તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Sports
  • Cricket
  • The Indian Player Will Be In England For Only 3 Days In Quarantine, Team India Will Be Able To Practice For 12 Days Before The Test Championship Final.

વિરાટની ટીમને રાહત:ભારતીય ખેલાડી ઇંગ્લેન્ડમાં માત્ર 3 દિવસ ક્વોરન્ટીનમાં રહેશે, ટેસ્ટ ચેમ્પિયનશિપ ફાઇનલ પહેલાં 12 દિવસ પ્રેક્ટિસ કરી શકશે ટીમ ઇન્ડિયા

મુંબઈ4 મહિનો પહેલા
  • કૉપી લિંક

ઇંગ્લેન્ડ પ્રવાસ પહેલાં ટીમ ઈન્ડિયા માટે રાહતના સમાચાર છે. ઇંગ્લિશ ક્રિકેટ બોર્ડે (ઇસીબી) બીસીસીઆઈના 3 દિવસના જ ક્વોરન્ટીન પીરિયડના પ્રસ્તાવને સ્વીકાર્યો છે. હવે વિરાટ કોહલીની ટીમને ફક્ત 3 દિવસ માટે ઇંગ્લેન્ડમાં કડક ક્વોરન્ટીન નિયમોમાંથી પસાર થવું પડશે. આ પછી, ખેલાડીઓ પ્રેક્ટિસ કરી શકે છે. ટીમ ઇન્ડિયા 2 જૂને ઇંગ્લેન્ડ રવાના થશે.

આવી સ્થિતિમાં, ખેલાડીઓને ન્યૂ ઝીલેન્ડ સામે વર્લ્ડ ટેસ્ટ ચેમ્પિયનશિપ ફાઈનલ પહેલા પ્રેક્ટિસ કરવા માટે 12 દિવસનો સમય મળશે. ઇસીબીએ અગાઉ બીસીસીઆઈને 10 દિવસ ક્વોરન્ટીન નિયમનું પાલન કરવાનું કહ્યું હતું, જે 12 જૂને સમાપ્ત થાત. આનાથી ખેલાડીઓને પ્રેક્ટિસ માટે માત્ર 6 દિવસનો સમય મળ્યો હોત. ફાઇનલ 18 જૂને સાઉથ હેમ્પતનના એજિસ બાઉલમાં રમવામાં આવશે.

મુંબઇમાં ક્વોરન્ટીનમાં છે ખેલાડીઓ

  • બીસીસીઆઈ અને ઇસીબી વચ્ચે ક્વોરન્ટીન નિયમો અંગે ઘણા સમયથી ચર્ચા ચાલી રહી હતી.
  • બંને ભારતીય પુરુષ અને મહિલા ટીમો 2 જૂને ઇંગ્લેન્ડ જવા રવાના થશે. એ પહેલાં ટીમ 19 મેથી 2 અઠવાડિયા માટે મુંબઇમાં ક્વોરન્ટીનમાં છે.
  • બીસીસીઆઈએ કોઈપણ ખેલાડીને મુંબઈમાં પ્રેક્ટિસ કરવાની મંજૂરી આપી નથી. ઉપરાંત, ટેસ્ટિંગ પણ કરવામાં આવી રહ્યું છે.
  • બોર્ડે કડક સૂચના આપી છે કે કોઈપણ ખેલાડીઓ જે પ્રવાસ પહેલાં પોઝિટિવ આવે છે, તે ટીમની બહાર થઈ જશે.

