તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ચેન્નઈમાં બીજી ટેસ્ટ:પ્રથમ દિવસના અંતે ભારત 300/6, રોહિત શર્માની ટેસ્ટમાં સાતમી સદી, અજિંક્ય રહાણેની 23મી ફિફટી

21 દિવસ પહેલા
  • કૉપી લિંક

ભારતે ઇંગ્લેન્ડ સામે ચાર ટેસ્ટ શ્રેણીની બીજી મેચમાં ચેન્નઈ ખાતે 6 વિકેટે 300 રન કર્યા છે. પ્રથમ દિવસના અંતે ઋષભ પંત 33 રને અને અક્ષર પટેલ 5 રને ક્રિઝ પર ઊભા છે. ભારત માટે રોહિત શર્માએ કરિયરની 7મી સદી ફટકારતાં 161 રન, જ્યારે વાઈસ કેપ્ટન અજિંક્ય રહાણેએ કરિયરની 23મી ફિફટી ફટકારતાં 67 રન કર્યા. ઇંગ્લેન્ડ માટે જેક લીચ અને મોઇન અલીએ 2-2, જ્યારે ઓલી સ્ટોન અને જો રૂટે 1-1 વિકેટ લીધી. મેચનું સ્કોરકાર્ડ જોવા અહીં ક્લિક કરો...

રોહિતે ચોથીવાર 150+ રન કર્યા
રોહિત શર્માએ પોતાના ટેસ્ટ કરિયરની સાતમી સદી ફટકારતાં 231 બોલમાં 18 ફોર અને 2 સિક્સની મદદથી 161 રન કર્યા હતા. તે 15 મહિના પછી ટ્રિપલ ડિજિટ સુધી પહોંચ્યો છે. તેણે ગઈ સેન્ચુરી ઓક્ટોબર 2019માં સાઉથ આફ્રિકા સામે રાંચીમાં મારી હતી. તેણે બધી સદી ભારતમાં જ મારી છે. જેક લીચની બોલિંગમાં ડીપ સ્કવેર લેગ પર તે મોઇન અલીના હાથે કેચ આઉટ થયો હતો. તેણે કરિયરમાં ચોથીવાર 150+ રન કર્યા. તેણે અને અજિંક્ય રહાણેએ ચોથી વિકેટ માટે 162 રનની ભાગીદારી કરી.

રહાણેની ટેસ્ટમાં 23મી ફિફટી
અજિંક્ય રહાણેએ ટેસ્ટ કરિયરની 23મી ફિફટી ફટકારતાં 149 બોલમાં 9 ફોરની મદદથી 67 રન કર્યા હતા. તે મોઇન અલીની બોલિંગમાં બોલ્ડ થયો હતો. ​​​​​

વિદેશમાં એકપણ સદી વગર ઘરમાં સૌથી વધુ સદી:

  • મોમિનુલ હક: 10 સેન્ચુરી
  • રોહિત શર્મા: 7 સેન્ચુરી
  • એફએસ જેકસન/ચંદુ બોર્ડે/ માર્નસ લબુશેન: 5 સેન્ચુરી

રોહિત કરિયરની પ્રથમ 7 સદી ભારતમાં મારનાર પ્રથમ ભારતીય ક્રિકેટર છે. તેની પહેલાં મોહમ્મદ અઝહરુદ્દીને કરિયરની પહેલી 6 સદી ભારતમાં બનાવી હતી. રોહિત શ્રીલંકા, વેસ્ટ ઇન્ડિઝ, સાઉથ આફ્રિકા અને ઇંગ્લેન્ડ સામે ત્રણેય ફોર્મેટમાં સદી મારનાર પ્રથમ બેટ્સમેન છે.

વિરાટ કોહલી શૂન્ય રને આઉટ
વિરાટ કોહલી શૂન્ય રને મોઇન અલીની બોલિંગમાં બોલ્ડ થયો હતો. ઓફ-સ્ટમ્પની બહાર પિચ થયેલા બોલને ડ્રાઈવ કરવા જતાં બોલ બેટ અને પેડ વચ્ચેથી જતો રહ્યો. તે પહેલીવાર સ્પિનરની બોલિંગમાં શૂન્ય રને આઉટ થયો.

કોહલીને શૂન્ય પર આઉટ કરનાર બોલર્સ:

  • રવિ રામપોલ: વેસ્ટ ઇન્ડિઝ
  • બેન હિલફેનહાઉસ: ઓસ્ટ્રેલિયા
  • લિયમ પ્લન્કેટ: ઇંગ્લેન્ડ
  • જેમ્સ એન્ડરસન: ઇંગ્લેન્ડ
  • મિચેલ સ્ટાર્ક: ઓસ્ટ્રેલિયા
  • સુરંગા લકમલ: શ્રીલંકા
  • સ્ટુઅર્ટ બ્રોડ: ઇંગ્લેન્ડ
  • પેટ કમિન્સ: ઓસ્ટ્રેલિયા
  • કેમર રોચ: વેસ્ટ ઇન્ડિઝ
  • અબુ જાયેદ: બાંગ્લાદેશ
  • મોઇન અલી: ઇંગ્લેન્ડ

રોહિત અને પૂજારાની 85 રનની ભાગીદારી
ગિલ શૂન્ય રને આઉટ થયો તે પછી રોહિત અને ચેતેશ્વર પૂજારાએ બાજી સંભાળી હતી. બંનેએ બીજી વિકેટ માટે 85 રન કર્યા હતા. પૂજારા 21 રને જેક લીચની બોલિંગમાં બેન સ્ટોક્સના હાથે કેચ આઉટ થયો હતો.

