તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Sports
  • Cricket
  • Why Did Teams Loot Treasure On All rounders In IPL Auction? Why Did Morris, Maxwell And Gautam Get The Highest Price?

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ભાસ્કર એક્સપ્લેનર:IPL હરાજીમાં ટીમોંએ ઓલરાઉન્ડરો પર કેમ લૂંટાવ્યો ખજાનો? મોરિસ, મેક્સવેલ અને ગૌતમ સૌથી વધુ કીમતી કેમ બન્યા?

9 દિવસ પહેલા
  • કૉપી લિંક

દક્ષિણ આફ્રિકાના ક્રિકેટર ક્રિસ મોરિસ ઓલરાઉન્ડર છે, પરંતુ બેન સ્ટોક્સ જેવો પ્રભાવશાળી નથી. તે છતાં તેને આઈપીએલ ઇતિહાસની સૌથી વધુ રકમ આપી રાજસ્થાન રોયલ્સે ખરીદ્યો છે. 75 લાખ રૂપિયાના બેઝ પ્રાઇસવાળા મોરિસ માટે રોયલ્સે 16.25 કરોડ રૂપિયા ચૂકવ્યા, એટલે કે 21 ગણા વધુ. ઓસ્ટ્રેલિયન ઓલરાઉન્ડર મેક્સવેલને બેંગલોર રોયલ ચેલેન્જર્સે 14.25 કરોડમાં ખરીદ્યો, મેક્સવેલની અગાઉની સીઝન ખાસ નહોતી. આવી જ વાત ઓલરાઉન્ડર કૃષ્ણપ્પા ગૌતમની પણ છે.

સૌથી મોટું કારણ: મુંબઈ ઉપરાંત દરેક ટીમને મેચ ફિનિશરની જરૂર
મોરિસ, મેક્સવેલ, કૃષ્ણપ્પા ગૌતમ અને શિવમ દુબે મેચ પૂરી કરવાની ક્ષમતા ધરાવતા ઓલરાઉન્ડર છે. હાલની ફ્રેન્ચાઇઝીમાં ફક્ત મુંબઈની પાસે પોલાર્ડ અને પંડ્યા બ્રધર્સ જેવા ફિનિશર છે. મુંબઈ સિવાય કોઈપણ ટીમમાં મેચ ફિનિશર નથી. આવી સ્થિતિમાં, દરેક ફ્રેન્ચાઈઝીએ આ ખેલાડીઓ ખરીદવાની શરત મૂકી હતી. હવે આ ખેલાડીઓ વિશે ક્રમિક રીતે જણાવીએ..

ક્રિસ મોરિસ (રાજસ્થાન રોયલ્સ)

શું રોલ હશે?
રાજસ્થાન રોયલ્સે મોરિસને ઓર્ચરના બેકઅપ તરીકે લીધો છે, પરંતુ રેકોર્ડ્સ અને પ્રદર્શન સાથે તેનો રોલ બદલવાનું નક્કી છે. તે ફિનિશરની ભૂમિકા ભજવશે.

રોલમાં ફિટ થઈ શકશે?
આંકડા દર્શાવે છે કે મોરિસ તેની ભૂમિકા સારી રીતે ભજવી શકે છે. તેણે એકંદર 218 ટી-20 મેચમાં 151.02ના સ્ટ્રાઈક રેટ સાથે 1764 રન બનાવ્યા છે. 270 વિકેટ પણ લીધી છે. ઓર્ચરની સાથે બોલિંગ પણ શરૂ કરી શકે છે અને છેલ્લી ઓવરમાં ઝડપી રન બનાવી શકે છે. 2020માં તેણે મેચમાં RCB માટે 313ના સ્ટ્રાઇક રેટથી 8 બોલમાં 25 રન બનાવ્યા હતા.

તેમની જરૂર કેમ હતી?
રાજસ્થાન પાસે જોફ્રા ઓર્ચર સાથે બોલિંગ શરૂ કરવા વિદેશી ફાસ્ટ બોલર ન હતો. ટોમ કરનને રિલીજ કરાયો છે. આ પછી ફાસ્ટ બોલરોની કમી પણ હતી. લોઅર મિડલ ઓર્ડરમાં અનુભવીઅને મજબૂત મનોબળ સાથેનો ઓલરાઉન્ડર પણ જરૂરી હતો. મોરિસ બંને આવશ્યકતાઓને પૂર્ણ કરે છે.

ગ્લેન મેક્સવેલ (બેંગલુરુ રોયલ ચેલેન્જર્સ)

શું રોલ હશે?
બેંગલુરુ વિરાટ અને ડી વિલિયર્સ પછી લોઅર મિડલ ઓર્ડરને મજબૂત બનાવવા માટે મેક્સવેલનો ઉપયોગ કરશે. ટીમને સ્લોગ ઓવરમાં પણ એક મોટા હિટરની જરૂર હતી. મોટા લક્ષ્યનો પીછો કરતી વખતે તેનો અનુભવ બેંગલુરુને કામ આવશે.

