• Home
  • Sports
  • BCCI to fight coronavirus; Written with a photo of Dhoni Kohli together we will win

લોકડાઉન સંદેશ / કોરોનાવાઇરસથી લડવા દોસ્તાના અંદાજમાં BCCIની સલાહ; ધોની-કોહલીનો ફોટો શેર કરીને લખ્યું- સાથે મળીને જીતશું

X

દિવ્ય ભાસ્કર

Mar 26, 2020, 09:08 PM IST

સ્પોર્ટ્સ ડેસ્ક: દેશમાં કોરોનાવાઇરસના વધતા પ્રકોપના કારણે પીએમ નરેન્દ્ર મોદીએ 14 એપ્રિલ સુધી દેશને લોકડાઉન કર્યું છે. આ વચ્ચે BCCIએ ગુરુવારે દોસ્તાના અંદાજમાં કોરોનાથી લડવાની સલાહ આપી છે. બોર્ડે મહેન્દ્રસિંહ ધોની, વિરાટ કોહલી, રોહિત શર્મા અને રવિન્દ્ર જાડેજા સહિત ઘણા ખેલાડીઓના ફોટો શેર કર્યો. તે સાથે જ નિયમિત ઈન્ટરવલ પર હાથ ધોવાની, ઘરમાં રહેવાની અને એકબીજાથી અંતર રાખવાની સલાહ આપી હતી.

BCCIએ કવર પર ધોનીનો ફોટો લગાવ્યો છે, જેમાં તે સીરિયસ લુકમાં દેેખાઈ છે. બીજા ફોટોમાં વિકેટકીપર લોકેશ રાહુલ અને રોહિત શર્મા છે. રોહિત ઈશારો કરતા ઘરમાં રહેવાની અને બહાર ન નીકળવાનો સંદેશ આપે છે. ત્રીજા ફોટોમાં જસપ્રીત બુમરાહ પોતાના સાથી ખેલાડીને દૂર જવાનો ઈશારો કરે છે. બોર્ડે આ રીતે સોશિયલ ડિસ્ટેનસિંગનો મેસેજ આપ્યો છે.

જાડેજાએ હાથ સાફ રાખવાનો સંદેશ આપ્યો
એક ફોટામાં જાડેજા બાઉન્ડ્રી પર કેચ લેતો જોવા મળી રહ્યો છે. આ દ્વારા BCCIએ હાથ સાફ રાખવાની સલાહ આપી હતી. જાડેજા હાલની ટીમમાં સર્વશ્રેષ્ઠ ફિલ્ડર માનવામાં આવે છે.

રાહુલે કહ્યું ઘરના કામકાજમાં મદદ કરો
પાંચમા ફોટોમાં રાહુલ ગ્રાઉન્ડસમેન સાથે મેદાનમાં કવર્સ લઈ જાય છે  અને લોકડાઉન દરમિયાન ઘરના કામમાં મદદ કરવા કહે છે. તે પછીના ફોટોમાં વિરાટ કોહલી ટીમ સાથે રણનીતિ ઘડી રહ્યો છે.

સલાહ માનશો તો નિશ્ચિતરૂપે જીત મેળવશો
અંતિમ ફોટોમાં ધોની અને કોહલી જીત પછી પેવેલિયન પરત ફરતા અને દર્શકોનું અભિવાદન કરતા જોવા મળે છે. BCCIએ મેસેજ આપ્યો કે, અન્યની સલાહ માનીએ તો સાથે મળીને કોરોનાને હરાવી શકાય છે.

Next Stories

    ની  સંપૂર્ણ વાંચનસામગ્રી