ટ્વિટર પર IPL:CSK સૌથી ફેમસ ટીમ અને કોહલી સૌથી ચર્ચિત પ્લેયર; સચિનના ટ્વીટને સૌથી વધુ રી-ટ્વીટ કરાયાં

ભલે મહેન્દ્રસિંહ ધોનીની ટીમ ચેન્નઈ સુપરકિંગ્સ (CSK) માટે આ વર્ષે IPLની સીઝન ખરાબ રહી હોય, પરંતુ ટ્વિટર પર માહીની ટીમ છવાઈ ગઈ હતી. ન્યૂઝ એજન્સીના જણાવ્યા અનુસાર, સંયુક્ત અરબ અમીરાત (UAE)માં રમાયેલી ટૂર્નામેન્ટમાં ચેન્નઈની ટીમ વિશે સૌથી વધુ વાર ટ્વીટ કરવામાં આવ્યાં હતાં.

બીજી તરફ, રોયલ ચેલેન્જર્સ બેંગલોર (RCB)નો કેપ્ટન વિરાટ કોહલી ખેલાડી તરીકે સૌથી વધુ ચર્ચામાં રહ્યો હતો. જ્યારે કિંગ્સ ઇલેવન પંજાબ(KXIP)ના નિકોલસ પૂરનની ફિલ્ડિંગ અંગે સચિન તેંડુલકરે કરેલા ટ્વીટને સૌથી વધુ વખત રી-ટ્વીટ કરવામાં આવ્યાં હતાં.

સચિનના ટ્વીટ પછી આ ટ્વીટ્સને સૌથી વધુ રી-ટ્વીટ કરાયાં

IPL 2020ની ટોપ-5 ટ્વિટર મોમેન્ટ્સ:

લીગની ઓપનિંગ મેચ સૌથી વધુ લોકપ્રિય
13મી સીઝનની ઓપનિંગ મેચ અંગે સૌથી વધુ ટ્વીટ થયાં હતાં. મુંબઈ ઇન્ડિયન્સ અને ચેન્નઈ સુપરકિંગ્સ વચ્ચેનો મુકાબલો સોશિયલ મીડિયા પર સૌથી વધુ ચર્ચામાં રહ્યો હતો. એ પછી 4 ઓક્ટોબરે મુંબઈ અને સનરાઇઝર્સ હૈદરાબાદ અને મુંબઈ અને પંજાબ વચ્ચેની સુપર ઓવરવાળી મેચ પણ ફેન્સમાં ઘણી લોકપ્રિય રહી હતી.

સચિનના ટ્વીટ 23 હજારથી વધુ વાર રીટ્વીટ થયાં
નિકોલસ પૂરનની શાનદાર ફિલ્ડિંગ પર સચિને ટ્વીટ કર્યું હતું કે "મેં મારા જીવનમાં આનાથી સારી ફિલ્ડિંગ જોઈ નથી. આ ટ્વીટને 23 હજારથી વધુ વખત રી-ટ્વીટ કરવામાં આવ્યાં હતાં. સીઝનની 9મી મેચમાં રાજસ્થાન રોયલ્સ સામે પૂરને પોતાની ફિલ્ડિંગથી બધાના દિલ જીત્યા હતા.

રાજસ્થાનની ઇનિંગ્સની 8મી ઓવરના ત્રીજા બોલ પર સંજુ સેમસને એક મોટો શોટ માર્યો હતો. લોન્ગ-ઓન પર ફિલ્ડિંગ કરી રહેલા પૂરને હવામાં ઊડીને બાઉન્ડરીની લગભગ અંદર 4 ફિટ જઈને બોલને મેદાનની અંદર ફેંક્યો હતો.