તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Sports
  • Cricket
  • The ODI Series, Which Starts On July 13, Could Now Take Place On July 17, A Decision Taken Due To Corona.

ઈન્ડિયા-શ્રીલંકા સિરીઝ 18 જુલાઈથી રમાશે:29 જુલાઈ સુધી 3 વનડે અને 3 T-20 મેચ રમાશે; શ્રીલંકાના બેટિંગ કોચ તથા ડેટા એનાલિસ્ટ કોરોના પોઝિટિવ આવ્યા

કોલંબો21 દિવસ પહેલા
  • શ્રીલંકા ટીમના બેટિંગ કોચ અને એનાલિસ્ટ ડેલ્ટા વેરિયન્ટથી સંક્રમિત થયા છે

ભારત અને શ્રીલંકા વચ્ચેની લિમિટેડ ઓવર્સ સિરીઝની નવી તારીખો જાહેર થઈ ગઈ છે. આ સિરીઝ 18થી 29 જુલાઈ વચ્ચે રમાશે. શ્રીલંકન સ્ક્વૉડમાં કોરોના આઉટ બ્રેક થતાં આ નિર્ણય લેવામાં આવ્યો છે. પહેલા આ સિરીઝ 13થી 25 જુલાઈ વચ્ચે રમાવાની હતી.

BCCIએ અત્યારસુધી મેચોની તારીખ જાહેર કરી નથી. પરંતુ મીડિયાના અહેવાલો પ્રમાણે, પહેલી વનડે 18 જુલાઈ, બીજી 20 અને અંતિમ 23 જુલાઈએ રમાઈ શકે છે. બોર્ડ ટૂંક સમયમાં મેચનું ટાઇમ ટેબલ બહાર પાડી શકે છે.

પહેલાનું ટાઇમ ટેબલ
પહેલા શિડ્યૂલ મુજબ, વનડે સિરીઝની પહેલી મેચ 13 જુલાઈ, બીજી 16 જુલાઈ અને ત્રીજી વનડે 18 જુલાઈએ રમાવાની હતી, જે બાદ ટી-20 સિરીઝ રમાવાની હતી. શ્રીલંકન ક્રિકેટ બોર્ડ (SLC)એ હવે BCCIની સામે 17,19 અને 21 જુલાઈના રોજ 3 મેચ રમાડવાનો પ્રસ્તાવ રાખ્યો છે. તો ટી-20 ટૂર્નામેન્ટ 24,25 અને 27 જુલાઈના રોજ રમાઈ શકે છે. આ અંગે BCCI નિર્ણય કરશે.

ડેલ્ટા વેરિયન્ટથી સંક્રમિત થયા છે બેટિંગ-કોચ અને એનાલિસ્ટ
શ્રીલંકા માટે ચિંતાની વાત એ છે કે બેટિંગ-કોચ ગ્રાંટ ફ્લાવર અને એનાલિસ્ટ જીટી નિરોશન બંને ડેલ્ટા વેરિયન્ટથી પોઝિટિવ થયા છે. કોરોનાનો આ વેરિયન્ટ સૌથી વધુ સંક્રમક અને ખતરનાક છે. શ્રીલંકાના ખેલાડીઓને શુક્રવારે જ આઈસોલેશનથી બહાર આવવાનું હતું, પરંતુ હવે ટીમને બે દિવસ વધુ રાહ જોવી પડશે.

આ વચ્ચે તમામ ખેલાડીઓ અને સપોર્ટ સ્ટાફના વધુ એક વખત RT-PCR ટેસ્ટ થશે. એનાં પરિણામ આવ્યાં બાદ જ નિર્ણય લેવાશે કે ભારત વિરુદ્ધ સિરીઝમાં કયા કયા ખેલાડી ભાગ લેશે.

ખેલાડીઓના વધુ બે ગ્રુપ બાયો બબલમાં
કોરોનાની આ સ્થિતિને જોતાં શ્રીલંકાના બોર્ડે પહેલાંથી વૈકલ્પિક પ્લાન તૈયાર કરી રાખ્યો છે. ખેલાડીઓનાં વધુ બે અલગ-અલગ જૂથ બાયો બબલમાં રાખવામાં આવ્યાં છે. એક ગ્રુપ કોલંબોમાં અને બીજો દાંબુલામાં હાજર છે. જરૂર પડશે તો આ ગ્રુપમાં હાજર ખેલાડીઓને ભારત વિરુદ્ધ સિરીઝમાં ઉતારવામાં આવી શકે છે.

હાલ કંઈપણ કહેવું ઉતાવળિયું
શ્રીલંકાની ટીમ એક મેડિકલ સ્ટાફે જણાવ્યું હતું કે હાલ એ કહેવું ઉતાવળિયું હશે કે ભારત વિરુદ્ધ કયા ખેલાડી રમશે. બોર્ડ અને મેડિકલ ટીમ સ્થિતિ પર ઓબ્ઝર્વ કરી રહ્યાં છે. RT-PCR ટેસ્ટના બીજા રાઉન્ડ બાદ કંઈ કહી શકાશે.

ઈંગ્લેન્ડમાં બે સંક્રમિત થયા
માનવામાં આવે છે કે ગ્રાંટ ફ્લાવર અને જીટી નિરોશન બંને ઈંગ્લેન્ડમાં જ પોઝિટિવ થયા છે. તેઓ અન્ય ખેલાડીઓને પણ મળતા રહ્યા છે, એ દૃષ્ટિએ અન્ય ખેલાડીઓ પણ સંક્રમિત થશે એવી આશંકા છે. ફોલ્સ નેગેટિવ રિપોર્ટથી બચવા માટે બોર્ડ એક રાઉન્ડના ટેસ્ટિંગ કરાવી રહ્યું છે.

અન્ય સમાચારો પણ છે...