DAY-1ના રોમાંચક કિસ્સા તસવીરોમાં:ટીમ ઈન્ડિયાએ ટોસ માટે એક વિશેષ કેપ્ટન રાખવો પડશે કે શું!, લોર્ડ્સમાં ઇંગ્લિશ બોલર્સ હાંફી ગયા; વરસાદ અને WTC વચ્ચે 36નો આંકડો

ઈન્ડિયા અને ઇંગ્લેન્ડ વચ્ચે બીજી ટેસ્ટ મેચ લોર્ડ્સ ક્રિકેટ ગ્રાઉન્ડમાં રમાઈ રહી છે. જેના પહેલા દિવસે જ ઈન્ડિયન કેપ્ટન વિરાટ કોહલીએ ટોસ હાર્યા પછી શરમજનક રેકોર્ડ પોતાને નામ કર્યો હતો. તો બીજી બાજુ લોર્ડ્સમાં પણ વર્લ્ડ ટેસ્ટ ચેમ્પિયનશિપ-2 દરમિયાન વરસાદે બંને ટીમના ખેલાડીઓને હેરાન કરી મૂક્યા હતા. એટલુ જ નહીં આજે તો ઇંગ્લિશ લોકોને પણ જાણે ઈન્ડિયન્સનો ચસકો લાગ્યો હતો, હા સાચ્ચે... પહેલા તો લોર્ડ્સની બહાર પૂરજોશમાં બેટ બનાવવાનું કામ ચાલૂ કરાયું અને વળી એને જોવા લોકોની લાઇનો પણ લાગી હતી. તો ચલો આપણે આજના દિવસમાં શરૂઆતથી લઇને અંત સુધી સામે આવેલા રસપ્રદ કિસ્સાઓ પર તસવીરો અને વીડિયોના માધ્યમથી નજર ફેરવીએ......

ઈન્ડિયન કેપ્ટનનું ટોસમાં બેડ લક
ઇંગ્લેન્ડમાં વિરાટ કોહલી 16 મેચમાં 14મો ટોસ હાર્યો છે. એટલું જ નહીં કોહલી તો 2018ના ઇંગ્લેન્ડ ટૂરમાં પણ પાંચેય ટેસ્ટ મેચમાં ટોસ હાર્યો હતો. હવે કોહલી આમ સતત ટોસ હારતો રહેશે તો ફેન્સ પણ વિવિધ પ્રતિક્રિયાઓ આપવાના જ ને, એવામાં કોહલીના ટોસનો રેકોર્ડ જોતા એમ લાગે છે કે ઈન્ડિયન ટીમે માત્ર ટોસ માટે એક અલગ કેપ્ટન રાખવો પડશે કે શું?

સોશિયલ મીડિયા પર યૂઝર્સ બોલ્યા કે કોહલી અને ટોસ હારવાની એક નેવર એન્ડિંગ લવ સ્ટોરી છે. તો બીજા યૂઝરે કહ્યું ભાઈ તું કેમ ટોસ માટે જાય છે? તુ ટોસનું કામ રહેવા દે ભાઈ, તારાથી નહીં થાય.

પહેલા દિવસે ઈન્ડિયન ટીમે રોહિત (83 રન) અને પુજારા(9 રન)ની વિકેટ ગુમાવી

ટેસ્ટ મેચ DAY-1 તસવીરોમાં....