કપિલ દેવે દિગ્ગજોને આડે હાથ લીધા:વિરાટ-રોહિત અને રાહુલ અંગે કહ્યું- જ્યારે જરૂર હોય ત્યારે તો રન જ નથી કરતા; આઉટ થઈ જાય છે

19 દિવસ પહેલા
  • ખેલાડી અપ્રોચ બદલે અથવા ટીમ એ ખેલાડી જ બદલી નાખે- કપિલ દેવ

IPL પૂરી થયા પછી હવે ક્રિકેટ ફેન્સની નજર ભારત અને દક્ષિણ આફ્રિકા વચ્ચે આયોજિત T20 સિરીઝ પર રહેશે, પરંતુ આ સિરીઝમાં ટીમ ઈન્ડિયા ટોપ-2 બેટર વિરાટ અને રોહિત વિના રમવા જઈ રહી છે. આ દરમિયાન કે.એલ. રાહુલ ટીમની કેપ્ટનશિપ હેઠળ ભારતીય યુવા ટીમ મેદાનમાં ઊતરશે. જોકે આ સિરીઝ પહેલાં કપિલ દેવે ભારતના ત્રણ સ્ટાર અંગે ચોંકાવનારું નિવેદન આપ્યું છે. દિગ્ગજ ક્રિકેટરે કહ્યું હતું કે આ ત્રણેય ખેલાડીની ટીમને જ્યારે જરૂર હોય ત્યારે તેઓ રમતા જ નથી અને પેવેલિયન ભેગા થઈ જાય છે.

ત્રણેય ખેલાડી પર પ્રેશરની અસર થાય છે

કપિલ દેવે કહ્યું હતું કે ટીમ ઈન્ડિયાના વિરાટ, રોહિત અને કે.એલ. રાહુલ પર પ્રેશર આવી જાય તો નેચરલ ગેમ રમી શકતા નથી. તેમનો એવરેજ સ્ટ્રાઈક રેટ 150-160 સુધી રહે છે, પરંતુ દબાણમાં આવી જાય ત્યારે ફ્લોપ થઈ જાય છે અને ઝડપથી પેવેલિયન ભેગા થઈ જાય છે. આ ટીમ માટે ચિંતાનો વિષય બની શકે છે.

જ્યારે ફાસ્ટ ગેમ રમવાની હોય ત્યારે આઉટ થઈ જાય- કપિલ દેવ

ભારતના પૂર્વ વર્લ્ડ કપ વિનિંગ કેપ્ટન કપિલ દેવે કહ્યું હતું કે જ્યારે રોહિત-વિરાટ અને રાહુલ કોઈ પ્રેશરવાળી સ્થિતિમાં બેટિંગ કરવા મેદાનમાં આવે છે ત્યારે તેમની ગેમ પહેલાં જેવી દેખાતી નથી. તેઓ ચોગ્ગા-છગ્ગા મારવાના હોય અને ગેમને વધુ ફાસ્ટ કરવાની આવે ત્યારે ખોટા સમયે વિકેટ ફેંકી જતા રહે છે. આ ટીમ માટે ચિંતાનો વિષય છે.

ખેલાડી અપ્રોચ બદલે અથવા ટીમ એ ખેલાડી જ બદલી નાખે- કપિલ દેવ
કે.એલ. રાહુલ અંગે કપિલ દેવે કહ્યું હતું કે દરેક ખેલાડીએ પોતાના રોલ અંગે સ્પષ્ટ હોવું જોઈએ. જો ટીમે તમને કહ્યું છે કે તમે 20 ઓવર રમવાનું કહે છે અને 60 રન કરી બેટર નોટઆઉટ પરત ફરે છે તો આ ખોટું છે. પ્લેયરે પોતાની આક્રમક રમત સાથે 20 ઓવર રમવું જોઈએ અથવા પોતાનો અપ્રોચ ચેન્જ ન કરી શકે તો પ્લેયર જ ચેન્જ કરી દેવો જોઈએ.

દિલ્હીમાં અફઘાનિસ્તાનનો રેકોર્ડ તૂટી શકે
ભારતીય ટીમ જ્યારે સિરીઝની પહેલી મેચ રમવા માટે અરુણ જેટલી સ્ટેડિયમમાં ઊતરશે ત્યારે બધા ફેન્સની નજર એક ખાસ રેકોર્ડ પર રહેશે. ટીમ ઈન્ડિયા T20ના વિજય રથ પર અત્યારે સવાર છે. તે છેલ્લી 12 મેચથી જીત પ્રાપ્ત કરતી આવી છે. તેવામાં સતત જીત મેળવવાની યાદીમાં સંયુક્ત રૂપે અફઘાનિસ્તાન સાથે અત્યારે ભારત ટોપ પર છે, જેથી આ મેચ જીતી ભારત પોતાની વિનિંગ સ્ટ્રિક જાળવી રાખવા મેદાનમાં ઊતરશે. આવું કરીને ભારત 13 સતત જીત સાથે વર્લ્ડ રેકોર્ડ બનાવવા તૈયાર રહેશે.

છેલ્લી 12 મેચમાં ભારતનો રેકોર્ડ

વર્ષવિરુદ્ધમેદાનજીત
2021અફઘાનિસ્તાનઅબુધાબી66 રન
2021સ્કોટલેન્ડદુબઈ8 વિકેટ
2021નામીબિયાદુબઈ9 વિકેટ
2021ન્યૂઝીલેન્ડજયપુર5 વિકેટ
2021ન્યૂઝીલેન્ડકોલકાતા73 રન
2022વેસ્ટ ઈન્ડીઝકોલકાતા6 વિકેટ
2022વેસ્ટ ઈન્ડીઝકોલકાતા8 રન
2022વેસ્ટ ઈન્ડીઝકોલકાતા17 રન
2022શ્રીલંકાલખનઉ62 રન
2022શ્રીલંકાધર્મશાલા7 વિકેટ
2022શ્રીલંકાધર્મશાલા6 વિકેટ

ભારત અને દક્ષિણ આફ્રિકા વચ્ચે સિરીઝનું શેડ્યૂલ

મેચતારીખસમયમેદાન
પહેલી T209 જૂનસાંજે 7 વાગ્યેદિલ્હી
બીજી T2012 જૂનસાંજે 7 વાગ્યેકટક
ત્રીજી T2014 જૂનસાંજે 7 વાગ્યેવિશાખાપટ્ટનમ
ચોથી T2017 જૂનસાંજે 7 વાગ્યેરાજકોટ
પાંચમી T2019 જૂનસાંજે 7 વાગ્યેબેંગ્લોર
અન્ય સમાચારો પણ છે...