IND vs SA, 5મી T20 તસવીરોમાં:વરસાદે વિલન બની મજા બગાડી, ઈન્ડિયન ટીમનું સિરીઝ જીતવાનું સપનું તૂટ્યું; ભુવી પ્લેયર ઓફ ટૂર્નામેન્ટ

બેંગ્લોરમાં આયોજિત ભારત અને દક્ષિણ આફ્રિકા વચ્ચેની પાંચમી T20 વરસાદને કારણે રદ કરવામાં આવી હતી. આજની મેચમાં બે વખત વરસાદે વિક્ષેપ પાડ્યો હતો. પ્રથમ ટોસ પછી વરસાદના કારણે મેચ 50 મિનિટ માટે રોકી દેવામાં આવી હતી. મેચ સાંજે 7 વાગ્યે શરૂ થવાને બદલે સાંજે 7.50 વાગ્યે શરૂ થઈ હતી. બંને દાવમાંથી એક-એક ઓવર કાપવામાં આવી હતી અને મેચ 19 ઓવરની હતી.

જોકે, ભારતીય ઇનિંગ્સની 3.3 ઓવર પછી જ ફરીથી વરસાદ શરૂ થયો અને ત્યારપછી તે અટક્યો નહીં. જ્યારે ફરી વરસાદના કારણે મેચ અટકાવવામાં આવી ત્યારે ટીમ ઈન્ડિયાનો સ્કોર બે વિકેટે 28 રન હતો. ઈશાન કિશન સાત બોલમાં બે છગ્ગાની મદદથી 15 રન બનાવીને આઉટ થયો હતો અને ત્યારપછી વરસાદ રોકાયો નહીં અને મેચ સ્થગિત કરવી પડી હતી. તો ચલો આપણે વરસાદી વાતાવરણ વચ્ચે રમાયેલી મેચ પર નજર કરીએ....