• Gujarati News
  • Sports
  • Cricket
  • IND Vs SA| 58 match Series To Be Broken In Delhi, Rohit Virat's Absence In Indian Team; Equipped To Record 13th Consecutive Win

યંગ બ્રિગેડનું મિશન T20:દિલ્હીમાં તૂટશે 58 મેચનો ક્રમ, રોહિત-વિરાટની ઈન્ડિયન ટીમમાં ગેરહાજરી; સતત 13મી જીત નોંધાવવા સજ્જ

22 દિવસ પહેલા
  • કૉપી લિંક

ભારત અને દક્ષિણ આફ્રિકા વચ્ચે પાંચ T20 મેચની સિરીઝ 9 જૂનથી શરૂ થવા જઈ રહી છે. તેવામાં રોહિત, વિરાટ અને બુમરાહની ગેરહાજરીમાં યુવા ટીમ મેદાનમાં ઉતરશે. તમને જણાવી દઈએ કે હિટમેન અને કોહલી વિના ભારતીય ટીમ 13 વર્ષ પછી ઘરેલૂ મેદાનમાં કોઈ T20 મેચ રમવા ઉતરી રહી છે. છેલ્લી વાર 12 ડિસેમ્બર 2009ના દિવસે આમ થયું હતું. ત્યારે ધોની કેપ્ટન હતો અને તે સમયે ગંભીર, સહેવાગ, યુવરાજ જેવા ખેલાડી ટીમમાં સામેલ હતા. આ સમયે ટીમ ઈન્ડિયા શ્રીલંકા વિરૂદ્ધ મોહાલીમાં રમાયેલી મેચ 6 વિકેટથી જીતી ગઈ હતી. ત્યારે સહેવાગે 64, યુવરાજે 60 અને ધોનીએ 46 રન કર્યા હતા.

દિનેશ કાર્તિક અત્યારની ટીમમાં પણ સામેલ

ત્યારપછી ઈન્ડિયન ટીમે 58 T20 મેચ ઘરેલૂ મેદાનમાં રમી છે. જેમાંથી 19માં હારનો સામનો કર્યો છે. આ દરમિયાન વિરાટ અને રોહિતમાંથી કોઈ એક હંમેશા ટીમની પ્લેઇંગ-11માં હાજર રહ્યું છે. તો બીજી બાજુ 2009માં રમાયેલી મેચનો એક ખેલાડી એટલે કે દિનેશ કાર્તિક અત્યારની ટીમમાં પણ સામેલ છે. તેને ફરીથી પ્લેઇંગ-11માં તક મળી શકે છે.

દિલ્હીમાં અફઘાનિસ્તાનનો રેકોર્ડ તૂટી શકે
ભારતીય ટીમ જ્યારે સિરીઝની પહેલી મેચ રમવા માટે અરુણ જેટલી સ્ટેડિયમમાં ઉતરશે ત્યારે બધા ફેન્સની નજર એક ખાસ રેકોર્ડ પર રહેશે. ટીમ ઈન્ડિયા T20ના વિજય રથ પર અત્યારે સવાર છે. તે છેલ્લી 12 મેચથી જીત પ્રાપ્ત કરતી આવી છે. તેવામાં સતત જીત મેળવવાની યાદીમાં સંયુક્ત રુપે અફઘાનિસ્તાન સાથે અત્યારે ભારત ટોપ પર છે. જેથી આ મેચ જીતી ભારત પોતાની વિનિંગ સ્ટ્રીક જાળવી રાખવા મેદાનમાં ઉતરશે. આવું કરીને ભારત 13 સતત જીત સાથે વર્લ્ડ રેકોર્ડ બનાવવા તૈયાર રહેશે.

છેલ્લી 12 મેચમાં ભારતનો રેકોર્ડ

વર્ષવિરૂદ્ધમેદાનજીત
2021અફઘાનિસ્તાનઅબૂધાબી66 રન
2021સ્કોટલેન્ડદુબઈ8 વિકેટ
2021નામીબિયાદુબઈ9 વિકેટ
2021ન્યૂઝીલેન્ડજયપુર5 વિકેટ
2021ન્યૂઝીલેન્ડકોલકાતા73 રન
2022વેસ્ટ ઈન્ડિઝકોલકાતા6 વિકેટ
2022વેસ્ટ ઈન્ડિઝકોલકાતા8 રન
2022વેસ્ટ ઈન્ડિઝકોલકાતા17 રન
2022શ્રીલંકાલખનઉ62 રન
2022શ્રીલંકાધર્મશાલા7 વિકેટ
2022શ્રીલંકાધર્મશાલા6 વિકેટ

ભારત અને દક્ષિણ આફ્રિકા વચ્ચે સિરીઝનું શેડ્યૂલ

મેચતારીખસમયમેદાન
પહેલી T209 જૂનસાંજે 7 વાગ્યેદિલ્હી
બીજી T2012 જૂનસાંજે 7 વાગ્યેકટક
ત્રીજી T2014 જૂનસાંજે 7 વાગ્યેવિશાખા પટ્ટનમ
ચોથી T2017 જૂનસાંજે 7 વાગ્યેરાજકોટ
પાંચમી T2019 જૂનસાંજે 7 વાગ્યેબેંગ્લોર
અન્ય સમાચારો પણ છે...