નવી વરણી:ગુજરાત સ્ટેટ ઓલિમ્પિક એસોસિયેશનની ચૂંટણીમાં દેવેન્દ્રસિંહ સોલંકી પ્રેસિડન્ટ તરીકે ચૂંટાયા

ગુજરાત સ્ટેટ ઓલિમ્પિક એસોસિયેશનની એન્યુલ જનરલ મીટિંગમાં સોમવારે દેવેન્દ્રસિંહ સોલંકી પ્રેસિડન્ટ તરીકે ચૂંટાયા છે. તેઓ આગામી 4 વર્ષ સુધી આ પદ સંભળાશે. સેક્રેટરી તરીકે ઇન્દ્રવદન નાણાવટી તથા ટ્રેઝરર તરીકે કૌશિક મિસ્ત્રીની વરણી કરવામાં આવી છે.

તે સિવાય વાઇસ પ્રેસિડન્ટ તરીકે વિરેન્દ્ર નાણાવટી, વિવેક પટેલ, એસ. એ. રાવલ અને આર. વી. સેલર ફરજ નિભાવશે. જ્યારે જોઈન્ટ સેક્રેટરી તરીકે કૌશિક બોડીવાલ, ગુલાબ ચૌહાણ અને લક્ષ્મણ કરણગાવકર કાર્યરત રહેશે.

આ બોડીમાં કમલેશ નાણાવટી એસોસિએટ વાઇસ પ્રેસિડન્ટ અને કમલેશ પટેલ એસોસિએટ જોઈન્ટ સેક્રેટરી તરીકે પસંદ થયા છે. કમિટીના એક્ઝિક્યુટિવ મેમ્બર્સમાં આત્મારામ પટેલ, મયુર પરીખ, સપના દેસાઈ, દિનેશ પટેલ અને મયુર પટેલનો સમાવેશ થાય છે.