• Gujarati News
  • Sports
  • Cricket
  • Tamil Nadu Has Been Consistently Successful In The Current Season, As The Performance Of The Players Has Improved Since The Tamil Nadu Premier League First Division League, Practicing All Year Round.

ડોમેસ્ટિક ક્રિકેટનો ‘નવો સ્ટાર’:તમિલનાડુ વર્તમાન સિઝનમાં સતત સફળ, કારણ- તમિલનાડુ પ્રીમિયર લીગ-ફર્સ્ટ ડિવિઝન લીગથી ખેલાડીઓનું પ્રદર્શન સુધર્યું, આખું વર્ષ પ્રેક્ટિસ કરે છે

મુંબઈ8 મહિનો પહેલા
  • કૉપી લિંક
  • તમિલનાડુથી અન્ય રાજ્યોએ શીખવાની જરૂર, મુશ્તાક અલી ટી-20ની બંને સિઝન જીતી

રવિવારે જ્યારે તમિલનાડુની ટીમ હિમાચલ વિરુદ્ધ વિજય હઝારે ટ્રોફીની ફાઈનલમાં ઉતરશે, ત્યારે ટીમ વર્તમાન ડોમેસ્ટિક સિઝનની ત્રીજી ફાઈનલ રમશે. આ વર્ષે સૈયદ મુશ્તાક અલી ટી-20 ટ્રોફીની 2 સિઝન યોજાઈ છે. ગત વર્ષે સ્થગિત થયેલી ટૂર્નામેન્ટ આ વર્ષે યોજાઈ હતી, જ્યારે વર્તમાન સિઝનની આ ટૂર્નામેન્ટ નવેમ્બરમાં યોજાઈ હતી.

જાન્યુઆરીમાં બરોડાને 7 વિકેટે હરાવી અને નવેમ્બરમાં શાહરૂખ ખાનના અંતિમ બોલ પર લગાવેલા છગ્ગાની મદદથી કર્ણાટકને હરાવી તમિલનાડુ ચેમ્પિયન બન્યું હતું. વ્હાઈટ બોલ ક્રિકેટમાં તમિલનાડુ ડોમેસ્ટિક ક્રિકેટમાં નવો સ્ટાર મનાય છે. બાકી રાજ્યોની ટીમોએ પણ તમિલનાડુ પાસેથી શીખવાની જરૂર છે.

તમિલનાડુના વ્હાઈટ બોલ ક્રિકેટમાં સફળ રહેવાના 3 કારણો છે. તમિલનાડુ પ્રીમિયર લીગ અને ટીએનસીએ લીગ રમવાથી તેમની તૈયારીઓ વધુ મજબૂત થઈ છે. આ ઉપરાંત ખેલાડીઓ આખું વર્ષ આકરી પ્રેક્ટિસ કરતા રહે છે.

ટીએનપીએલથી ખેલાડીઓ દબાણમાં રમતા શીખ્યા, ટી. નટરાજન જેવા ખેલાડીઓ પણ આવી લીગની જ ખોજ છે

