રવાસ કર્યો હતો, જેમાં છેલ્લા 30 વર્ષોમાં ઈન્ડિયન ટીમ એકપણ સિરીઝ ત્યાં જીતી શકી નથી.

વિરાટ કોહલી ફરીથી ભડક્યો

  • 37મી ઓવર દરમિયાન ફરી એકવાર DRS મુદ્દે વિરાટ અને અમ્પાયર સામ સામે આવી ગયા છે.
  • આ ઓવરમાં મોહમ્મદ શમીએ વાન ડેર ડૂસેન સામે કોટ બિહાઈન્ડની અપીલ કરી હતી. જોકે અમ્પાયરે તેને નોટઆઉટ જાહેર કરી દેતા વિરાટે DRS લીધો હતો.
  • રિપ્લેમાં સ્પષ્ટપણે જોવા મળ્યું હતું કે બેટની જમીન સાથે ટક્કર થઈ ત્યારે જ બોલ પણ એની પાસેથી પસાર થયો હતો. જેથી થર્ડ અમ્પાયરે પુરાવાના અભાવે બેટરના પક્ષમાં નિર્ણય આપ્યો હતો.
  • આ નિર્ણય પછી ફરીથી અમ્પાયર અને વિરાટ સામ સામે આવી ગયા હતા અને ચર્ચા પણ કરી હતી.

પુજારાએ સરળ કેચ છોડ્યો
40મી ઓવરના ચોથા બોલ પર ચેતેશ્વર પુજારાએ કીગન પીટરસનનો સરળ કેચ છોડી દીધો હતો. પીટરસનના બેટની આઉટ સાઈડ એડ્જ લઈને બોલ સીધો પુજારાના હાથમાં ગયો હતો. પરંતુ તે લપકી ન શક્યો અને ભારતે વિકેટ લેવાની સરળ તક ગુમાવી દીધી હતી.

સ્ટમ્પ્સ પહેલા બુમરાહની શાનદાર બોલિંગ
ત્રીજા દિવસની છેલ્લી ઓવરમાં જસપ્રીત બુમરાહે કેપ્ટન એલ્ગરને કોટ બિહાન્ડ આઉટ કરી ટીમને બીજી વિકેટ અપાવી હતી. જોકે આ દરમિયાન અમ્પાયરે તેને નોટઆઉટ આપ્યો હતો, જોકે આ નિર્ણયને પડકારી ઈન્ડિયન ટીમે રિવ્યૂ લીધો જે સફળ થયો હતો.

પંતની સદીએ લાજ રાખી
ઈન્ડિયા અને દ.આફ્રિકા વચ્ચે ત્રીજી ટેસ્ટ મેચ કેપટાઉનમાં રમાઈ રહી છે. જેની બીજી ઈનિંગમાં ઈન્ડિયન ટીમ 198 રનમાં ઓલઆઉટ થઈ ગઈ છે. આ દરમિયાન રિષભ પંતે ટેસ્ટમાં ચોથી સદી ફટકારી ટીમને એક સન્માનજનક સ્કોર સુધી દોરી ગયો હતો. જેથી પહેલી ઈનિંગની લીડના આધારે હવે દક્ષિણ આફ્રિકાને જીતવા માટે 212 રનનો ટાર્ગેટ મળ્યો છે.

લંચ પછી કેપ્ટન વિરાટ કોહલી પોતાની ઇનિંગને આગળ વધારી શક્યો નહોતો અને લુંગી એન્ગિડીના બોલ પર 29 રન કરી આઉટ થયો હતો. એન્ગિડીએ ત્યારપછી રવિચંદ્રન અશ્વિન અને શાર્દૂલની વિકેટ પણ લીધી હતી. કગિસો રબાડાએ ઉમેશ યાદવને આઉટ કર્યા ત્યારે માર્કો જેન્સને મોહમ્મદ શમીની વિકેટ લીધી હતી.

પિચ રિપોર્ટ

  • કેપટાઉનના ઈતિહાસ પર નજર ફેરવીએ તો અહીં રમાયેલી 58 મેચમાં પહેલી ઈનિંગનો એવરેજ સ્કોર 328, બીજી ઈનિંગનો 296, ત્રીજી ઈનિંગનો 35 અને ચોથી ઈનિંગનો 161 રન છે.
  • આ પિચ હંમેશા બોલર્સને સહાય કરે છે. એમાં પણ ફાસ્ટ બોલર્સ માટે આ એક ગેમ ચેન્જર સાબિત થઈ શકે છે.
  • ન્યૂલેન્ડ્સ સ્ટેડિયમની ચારેય બાજુ પહાડો છે અને અહીંની પિચ ફાસ્ટ બોલરને સ્વિંગ-સીમમાં વધુ સહાય પૂરી પાડે છે.
  • ઈન્ડિયા અને દ.આફ્રિકા વચ્ચે ટેસ્ટ મેચમાં અહીં ફાસ્ટ બોલર્સે 124 વિકેટ તો સ્પિનર્સે 34 વિકેટ લીધી છે.

કેપટાઉનમાં ટીમ ઈન્ડિયાનો ખરાબ રેકોર્ડ

  • ન્યૂલેન્ડ્સ ક્રિકેટ સ્ટેડિયમમાં ઈન્ડિયન ટીમે અત્યારસુધી કુલ પાંચ ટેસ્ટ મેચ રમી છે.
  • પહેલી વાર 1993માં અહીં બંને ટીમો વચ્ચે મેચ રમાઈ હતી, જે ડ્રો રહી હતી.
  • 1997માં આફ્રિકન ટીમે ભારતને 282 રનથી હરાવ્યું હતું.
  • 2007માં દક્ષિણ આફ્રિકાએ ભારતને 5 વિકેટથી હરાવ્યું હતું.
  • 2011માં ઈન્ડિયન ટીમે મેચ ડ્રો કરવામાં સફળતા મેળવી હતી, જ્યારે 2018માં 72 રનથી દ.આફ્રિકા વિરૂદ્ધ હારનો સામનો કરવો પડ્યો હતો.

બંને ટીમઃIND (પ્લેઇંગ-XI): કે.એલ.રાહુલ, મયંક અગ્રવાલ, ચેતેશ્વર પુજારા, અજિંક્ય રહાણે, વિરાટ કોહલી, રિષભ પંત, રવિચંદ્રન અશ્વિન, શાર્દૂલ ઠાકુર, મોહમ્મદ શમી, જસપ્રીત બુમરાહ, ઉમેશ યાદવ
SA (પ્લેઇંગ-XI): ડીન એલ્ગર, એડન માર્કરમ, કીગન પીટરસન, રેસી વેન ડેર ડૂસેન, તેમ્બા બઉમા, કાઈવ વેરેના, માર્કો જેન્સન, કગિસો રબાડા, કેશવ મહારાજ, ડુએન ઓલિવિયર, લુંગી એન્ગિડી

અન્ય સમાચારો પણ છે...