રોલમાં ફિટ થઈ શકશે?
આંકડા અને તેમનો અનુભવ કહે છે કે તે કારગર સાબિત થશે. ટી-20 માં મેક્સવેલનો સ્ટ્રાઇક રેટ 152.05 છે. તેણે 331 છગ્ગા અને 529 ચોગ્ગા ફટકાર્યા છે. આઈપીએલમાં તેણે 82 મેચોમાં 1505 રન બનાવ્યા છે. સ્ટ્રાઇક રેટ 154.67 છે. આ સિવાય તેની ઓફ સ્પિન ભારતીય પીચો પર પણ કામ કરશે. તેણે ટી-20માં અત્યાર સુધીમાં 108 વિકેટ ઝડપી છે.

તેમની જરૂર કેમ હતી?
બેંગલુરુએ ફિંચને રિલીજ કરી દીધો છે. ફિંચ ટોપ ક્રમનો બેટ્સમેન હતો, પરંતુ વિરાટ અને ડી વિલિયર્સ આ જરૂરિયાત પૂરી કરી રહ્યા છે. આવી સ્થિતિમાં ટીમે ફિનિશર અને મોટા હિટરની સ્થિતિ માટે મેક્સવેલ પર મોટો દાવ લગાવ્યો. આઈપીએલની છેલ્લી સીઝનમાં, મેક્સવેલ કંઈ ખાસ કરી શક્યો નહીં, પરંતુ આ પછી તેણે બિગ બેશ લીગ અને ઓસ્ટ્રેલિયા તરફથી તેને મેચ ઇનિંગ્સ રમી હતી અને વિકેટ પણ લીધી હતી.

કૃષ્ણપ્પા ગૌતમ (ચેન્નઈ સુપર કિંગ્સ)

શું રોલ હશે?
20 લાખની બેઝ પ્રાઈસવાળા ગૌતમને ચેન્નઈ સુપર કિંગ્સે 9.25 કરોડ એટલે કે 46 ગણા વધારે ભાવમાં ખરીદ્યો છે. સુપરકિંગ્સ તેનો ઉપયોગ મોઇન અલીના બેકઅપ તરીકે કરશે. હરભજન ગયા બાદ મોઇન અલી અને ગૌતમ સ્પિનરો તરીકે ધોની માટે બે વિકલ્પ હશે. કૃષ્ણપ્પા પણ મોઇન અલીની જેમ ઝડપી રન બનાવી શકે છે.

રોલમાં ફિટ થઈ શકશે?
ઓવરઓલ 62 ટી-20 મેચ રમનારા ગૌતમે 41 વિકેટ ઝડપી છે. તેમની ઈકોનોમી 7.6ની છે, જે આ ફોર્મેટમાં ઘણું વધુ માનવામાં આવે છે. બેટિંગમાં તેનો સ્ટ્રાઇક રેટ 160ની નજીક છે. તેણે 2 અર્ધસદી પણ ફટકારી છે. ઘરેલુ ટૂર્નામેન્ટોમાં લાંબી લાંબી સિક્સર તેની યુએસપી બની છે. એટલે કે, તે આ રોલ માટે સંપૂર્ણ યોગ્ય છે.

તેમની જરૂર કેમ હતી?
​​​​​​​​​​​​​​ગૌતમને ગત સીઝનમાં પંજાબ દ્વારા પોતાની બેન્ચ સ્ટ્રેંથમાં મજબૂતાઈ માટે ખરીદવામાં આવ્યો હતો. તેને વધારે તકો ન મળી, તેને ફક્ત 2 મેચમાં જ રમાડવામાં આવ્યો. રેકોર્ડ્સ અને ક્ષમતા ને જોતાં ધોની તેનો વધુ સારો ઉપયોગ કરી શકે છે અને ધોની પણ આ માટે જાણીતો છે. ધોની મોઇન અલી અને ગૌતમ બંનેનો ઉપયોગ હોમ ગ્રાઉન્ડ પર પણ કરી શકે છે, કારણ કે ચેન્નઈની પિચ સ્પિનરો માટે મદદરૂપ છે અને અહીં ટીમમે 7 મેચ રમવાની છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- તમે દરેક કાર્યને યોગ્ય રીતે કરવામાં સક્ષમ રહેશો. માત્ર કોઇપણ કાર્ય કરતા પહેલાં તેની રૂપરેખા અવશ્ય જાળવી લો. તમારા આ ગુણના કારણે આજે તમને કોઇ વિશેષ સફળતા પણ પ્રાપ્ત થઇ શકે છે. નેગેટિવઃ- આ ...

    વધુ વાંચો