જન્મ દિવસની 'વિરાટ' શુભેચ્છા:કોહલીનો આજે 33મો જન્મ દિવસ, જાણો ઓસ્ટ્રેલિયા ફતેહ કરનાર પહેલા એશિયન કેપ્ટનના ખાસ રેકોર્ડ્સ

આજે 5 નવેમ્બરે ઈન્ડિયન ટીમના કેપ્ટન વિરાટ કોહલીનો 33મો જન્મ દિવસ છે. તેવામાં કોહલી એન્ડ ટીમ પણ T-20 વર્લ્ડ કપ 2021માં સ્કોટલેન્ડ સામે મહત્ત્વપૂર્ણ મેચ રમવા જઈ રહી છે. ભારત આ મેચ મોટા માર્જિનથી જીતી નેટ રન રેટ વધારી કોહલીને બર્થ ડે ગિફ્ટ આપવા મેદાનમાં ઉતરશે. તેવામાં ભલે અત્યારે ઈન્ડિયન ટીમના કેપ્ટન ઘણા વિવાદોમાં સપડાયા હોય પરંતુ વિરાટે પોતાની કરિયરમાં એવા એવા રેકોર્ડ્સ તોડ્યા છે જેણે દેશનું નામ વિશ્વસ્તરે રોશન કર્યું છે. તો ચલો આપણે આ ખાસ દિવસ પર કોહલીના વિરાટ રેકોર્ડ્સ પર નજર ફેરવીએ....

વિરાટ કોહલી ટેસ્ટ ફોર્મેટમાં ભારતનો સૌથી સફળ કેપ્ટન
કિંગ કોહલી ભારતનો સૌથી સફળ ટેસ્ટ કેપ્ટન છે. તેણે 65 મેચમાં ભારતની કેપ્ટનશિપ કરી છે અને 38 મેચ જીતી છે. આ મામલામાં વિરાટ કોહલી અત્યારે મહેન્દ્ર સિંહ ધોની, સૌરવ ગાંગુલી, રાહુલ દ્રવિડ અને સુનીલ ગાવસ્કર જેવા ઘણા દિગ્ગજ ખેલાડીઓથી આગળ છે. ધોનીની કેપ્ટનશિપમાં ભારતે 27 મેચ અને ગાંગુલીની કેપ્ટનશિપમાં 21 મેચ જીતી છે. જ્યારે તેણે ભારતની કેપ્ટનશિપ સંભાળી ત્યારે ટીમ ઈન્ડિયા વિદેશમાં મેચો જીતવા માટે સંઘર્ષ કરી રહી હતી. ત્યારપછી તેણે ઓસ્ટ્રેલિયા અને ઈંગ્લેન્ડ જેવી ટીમોને ઘરઆંગણે હંફાવી દીધી છે.

ઓસ્ટ્રેલિયામાં ટેસ્ટ સિરીઝ જીતનારો પહેલો એશિયન કેપ્ટન

વનડેમાં સૌથી ઝડપી 10 હજાર રન - વિરાટ રેકોર્ડ

T20માં સૌથી વધુ રન કરનારો ખેલાડી
વિરાટ કોહલી આંતરરાષ્ટ્રીય T20 ક્રિકેટમાં સૌથી વધુ રન કરનારો બેટર છે. તેણે 93 મેચમાં 3225 રન કર્યા છે. તેના પછી ન્યૂઝીલેન્ડના માર્ટિન ગપ્ટિલે 3069 રન કર્યા છે. જોકે તે અત્યાર સુધી ક્રિકેટના સૌથી ટૂંકા ફોર્મેટમાં સદી ફટકારી શક્યો નથી. તેનો સર્વશ્રેષ્ઠ સ્કોર 94 રન છે.