• Gujarati News
  • Sports
  • 33 Football Teams Will Participate In 3 Categories Of The Tournament, Involving A Total Of 990 Players; Will Begin March 5

GSFA ક્લબ ચેમ્પિયનશિપ:ટૂર્નામેન્ટની 3 કેટેગરીમાં 33 ફુટબોલ ટીમો ભાગ લેશે, કુલ 990 ખેલાડી સામેલ; 5 માર્ચથી શરૂ થશે

6 મહિનો પહેલા
  • કૉપી લિંક
  • અમદાવાદના ટ્રાન્સટેડિયામાં ફાઈનલ મેચ રમાશે

ગુજરાત સ્ટેટ ફુટબોલ એસોસિએશને (GSFA) 3 કેટેગરીમાં ક્લબ ચેમ્પિયનશિપનું આયોજન કર્યું છે. જેની શરૂઆત 5 માર્ચ 2022થી થશે અને આમાં કુલ 33 ટીમો ભાગ લેશે. ઉલ્લેખનીય છે કે GSFAના પ્રેસિડેન્ટ પરિમલ નથવાણીએ આ ચેમ્પિયનશિપ શરૂ કરવાનો પ્લાન ઘડ્યો છે. જેની ફાઈનલ મેચ અમદાવાદના ટ્રાન્સ્ટેડિયામાં રમાશે. આને 2 ફેઝમાં રમાડવામાં આવશે અને કુલ 11 શહેરો આમાં ભાગ લેશે. જેના વિજેતાઓ AIFA આઈ-લીગ ક્વોલિફાયર્સમાં ગુજરાતનું પ્રતિનિધિત્વ કરશે.

GSFAના પ્રેસિડેન્ટ પરિમલ નથવાણીની તસવીર
GSFAના પ્રેસિડેન્ટ પરિમલ નથવાણીની તસવીર

ટૂર્નામેન્ટની માહિતી

  • ટૂર્નામેન્ટમાં 990 ફુટબોલ ખેલાડી ભાગ લેશે, જેની સિનિયર કેટેગરીમાં 17, જુનિયર કેટેગરીમાં 09 અને સબ-જૂનિયર કેટેગરીમાં 07 ટીમો ભાગ લેશે.
  • બધી ટીમોને 30 ખેલાડીઓની યાદીમાં 3 વિદેશી ખેલાડીને રજિસ્ટર કરવાની અનુમતિ અપાશે
  • સિનિયર કેટેગરીમાં દરેક ટીમમાં 20 વર્ષથી ઓછી ઉંમરના (2003/2004માં જન્મેલા) ઓછામાં ઓછા 5 ખેલાડીઓ હોવા અનિવાર્ય છે
  • આ પાંચમાંથી 3 ખેલાડીને મેદાનમાં હોવું અનિવાર્ય રહેશે
  • જુનિયર ક્લબ ચેમ્પિયનશિપમાં 17 વર્ષથી ઓછી ઉંમરના ખેલાડી ભાગ લઈ શકશે
  • સબ-જૂનિયર ગ્રુપમાં 15 વર્ષથી ઓછી ઉંમરના ખેલાડી ભાગ લઈ શકશે
  • આ ટૂર્નામેન્ટ નિવિયા (સિમ્બોલો) બોલથી રમાશે, દરેક ક્લબ કેટેગરીને તેમના શહેરમાં રમાડવાની મેચ માટે 3-3 બોલ અપાશે.

આ ટૂર્નામેન્ટનું લાઈવ ટેલિકાસ્ટ ક્યાં થશે?
આ ચેમ્પિયનશિપની વિવિધ કેટેગરીની મેચને GSFAની યૂટ્યૂબ ચેનલ પર લાઈવ ટેલિકાસ્ટ કરાશે.

યુવા ફુટબોલરને યોગ્ય તક મળશે - પરિમલ નથવાણી
GSFAના પ્રેસિડેન્ટ પરિમલ નથવાણીએ કહ્યું કે આ ક્લબ ચેમ્પિયનશિપના આયોજનથી યુવા ખેલાડીને ઘણો લાભ થશે. આ પ્રમાણેની પહેલ દેશમાં ક્લબ કલ્ચરના ફુટબોલને પ્રોત્સાહન આપવા એક પગલું સમાન છે.

અન્ય સમાચારો પણ છે...