ભારતીય પુરુષ અને મહિલા બંને ટીમોને રાહત મળશે

  • આવી સ્થિતિમાં બોર્ડ ઈચ્છતું હતું કે, ઇસીબી ટીમને થોડી રાહત આપે, જેથી ફાઈનલ જેવી મહત્વની મેચ પહેલાં થોડી પ્રેક્ટિસ થઈ શકે.
  • મીડિયા રિપોર્ટ્સ અનુસાર હવે ઇસીબીએ આ માટે સંમતિ આપી દીધી છે. ભારતીય પુરુષ ક્રિકેટ ટીમની સાથે મહિલા ટીમને પણ નિયમોમાં છૂટછાટ મળશે.
  • ઇંગ્લેન્ડ પહોંચ્યા બાદ પુરૂષની ટીમને સાઉથ હેમ્પટન તરફ રવાના કરવામાં આવશે. ત્યાં ટીમ ક્વોરન્ટીનમાં રહેશે અને ફાઇનલ મેચ 18 મેના રોજ રમશે.
  • જ્યારે, મહિલા ટીમને બ્રિસ્ટલમાં મોકલવામાં આવશે. મહિલા ટીમે ઇંગ્લેન્ડ સામે 16 જૂનથી એકમાત્ર ટેસ્ટ રમવાની છે. ઈંગ્લેન્ડ સામેની ટેસ્ટ બાદ મહિલા ટીમ 3 વનડે અને ટી 20 શ્રેણી પણ રમશે.

ઓસ્ટ્રેલિયા મોડેલ શું છે?

  • ગયા વર્ષે નવેમ્બરમાં આઈપીએલ બાદ ઓસ્ટ્રેલિયા ગયેલી ટીમ ઈન્ડિયાને 3 દિવસના ક્વોરન્ટીનમાંથી પસાર થવું પડ્યું હતું.
  • આ પછી, ખેલાડીઓને પ્રેક્ટિસ અને ટ્રેનિંગની મંજૂરી આપવામાં આવી હતી.
  • જો કે, તેઓ હોટલમાં તેમના રૂમમાંથી બહાર નીકળી શકતા નહોતા.
  • બોર્ડે કહ્યું કે તેઓ આ મોડેલ અંગે ઇસીબી સાથે વાત કરી રહ્યા છે.
  • ઓસ્ટ્રેલિયા પ્રવાસ પર સારી પ્રેક્ટિસને કારણે ભારતે ટી -20 અને ટેસ્ટ શ્રેણી જીતી હતી.

ભારત અને ન્યૂ ઝીલેન્ડની ટીમો એક હોટલમાં ક્વોરન્ટીન

  • સાઉથ હેમ્પ્ટનમાં ડબ્લ્યુટીસીના ફાઇનલમાં ભાગ લેનારી બીજી ટીમ ન્યૂ ઝીલેન્ડના ખેલાડીઓ પણ ક્વોરન્ટીનમાં છે.
  • તે 17 મેના રોજ ઇંગ્લેન્ડ પહોંચ્યા હતા. તેમને પણ 21 મેથી 3 દિવસ કડક ક્વોરન્ટીન બાદ પ્રેક્ટિસ કરવાની છૂટ મળી હતી.
  • તેઓ ફાઇનલ પહેલાં ઇંગ્લેન્ડ સામે 2 અને 10 જૂનના રોજ 2 ટેસ્ટ રમશે.
  • ભારત અને ન્યૂ ઝીલેન્ડના ખેલાડીઓ એક જ હોટેલમાં ક્વોરન્ટીન કરવામાં આવશે.

ઇંગ્લેન્ડના બોર્ડ દ્વારા પરિવારને મંજૂરી આપવામાં આવી નથી

  • ઇસીબીએ ભારતીય ખેલાડીઓ માટેના નિયમોમાં છૂટછાટ આપી છે. પરંતુ તેમના પરિવારના સભ્યોને તેમને હજી ઇંગ્લેન્ડ લાવવાની મંજૂરી આપવામાં આવી નથી.
  • લાંબા પ્રવાસના કારણે બીસીસીઆઈએ વિરાટ એન્ડ કંપનીને પરિવારને સાથે રાખવાની મંજૂરી આપી હતી.
  • આ અંગે બોર્ડ હજી ઇસીબીને મનાવવાનો પ્રયાસ કરી રહ્યું છે.
  • 19 મેથી મુંબઇના બાયો-બબલમાં ખેલાડીઓ તેમજ તેમના પરિવારોને ક્વોરન્ટીન કરવામાં આવ્યા છે.
અન્ય સમાચારો પણ છે...