  • ટીએનપીએલના કારણે ખેલાડીઓ પાસે દબાણ હેઠળ રમવાનો સારો એવો અનુભવ છે. આ ખેલાડીઓ મુશ્કેલ મુકાબલામાં રમવાનું જાણે છે. તેઓ એ જાણે છે કે મુશ્કેલ સ્થિતિના મુકાબલામાં દબાણમાંથી બહાર આવી કેવી રીતે પ્રદર્શન કરવું. જોકે દેશના અન્ય ખેલાડીઓ પાસે આવો અનુભવ નથી. ટીએનપીએલે તમિલનાડુના ક્રિકેટને નવા સ્તરે લઈ ગયું છે. તમિલનાડુમાં સ્થાનિક લાંબા ફોર્મેટની ટીએનસીએ લીગ પણ યોજાય છે. પૂજારા જેવા ખેલાડીઓ પણ આ લીગમાં રમ્યા છે. જોકે આ લીગને 3 દિવસીય ક્રિકેટથી ઘટાડી 2 દિવસની કરવામા આવી છે, જેના કારણે સંપૂર્ણ ફોક્સ ટીએનપીએલ પર વધ્યું છે. ટીએનપીએલથી ટી.નટરાજન જેવા ખેલાડીઓ નીકળ્યા છે. ડાબોડી ઝડપી બોલર નટરાજન આઈપીએલ-ટીમ ઈન્ડિયા તરફથી પણ રમ્યો છે. આઈપીએલ સ્કાઉટ્સ પણ નવા ટેલેન્ટની ખોજમાં ટીએનપીએલ જોવા આવે છે.
  • શાહરૂખ ખાન શાનદાર સ્ટ્રાઈકર છે, જેણે આ સિઝનમાં બંને ટૂર્નામેન્ટમાં મહત્ત્વપૂર્ણ ઈનિંગ્સ રમી. તેણે વિજય હઝારેમાં 6 ઈનિંગ્સમાં 2 અડધી સદીની મદદથી 211 રન કર્યા. તે નિચલા ક્રમે રમતા પરફેક્ટ ફિનિશર છે. ભારતને વ્હાઈટ બોલ ક્રિકેટમાં નિચલા ક્રમમાં એક સારા ફિનિશરની જરૂર પણ છે. આ ઉપરાંત હરિ નિશાંત, આર.સાઈ કિશોરે પણ પોતાના પ્રદર્શનથી પ્રભાવિત કર્યા છે. તમિલનાડુના આર.સિલંબરાસને પણ પોતાના ટેલેન્ટથી સૌને પ્રભાવિત કર્યા છે. તે 15 વિકેટ સાથે હાઈએસ્ટ વિકેટટેકરમાં બીજા ક્રમે છે. તે પણ ટીએનપીએલમાંથી નીકળેલ ખેલાડી જ છે. દિનેશ કાર્તિકના મુશ્તાક અલી ટ્રોફીમાં ન રમવાને કારણે એન.જગદીશનને વાઈસ કેપ્ટન બનાવાયો. જોકે તે દબાણ સહન ન કરી શકતા પદ ગુમાવ્યું હતું. વાઈસ કેપ્ટન પદ જતા જ તેણે સદી ફટકારી. સુંદરના સ્થાને ઈન્દ્રજીતને તક મળી, તે સફળ રહ્યો.

ચેપક સ્ટેડિયમમાં ઈન્ટ્રા-સ્કવૉડ મેચ રમી, ટીએનપીએલ બાદ ખેલાડીઓનો કેમ્પ શરૂ થયો
કોવિડ બાદ તમિલનાડુએ 2020-21, 2021-22 મુશ્તાક અલી ટ્રોફીની તૈયારીઓ શરૂ કરી છે. ટીમને ચેન્નાઈના ચેપક સ્ટેડિયમમાં પ્રેક્ટિસની તક આપવામા આવી. ટીએનપીએલ પૂર્ણ થયા બાદ જ તમામ ખેલાડીઓનો હેડ કોચ એમ.વેંકટરમન્નાની કોચિંગમાં કેમ્પ શરૂ થયો. ટીમે ચેપક પર ઈન્ટ્રા-સ્કવૉડ મેચ પણ રમી હતી, જેના કારણે ઈજા બાદ કમબેક કરતા શાહરૂખ ખાનને મદદ મળી. એટલે મોટાભાગના રાજ્યો કરતા વિપરીત આ વર્ષે તમિલનાડુએ યોગ્ય પ્રમાણમાં વ્હાઈટ બોલ ક્રિકેટ રમી. વિજય હઝારેમાં સુંદરના કમબેકથી ટીમની લાઈન અપને મજબૂતી મળી. દિનેશ કાર્તિક હવે ટીમનું નેતૃત્ત્વ નથી કરતો પરંતુ 2 દાયકાના તેનો અનુભવ ટીમ માટે સતત મહત્ત્વપૂર્ણ સાબિત થયો છે.

ટીમના આસિસ્ટન્ટ કોચે કહ્યું- આ અમારી 3 વર્ષની મહેનતનું પરિણામ છે​​​​​​​
તમિલનાડુના આસિસ્ટન્ટ કોચ અને એનાલિસ્ટ રામાસ્વામી પ્રસન્નાએ કહ્યું કે,‘અમે 3 વર્ષ અગાઉ આ પ્રક્રિયા શરૂ કરી હતી. દરેક ખેલાડીને પોતાની ભૂમિકાની જાણ હતી. અમે ગત 3 વર્ષમાં બંને ફોર્મેટની ફાઈનલમાં પહોંચ્યા છીએ. ટીમની કોર યુનિટમાં પણ વધુ ફેરફાર નથી કરાતા. અમારી પાસે દરેક સ્તર પર મલ્ટી ડાયમેન્શનલ અને ઓલરાઉન્ડ ખેલાડી છે. જેમની પાસે મુશ્કેલ પરિસ્થિતિમાંથી બહાર નીકળવાનો અનુભવ છે. ટીએનપીએલે પણ તેમાં મહત્ત્વપૂર્ણ ભૂમિકા ભજવી છે.’ હવે તમિલનાડુનો આગામી લક્ષ્ય પોતાના રણજી રેકોર્ડને સુધારવાનો રહેશે.

અન્ય સમાચારો પણ છે...