ગિલ ખાતું ખોલ્યા વિના આઉટ
શુભમન ગિલ શૂન્ય રને ઓલી સ્ટોનની બોલિંગમાં LBW થયો હતો. ભારતે શૂન્ય રને પ્રથમ વિકેટ ગુમાવી હતી, જોકે તે પછી રોહિત અને પૂજારાએ બાજી સંભાળી.

ભારતીય કેપ્ટન વિરાટ કોહલીએ અક્ષર પટેલને ડેબ્યુ કેપ આપી.
ભારતીય કેપ્ટન વિરાટ કોહલીએ અક્ષર પટેલને ડેબ્યુ કેપ આપી.

ભારતે ટોસ જીતીને બેટિંગ લીધી
ભારતીય કેપ્ટન વિરાટ કોહલીએ ઇંગ્લેન્ડ સામે ટોસ જીતીને પ્રથમ બેટિંગ કરવાનો નિર્ણય લીધો છે. ભારતીય ટીમમાં ત્રણ ફેરફાર કરાયા છે. શાહબાઝ નદીમ અને વોશિંગ્ટન સુંદરને ટીમની બહાર કરાયા છે, જ્યારે જસપ્રીત બુમરાહને આરામ આપવામાં આવ્યો છે. અક્ષર પટેલ ટેસ્ટ ક્રિકેટમાં ડેબ્યુ કરી રહ્યો છે. અક્ષર ભારત વતી ટેસ્ટ રમનાર 302મો ખેલાડી છે. જ્યારે બુમરાહની જગ્યાએ મોહમ્મદ સિરાજ અને નદીમની જગ્યાએ કુલદીપ યાદવ રમી રહ્યો છે.

બુમરાહને આરામ આપવામાં આવતા ગાવસ્કર નારાજ
બુમરાહને આરામ આપવાના નિર્ણયથી પૂર્વ ક્રિકેટર સુનિલ ગાવસ્કર ખુશ નથી. તેમણે કહ્યું કે, "બુમરાહ અત્યારે ભારતનો નંબર-1 ફાસ્ટ બોલર છે, જ્યારે અશ્વિન નંબર-1 સ્પિનર છે . આ શ્રેણીની મહત્ત્વપૂર્ણ ટેસ્ટ છે. તમારે જીતવાનું છે. તેવામાં બુમરાહને ન રમાડવાનો નિર્ણય સમજાતો નથી. જો વર્કલોડની વાત છે તો આ ટેસ્ટ પછી 7 દિવસનો બ્રેક છે અને તે ફિટ છે. તેવામાં તેણે આ ટેસ્ટ રમવાની જરૂર હતી."

ભારતની પ્લેઈંગ 11: રોહિત શર્મા, શુભમન ગિલ, ચેતેશ્વર પૂજારા, વિરાટ કોહલી (કપ્તાન), અજિંક્ય રહાણે, ઋષભ પંત (વિકેટકીપર), અક્ષર પટેલ, રવિચંદ્રન અશ્વિન, કુલદીપ યાદવ, ઇશાંત શર્મા, મોહમ્મદ સિરાજ

ઇંગ્લેન્ડની પ્લેઈંગ 11: રોરી બર્ન્સ, ડોમિનિક સિબલે, ડેનિયલ લોરેન્સ, જો રૂટ (કપ્તાન), બેન સ્ટોક્સ, ઓલી પૉપ, બેન ફોક્સ (વિકેટકીપર), મોઇન અલી, સ્ટુઅર્ટ બ્રોડ, જેક લીચ, ઓલી સ્ટોન

કોરોના વચ્ચે પહેલીવાર 50% ભારતીય ફેન્સને સ્ટેડિયમમાં પ્રવેશની મંજૂરી મળી છે. બધાની 17 ગેટથી એન્ટ્રી કરાશે. આ દરમિયાન બધાનો તાપમાન પણ ચેક કરાશે. તે સિવાય સ્ટેડિયમમાં મેડિકલ અને આઇસોલેશન રૂમ પણ બનાવામાં આવ્યા છે. હાલમાં જ ટિકેટ્સ વિન્ડો ખુલતાં ફેન્સની ભીડ ભેગી થઈ હતી. લોકો સોશિયલ ડિસ્ટન્સિંગ ભૂલી ગયા હતા. મેચની બધી ટિકિટ વેચાઈ ગઈ છે.

દર્શકો પર CCTV કેમેરાથી નજર રખાશે
તમિલનાડુ ક્રિકેટ એસોસિએશનના સચિવ રામાસામીએ કહ્યું કે, દર બે વ્યક્તિ વચ્ચે એક સીટ ખાલી રખાશે. સોશિયલ ડિસ્ટન્સિંગ માટે CCTV કેમેરાથી નજર રખાશે. દર્શક સ્ટેડિયમમાં માત્ર મોબાઈલ જ લઈ જઈ શકશે. સ્ટેન્ડ્સમાં બોલ જશે તો અમ્પાયર તેને સેનિટાઇઝ કરશે.

મેચની ટિકિટ લેવા માટે દર્શકોનો ઉત્સાહ.
મેચની ટિકિટ લેવા માટે દર્શકોનો ઉત્સાહ.
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- કોઈ ખાસ કામ પૂરું કરવામાં આજે તમારી મહેનત સફળ રહેશે. સમયમાં સકારાત્મક પરિવર્તન આવી રહ્યું છે. ઘર અને સમાજમાં તમારા યોગદાન અને કાર્યની પણ પ્રશંસા થશે. નેગેટિવઃ- નજીકના કોઈ સંબંધીના કારણે પ...

    વધુ વાંચો