ઇશાંતની 300ના ક્લબમાં એન્ટ્રી:19 વર્ષની ઉંમરે કર્યું હતું ડેબ્યુ, 300 વિકેટ લેવા 13 વર્ષ અને 314 દિવસ લીધા; ભારતીય બોલર્સમાં સૌથી વધારે

ઇશાંત શર્માએ ઇંગ્લેન્ડ સામે ચાર ટેસ્ટ શ્રેણીની પ્રથમ મેચમાં ચોથા દિવસે ડેન લોરેન્સને LBW કરીને ટેસ્ટ ક્રિકેટમાં 300 વિકેટ પૂરી કરી. તે આ સિદ્ધિ મેળવનાર ભારતનો ત્રીજો ફાસ્ટ બોલર બન્યો છે. તેની પહેલાં કપિલ દેવ અને ઝહીર ખાન આ સિદ્ધિ મેળવી ચૂક્યા છે. ઓવરઓલ 300 ટેસ્ટ વિકેટ લેનાર ઇશાંત છઠ્ઠો ભારતીય અને દુનિયાનો 35મો બોલર બન્યો છે. તેણે 19 વર્ષની વયે ડેબ્યુ કરતાં 25 મે 2007ના રોજ બાંગ્લાદેશના મશરફે મુર્તઝાને આઉટ કરીને કરિયરની પ્રથમ વિકેટ લીધી હતી.

ઇશાંતે ટેસ્ટમાં સૌથી ધીમી 300 વિકેટ પૂરી કરી
લંબુ તરીકે ઓળખાતા ઇશાંતે ટેસ્ટ ક્રિકેટમાં સૌથી ધીમી 300 વિકેટ પૂરી કરી છે. આ માટે તેણે સૌથી વધુ 98 ટેસ્ટ લીધી. અગાઉ આ રેકોર્ડ ન્યૂઝીલેન્ડના ડેનિયલ વિટ્ટોરીના નામે હતો. વિટ્ટોરીએ આ સિદ્ધિ મેળવવા 94 ટેસ્ટ લીધી હતી.

બોલિંગ એવરેજ એટલે બોલર એક વિકેટ ઝડપવા માટે કેટલા રન આપે છે.

ભારતમાં પૂરી કરી વિકેટની સદી

ઇશાંત શર્માએ ચેન્નાઈ ટેસ્ટ દરમિયાન ભારતમાં 100 વિકેટ પૂરી કરી. તે અત્યાર સુધીમાં 101 વિકેટ લઈ ચૂક્યો છે. ભારતની બહાર ઇશાંતે સૌથી વધુ 43 વિકેટ ઇંગ્લેન્ડમાં લીધી છે. વેસ્ટ ઇન્ડિઝમાં તેણે 41 વિકેટ લીધી છે.

​​​​​​દરેક ભારતીય બોલરને 300 વિકેટ સુધી પહોંચતા કેટલો સમય લાગ્યો:

67% વિકેટ ટોપ-6 બેટ્સમેનની લીધી
ઇશાંતે મોટાભાગની વિકેટ ટોપ અને મિડલ ઓર્ડરની લીધી. તેણે 300માંથી 202 વિકેટ ટોપ-6 બેટ્સમેનની લીધી છે. ઓપનર્સને તેણે કુલ 72 વાર આઉટ કર્યા. જ્યારે નંબર 3 અને નંબર 4ને 31 વાર પેવેલિયન ભેગા કર્યા. નંબર 5ને 32 અને નંબર 6ને 31 વાર આઉટ કર્યા.

ઇશાંત શર્માની માઈલસ્ટોન વિકેટ